экспорт – TDK-42

Шетелге 3053 тонна ет өнімі саудаланыпты

Ажар Хамитова — Wed, 09 Jan 2019 11:56:48 +0000

Өткен жылы батысқазақстандық шаруалар шетелге 3053 тонна ет өнімдерін саудалапты. Бұл туралы ауыл шаруашылығы басқармасының мамандары мәлімдеп отыр. Өңіріміздің шаруалары Ресей, Армения, Иран Ислам Республикасы, Қырғыстан мен Қытай Халық Республикасына өнімдерін саудалайтын көрінеді. Ірі қара етінің 1579 тоннасы Арменияға, 593 тоннасы Қырғыстанға, 246 тоннасы Ресейге жөнеттіліптіліпті. Ал қой етінің басым көпшілігі Ресей мен Иран Ислам Республикасына саудаланған. Сала мамандары қой етін экспорттау саласында Иран мен Қытай елдерімен келісім орын алғандығын айтуда. Осы келісімнің аясында қос тарапта пайдаға кенелмек.

БҚО-да 4 жылдың ішінде 8 мың тонна ет шетелге экспортталып отыр

Эльмира Рахмешева — Mon, 13 Aug 2018 13:18:52 +0000

Бұл жөнінде ауыл шаруашылығы басқармасы мәлімдеді. Аймақта биыл ірі қара саны 4,4 пайызға көбейсе, жылқы 9 пайызға, құс саны 50 пайызға артыпты. Бүгінгі күні шетелге экспортқа ет шығару жоспары 53,3 пайызға орындалып, 1065 тонна сиыр еті өзге елдерге жөнелтілген. Сондай-ақ 338 тонна қой еті шекара асыпты. Айта кетейік, ағымдағы жылы асыл тұқымды мал шаруашылығын дамытуға 2600 млн. теңге бөлініпті.

Биыл БҚО-да 10 жаңа жобаға қолдау көрсету жоспарланып отыр

Эльмира Рахмешева — Tue, 03 Apr 2018 12:40:18 +0000

0:00 / 0:00

Оның 6-уы индустрияландыру картасы аясында жүзеге асады деп күтілуде. Маңызды жобаның бірі - ауыл шаруашылығы қалдықтарын өңдеу цехы. Бұл жөнінде бүгін аймақтық коммуникациялар қызметінде өткен брифингте мәлім болды. Бақ өкілдері алдында кәсіпкерлік және индустриялдық-инновациялық даму басқармасының басшысы Арман Жалмағамбетов атап өтті.

Брифингте кәсіпкерлік саласында атқарылған жұмысты қортындылаған кәсіпкерлік және индустриялдық-инновацилық даму басқармасының басшысы биылғы жылдың жоспарымен бөлісті. БҚО-да өнеркәсіп саласы азық-түлік және машина құрылысы болып екіге бөлінеді.

Осы жылы облыста 10 жаңа жобаға қолдау көрсету жоспарланып отыр. Оның 6-уы индустрияландыру картасы аясында жүзеге асады деп күтілуде. Маңызды жобаның бірі - ауыл шаруашылығы қалдықтарын өңдеу цехы Кублей кәсіпорнында сәуір-мамыр айында іске қосылады деп күтілуде.

Мемлекеттен инновациялық жобаларға бөлінетін қайтарымсыз гранттар бойынша бөлінетін қаражаттың игерілуі тексеріледі. Мұндай қолдауды көрсетудегі мақсат қоғам үшін пайдасы бар жаңашыл жоба иегерлерін ынталандыру, демеу болып табылады.

Аймақтағы жалпы экспорт көлемі былтыр 2016 жылмен салыстырғанда 20 пайызға артып, 182, 2 млн АҚШ долларын құраған. Осы жылдың ортасында "Конденсат" АҚ дизельді отынды К5 класына дейін тазарту жүйесін орнатуды жоспарлап отыр. Бірнеше жоба Ирандық серіктестермен бірлесе іске асырылады. Өңірдегі ірі өндіріс ошақтарында әзірге жұмысшыларды қысқарту мәселесі қаралып жатырған жоқ, - дейді басқарма басшысы.