Санитарлық-эпидемиологиялық жағдайға байланысты екінші тоқсан жалпы қашықтан оқыту форматында басталды. Шалғайдағы елді мекендердегі шағын жинақталған мектептер эпидемиялық ахуалға байланысты оқуды дәстүрлі штаттық режимде бастады, сондай-ақ бастауыш сынып оқушылары үшін ата-аналардың өтініші негізінде, қатаң санитарлық талаптарды сақтай отырып, кезекші сыныптар жұмысын жалғастыруда.

2020-2021 оқу жылының екінші тоқсаны да қашықтан білім беру форматында басталды. Орал қалалық білім беру бөлімінің мамандарының мәліметінше өткен жылдың осы кезеңіндегі балалардың білім алу деңгейінен бұл жолғы қортынды төмен. Алайда бұл нәтиже мектепте мұғалім алдында білім алумен салыстыруға келмейді. Дегенменде жаңа форматтағы жүйе бойынша оқушылардың бірінші тоқсандағы қортындысы жаман емес.
6 сәуірден бастап Қазақстандағы мектептер қашықтан сабақ беру форматына кірісіп кетті. Бұл жаңа формат негізінен бастауыш сынып оқушылары үшін біршама қолайсыз болды. Сол себепті жаңа оқу жылынан бастап бастауыш сыныптар мектепте қатаң санитарлық нормаларды сақтай отырып білім алуда. Оралдағы №36 М.Ықсанов атындағы орта мектеп оқушылары бүгін күзгі каникулдан соң сүйікті білім ордаларымен қайта қауышты. Білім ошағында бастауыш сыныптарда 206 оқушы болса, олардың 20-сы қашықтан білім алуда.«Жалпы, білім саласы үшін Bilimland, «Күнделік» секілді оқыту тұғырнамалары тиісті жағдай жасауда. Сонымен қатар, телеарналарда жүріп жатқан сабақтар олардың Youtube каналдарында, сайттарында қолжетімді. Цифрлық ресурстарға қарасақ, 1 млн оқушы осы жүйелерді пайдаланып отыр.