Дін істері басқармасының мамандары биыл атқарған жұмыстарын жіпке тізді. Сала мамандары облыс көлемінде діни ақуалды жақсарту мен азаматтарға ағарту жұмыстарын ұйымдастыру үшін 4641 шара өткізіпті. Ол шараларға 151 мың адам қатысқан. Қазіргі таңда азаматтарға көмек көрсету үшін 14 ақпаратты топ қызмет жасауда. Олардың құрамында 148 маман бар.

Облыс көлемінде теолог маман тапшы. Әсіресе, 3 ауданда ауыл тұрғындарымен жұмыстанатын мүлдем маман жоқ. Ол Бөкей Орда, Жәнібек пен Жаңақала. Соңғы аталған ауданда ағарту жұмысын аудандық мешіттің имамы атқарып жүр.

Сондай-ақ, жиын барысында бірқатар аудандар атқарылған жұмыстарын баяндап, келешекке құрған жоспарларымен бөлісті. Жиын соңында кеңестің мүшелері 2019 жылға арналған жоспарын бекітіп, діни ақуалды жақсарту бағытында жұмыстарын жалғастырмақ.