Әрбір квартал сайын өңірлерге сапарлап жүретін мәжіліс депутаттары Бәйтерек ауданында жүріп жатқан көктемгі далалық жұмыстардың аяқ алысымен танысты. Қазіргі таңда диқаншылар барша техникасын сайлап, дәнді-дақылдарды егіп жатыр. Биыл Бәйтеректің шаруалары күзгі дақылдар егілген алқаптардың санын арттырыпты.

Көктемгі далалық жұмыстардың қалай жүзеге асып жатқандығын көрген мәжілісмендер ауыл шаруашылығында еңбектеніп жатқан жандармен тілдесіп, шешімін таппай келе жатқан мәселелерін тыңдады. Шаруалар бірінші кезекте, инвестициялық жобалардың қысқа уақытқа жоспарланғанын айтып, жыл өткен сайын ережелердің түрліше құбылатындығын жеткізді. Кәсібін дөңгелентіп жүрген жандар бұған алаңдап отырғандығын жасырмады. Сондай-ақ, шаруалар Иранға асатын қой етінің бағасында тілге тиек етті.

Өңірге келген депутаттар кәсіпкерлердің ортаға салған сауалдарын міндетті түрде үкіметке жолдайдықтарын жеткізді.

Елдордадан келген мәжіліс депутаттары өңірге сапары барысында түрлі зауыт пен кәсіпорындарды аралап, өндірістің аяқ алысымен таныспақ.

Батыс Қазақстандық тауар өндірушілер жаңа өнімді Солтүстік Қазақстандықтардан сатып ала бастады. Жазғы мезгілде болған құрғақ ауа-райына байланысты бидай өнімдерінің саны аз. Облыстық ауыл шаруашылық басқармасының мамандары, егістік алқаптарының 15 пайызының өнімі есептен шығарылады деп отыр. Бірақ, диқаншылар ұн мен нан тапшылық болмайды деп отыр.

Диқаншылар өткен жылы 368 мың тонна егін жинапты. Бұл соңғы 25 жылда жиналған егіннің ең үлкен көрсеткіші еді. Қазіргі таңда, сала мамандары 100 мың тоннаға жуық егін жинап алған. Диқаншылар бір гектар жерден орташа есеппен 8,5 центр өнім алыпты деседі. Мұндай көрсеткіштер өңірдің жалпы қажеттілігіне жетпейді. Бүгінгі таңда, Желаев нан комбинатында егін бар бірнеше вагон тұр. От арба вагондарының баршасы Солтүстік Қазақстаннан келген. Солтүстік бір тонна егіннің бағасын 47 мың теңгеге бағалап отыр.

Батыс Қазақстандық тауар өндірушілер өндіріс ошақтарын жандандырып жатыр. Мәселен, Желаев комбинатының өнімдері Өзбекстан, Тәжікстан, Ауғаныстан мен Ресейге тасымалдануда. Қазіргі таңда, комбинатта макарон өнімдерін жасақтайтын жаңа цех та өз жұмысын бастапты. Егер өңірде егіннің жетіспеушілігі байқалса, сала мамандары Солтүстік және Қостанай облыстарынан егінді сатып алмақ.

Өңіріміз үшін 112 мың тонна егін және 180 мың тонна жемдік астық қажет.