Айта кетейік, бұл жалпы БҚО бойынша аллергиялық ауруларды анықтайтын жалғыз орталық. Бұрын - соңды батыс жұрты үшін аллерголог маман тапшылығы кәдімгідей сезіліп, олар аллергиядан емделу үшін көршілес Самара, Ақтөбе қалаларына барып жүретін еді. Енді бұлай сандалып аллерголог іздеудің керегі жоқ. 

Аллергиялық аурулар қазір жиі кездесетін болды. Түшкіріп пысқырып, пысылдап жүрген бір адам. Жаз шығып жер кеуіп шаң көтерілгенде бұл ауру тіпті күшейіп кетеді. Бұрын адамдар аллергиядан емделу үшін көршілес Самараға , Ақтөбеге барып жүретін еді. БҚО бойынша аллерголог дәрігер тапшылығы, аллергиялық ауруларды анықтайтын орталықтың болмауы облыс тұрғындарын біраз әуреге салып еді.

Арман Байдеуов, облыстық көпбейінді аурухананың диагностикалық бөлімінің директоры:
- Біздің облыста аллергиялық ауруларды емдейтін дәрігер тапшылығы байқалды, саусақпен санарлық қана аллерголог дәрігеріміз бартұғын. Енді солардың басын қосып аллерго орталықты ашып отырмыз. Адамдар осы жерде дәрігерге жазылып, осы жерде қандай аллергия түрімен ауыратындығына талдау жүргізе алады. Біздің зертханамыз өте мықты. Одан бөлек дерматолог маманымыз да осы жерде отыр. Аллерголог пен дерматолог лаборант үшеуі бірігіп қажетті ем шараларды бекіте алады. Бұл науқастардың уақытын үнемдеу үшін де жақсы.

Айсұлу Есенгалиева осы аллергиялық орталықтың ашылып, дәрігерлердің бір жерге шоғырланғаны үшін қуанышты жандардың бірі. Демікпе ауруымен ауырғалы аллерголог дәрігерге жиі келеді.

Облыстық көп бейінді аурхананың диагонстикалық бөлімінне ашылып отырған аллерго орталық дәрігерлері өздері қабылдау өткізіп, қажетті талдауларды да өздері жасайды.Оратлықтың арнайы таладулар жүргізетін зертханасы бар.Ол жерде мықты аллерголг мамандар жұмыс жасайды.

Уртанбаева Зауре, аллерголог дәрігер
Мен науқастарды осы жерде қабылдаймын. Аллергияның түрлері өте көп, уақытында қаралып емделмесе ол асқынып кетеді. Адамдарда шаң тозаңға, шөптің түрлеріне, немес жануарлардың исіне аллергия болуы мүмкін. Біздің орталықта ересектермен қоса баларда кездесетін аллергия түрлеріне талдаулар жасаймыз

Жуырда ғана іске қосылған аллергиялық ауруларды емдейтін орталық ересектермен қоса балаларды да тексерістен өткізе алады. Орталық бұрынғы диагностикалық орталықтың ғимаратында орналасқан.

Батыс Қазақстан облыстық диагностикалық орталықтың тағы бір жаңа мүмкіндігі! Жергілікті дәрігерлер стрессэхокардиография атты жаңа диагностикалық әдісті меңгерген. Бұның көмегімен ұйықтап жатқан жүрек ақауларын анықтап, физикалық күштеме кезіндегі қан айналым жеткіліксіздігін білуге болады.

Батыс Қазақстан облыстық диагностикалық ауруханасында тағы бір жаңашылдық! енді жергілікті дәрігерлер асқазанда болатын хеликобактерияны санаулы минуттардың ішінде анықтай алады. Осылайша науқас ауруын асқындырмай, дер кезінде қажетті ем алуға мүмкіндік алып отыр.
«Ауру - астан» десек те, көпшілігіміз жүйелі тамақтана бермейміз. Асқорыту жүйесінің бұзылуы түрлі ауруға шалдықтыратыны анық. Мамандардың айтуынша, ауру-сырқаудың - 70, өлім-жітім көрсеткішінің 60 пайызы тамақтануға байланысты екен. Ал деректерге сүйенсек, бүгінгі таңда еліміздегі әрбір екінші тұрғын асқазан ауруынан зардап шегеді. Асқазанның немесе ұлтабардың ойық жараларының дамуының басты себебі - хеликобактер пилори бактериясы. Асқазанның жарасынан зардап шегетін адамдардың көпшілігінде бұл бактериялар асқазан-ішек жолдарында өмір сүреді. Бұл бактерияны зерттеуді, анықтауды бүгінде облыстық диагностикалық орталық қолға алған. Жергілікті дәрігерлердің қолы жетпей жүрген хелико-тесттің көмегімен ағзадағы бактерия мөлшері санаулы минуттардың ішінде белгілі болады. Бұрындары бұл бактерия тек қан зерттеуі арқылы, яғни имуно-ферметтік зерттеу арқылы ғана анықталыпты.

Облыстық диагностикалық орталығында тоқ ішекті зерттеудің жаңа әдістемесі енгізілді. «Виртуалды колоноскопия» аталатын заманауи зерттеу тәсілі мекемеде алғаш рет қолға алынып отыр. Бұл техниканың артықшылығы - эндоскопты қолданбай-ақ, артық ауыртпашылықсыз емдеу. Құрсақ қуысын диагностикадан өткізу облыстық диагностикалық орталығында бірнеше ай бұрын қолға алына бастаған. Дәрігерлердің айтуынша, емделушілер арасында ішек зерттеуіне сұраныс мол. Бұрындары бұл тексеріс жағымсыз өтетін болса, қазір мүлдем еш ауырсыну сезілместен жүргізіледі.

МҰРАТ ИСМАҒУЛОВ
Жоғары санатты дәрігер

Виртуалды колоноскопия кезінде ауруды, ішектің созылуы мен үлкеюін анықтай аламыз. Ауру анықталғаннан соң, науқасты бізге жіберген дәрігерге қайта жібереміз.

Зерттеу япониялық 160 кесінді мультиспиральді құрылғы бойынша жүргізіледі. Бұл құрылғының көмегімен науқас ішегі, іш құрылысы едәуір анық көрінеді. Ал дәрігерлер болса, ішек құрылысы ауруларына бейжай қарамау керектігін ескертеді. Дер кезінде тексерістен өту - аурудың асқынуына жол бермейді.