Оралда теміржолшылардың ескерткіші байқаусызда металл қабылдау пунктіне өтіп кете жаздады. Қоғам белсенділері бұрынғы локомотив депосында тұрған вагон сүйрейтін отарбалардың кескілеуге түскенін кездейсоқ біліп қалған.Ескерткіштер осыдан 20 жыл бұрын депоның мерейтойын атап өткенде қойылыпты. Пайдакүнемдердің тарихи жәдігерге қол салуы тұрғындардың наразалығын тудырған. Ал өткен айда депоның орнын жеке компания сатып алыпты. Олар ауладағы ескі жылу қазандығын бұзып, күл қоқыс тазартуға адам жалдағанбыз дейді. Сөйтсе жұмысшылар қызды-қыздымен қараусыз тұрған электровоз бен паровозды бөлшектеуге кірісіпті. Мұны байқап қалған қоғам белсенділері шу көтерген. Іс насырға шаппай тұрғанда жаңа қожайын кесілген бөлшектерді орнына қайта дәнекерлетіпті.   Оралдықтардың теміржол саласына ықыласы ерекше. Өйткені Қазақстанда алғашқы теміржолдардың салынуы осы деподан басталыпты. Алайда бірнеше жыл бұрын кәсіпорын түбегейлі тұралап, жұмсышыларын таратып жіберген.

"Орал" халықаралық әуежайы бағытындағы көлік жолын жаңғырту кезінде жарық бағаналары да ауыстырылған болатын. Ал бұрынғы ескі бағаналар керексіз болып далада қалмайды,-дейді жолаушы көлігі және авто көлік жолдары бөлімінің мамандары. Облыс орталығында жарықтандырылмаған көшелер қаншама?! Мінекей осы жолдарға электр шамдарын орнату үшін ескі материалдарды пайдалану туралы шешім жасалған Бұл барлық қажеттілікті жаңадан сатып алумен салыстырғанда әлдеқайда арзанға түстін көрінеді. Соның бірі-жақында жөндеуден өткен, №22, 1-ші және өзге де қоғамдық көліктер қатынайтын Депо көшесі бойындағы авто көлік жолының бір қапталы.