Денсаулық сақтау саласына шығыс көзін көбейткен сайын, адамдардың өмір сүру ұзақтығын қамтуға болады дейді денсаулық сақтау министрі Ажар Ғиният. Министр бүгін сенатта өткен үкімет сағатында медицина саласында атқарып жатқан жұмыстары мен проблемаларды баяндады.

Еліміздің бас дәрігер Ажар Ғинияттың сенаторларға берген мәліметі көңіл қоншытпайды. Жыл сайын елімізде 35 мыңнан астам адам обырға шалдығады. 14 мыңнан астам адам қайтыс болады. Диспансерлік есепте 200 мыңнан астам қазақстандық тұр. Осылайша онкологиядан болатын өлім-жітім үшінші орынға шықты,-дейді министр. Ал жүрек-қан тамырлары аурулары салдарынан 40 мың адам көз жұмады. Биыл ана өлімі 3,5 есеге төмендеген екен. Халықтың денсаулығын нығайтып, өлім-жітімді азайту үшін қабылданып жатқан жобалар да жоқ емес. Әрине жылдан жылға денсаулық сақтау саласына бөлінетін бюджет шығысы да артып отыр. Биыл салаға 2,5 трлн теңге бөлінген. Министр халық денсаулығын сақтауға бөлінетін шығыс көзі артқан жағдайда ғана халықтың өмір сүру ұзақтығын қамтуға болады дейді.

Ел медицинасындағы тағы бір проблема- дәрігер тапшы. Қазір елімізде 3 900 дәрігер жетіспейді деді министр. Былтыр үш мыңнан астам жас түлек жұмысқа орналастыруға жіберілді, оның 630-ы – ауылды елді-мекендерге кетті. Биыл 1 872 жас түлектің 441-і ауылдарға жіберілді. Келесі жылға 11 мыңнан астам маман дайындап жатыр. Бірақ мамандар бар көп жерде әлеуметтік қолдау көрсетілмейді. Үй, көтеріңкі жәрдемақы мәселесін шешу қажет дейді министр Ғиният. Сонда ғана дәрігерлер ауылға баруға ниет білдіреді. Өкінішке орай, ақ халатты абзал жандардың ішінде жалған дипломмен қызмет істеп жүргендер тіркелген. Министрлік жүргізген етксерулерден соң, олар жұмыстан қуылған. Алайда, министр нақты қанша дәрігер жалған құжатпен анықталғанын атай алмады.

Жақсы жаңалық та жоқ емес. Жаңа жылдан бастап дәрігерлерге жалақыны орташа есеппен 531 мың теңгеге дейін, орта медицина персоналына 250 мың теңгеге дейін көтеру жоспарланып отыр.

Бірінші-байлық денсаулық. Осы мақал бүгінде өзінің өзектілігін тағы бір мәрте дәлелдей түсті. Әлем елдері коронавирус пандемиясымен күресіп жатқан кезде барша адамзат иммундық жүйесін күшейтіп, ауырмайтын түрлі жолды іздестіруде. Тіпті түрлі тәжірибе жасап та жатыр. Осы уақытта өз өнімін ұсынып, денсаулыққа жақсы деген жалаумен дәрумендер мен бадтарды ұсынған компаниялар көп. Қазіргі таңда олардың бағасы шарықтап тұр. Қызыл-жасыл жарнамасы бар өнімді барлық отбасы сатып ала алмайтыны белгілі. Сонымен отбасылық бюждетке салмай салмайтын қандай әдіс бар?

Коронавирус пандемиясы күллі әлемге денсаулықтың маңызын тағы бір мәрте түсіндіргендей болды. Қолда бар алтынның бағасына жете бермейтін біз қазір осы иммундық жүйемізді қалай сақтап, оны баптау үшін ізденіп, ғаламторды қарап, түрлі кеңестерді ой елегінен өткізіп жатырмыз. Кейбірі індет дендеп барады деп, адам организміне зиян тигізуі мүмкін антибиотиктерді сатып алып, дәрігердің нұсқауынсыз қабылдауда. Қазіргі таңда қоғамды үрей билеген. Дәрігерлер иммунитетіңіз мықты болсын десеңіз, үрейленіп, уайымға салынудың қажеті жоқ,- дейді. Және жақсы көтеріңкі көңіл-күйді сақтағаныңыз абзал.

Денсаулықты шынықтырудың тағы бір жолы ол әрине сауалатты өмір салтын сақтану. Оралдық жастар осы пікірді ұстанады. Дені саудың-жаны сау деген қағиданы ұстанған жандардың бірі -Асхат Рамазанов. Ол күн сайын бірнеше шақырымды жүгіріп өтіп, спорттық жаттығуларды үнемі орындайды.

Дәрігерлер денім сау болсын десеңіз дұрыс тамақтануды ұстану қажет,- дейді. Әсіресе, ет, сүт пен түрлі дәрумендерге бай жеміс-жидек пен көкөністі тұтынуға кеңес береді.

Дәрумендер демекші азаматтар дәрумендерді қабылдамастан бұрын дәрігерлермен кеңесіп алғаны абзал. Біреуге пайдасын тигізген дәрумендер сізге пайдалы болмауы мүмкін. Ақ халатты жандар қазіргі коронавирус эпидемиясы кезінде С дәруменін алты сағат сайын қабылдауға кеңес береді.

Сурет ғаламтордан жүктелген.