Дариян ауылындағы көпқабатты үй тұрғындары жарты жылдан бері жарықсыз отыр. Пәтер иелеріне кілт табыс ету салтанатты шарасынан біраз күн өткеннен кейін подъездердегі жарықтарды сөндіріп тастаған. Ал оны кері қосу тұрғындардың өздеріне жүктеліп отыр.

ҚР тәуелсіздігінің 30 жылдығына орай Дариян ауылы, Балдырған 47 тұрғын үйінің кілтін көп балалы аналар мен мүмкіндігі шектеулі жандарға салтанатты түрде табыс еткен болатын. Алайда олардың қуанышы ұзаққа созылмады. Көп ұзамай коммуналдық қызметкерлер желтөле мен подъездердегі, кіреберіс есіктегі жарық көздерін сөндіріп тастаған. Сондай-ақ тоқ көзінен қуат алатын электржылытқыштар да жұмысын тоқтатқан. Енді оны кері қосу үшін электр жүргізуші компания тұрғындардан 100 метр кабель сымы мен жұмыс ақысын төлеулерін сұрап отыр. Ал оған шамамен жарты млн көлемінде қаражат керек.  Бұл үйде тұратын адамдардың барлығы халықтың әлеуметтік осал топтарына жатады. Олар мәселені шешіп берулерін өтініп жергілікті атқарушы органдардың көмек сұраған, алайда ешқандай қолдау таппапты. Ал үйді салған мердігер болса барлығы жобаға сай жасалғанын айтады. Мінекей жарты жылға жуық уақыт бойы тұрғындар шындықтың бетін аша алмай келеді. Сол себепті де олар адвокатқа жүгініп, мән-жайды анықтауды сұрап, прокуратураға арыз жазған. Жыл сайын Қазақстан бойынша мыңдаған отбасы көптен күткен пәтерлеріне ие болады. Дегенмен, олардың көпшілігінің қуанышы ұзаққа бармай, тұрғын үй құрылысынан шикіліктер шығатындығы көңіл көншітпейді.

6- қазанда БҚО Бәйтерек ауданына қарасты Дариян ауылында екі қабатты тұрғын үй қызыл жалынға оранды. Тілсіз жаудан 8 отбасы зардап шегіп отыр. Сала мамандарының таратқан ақпарына сүйенсек, ғимараттың 60 шаршы метрі жанып кеткен. Өрттің салдарынан тұрғын үйдің шатырына да зақым келген.

Аталмыш әуесқой түсірімде, Дариян ауылының Шолохов 7 мекенжайында орналасқан тұрғын үйдің қалай өртке оранып, мамандардың қызыл жалынды ауыздықтап жатқаны бейнеленген. Сала мамандарының келтірген дерегі бойынша, ғимараттың 60 шаршы метрі өртке оранған.

Бұл үй осыдан 5 жыл бұрын, мемлекеттік бағдарлама аясында шатырын жаңартып, модернизациядан өткен. Пәтер тұрғындары қарызды әлі ай сайын, бірнеше жыл бойы төлеуі керек. Тілсіз жаудан зардап шеккен азаматтар өз есебімізден шатырды жөндей алмаймыз,- дейді.

Тұрғындардың арасында пәтерлерін "Дипломмен ауылға" бағдарламасы аясында 15 жылға несиеге алған жас отбасылар бар. Олар үйімізді жарықты қосуға болмайтындықтан, жақын-жуықтың баспанасында жүрміз,- дейді.

Өрт тұтанған пәтердің иесі І топтың мүгедігімін, зардап шеккен жандарға өтемақыны төлей алмаймын деп отыр.

Тілсіз жаудан зардап шеккен тұрғын үйдің тұрғындарын толғандырған сауалын ауылдық атқамінерге жолдадық. Олар үйдің шатыры мемлекеттік бағдарлама арқылы жөнделгендіктен, екінші рет аталмыш шатырды жөндеуге болмайды. Ал, ауыл бюджетінде тілсіз жау табиғи апаттың салдарынан болмауына байланысты тұрғындардың мұқтажына қаржы бөле алмайтын айтады. Бәйтерек ауданының әкімі Асхат Шахаров телефон арқылы шатырдың алдағы он күннің ішінде атымтай жомарт жандардың есебінен жөнделетіндігін жеткізді.

Тілсіз жаудан зардап шеккен үйдің тұрғындары жергілікті шенеуніктер көмек қолын созбаса, облыс әкімінен көмек сұраймыз деп отыр.

Отбасы күніне орай, қала іргесінде орналасқан Дариян ауылында спорттық сайыс ұйымдастырылды. Негізгі мақсат - өскелең ұрпақ бойына салауатты өмір салты мен отбасы құндылығын дәріптеп, насихаттау. Отбасы күнін арнайы стадионда ұйымдастыруының өзіндік мән-маңызы бар.

Отбасы күніне арналған спорт мерекесінде әрбір ауыл тұрғыны шахмат, велосипед немесе жүгіруден сайысқа қатысты. Отбасы мерекесін алаңда тойлауға келген ауыл тұрғындарының қарасы қалың.

Отбасы мерекесіне арналған спорт сайысында топ жарған бүлдіршіндер мен ауыл тұрғындары түрлі марапатқа ие болды.