Оралда қалалық мәслихатының 19-шы кезектен тыс сессиясы өтті. Жиында қала бюджеті бүтінделіп, оны тиімді жұмсау барысы талқыланды. Сондай-ақ халық қалаулыларымен бірге шешім қабылданды. Сессияның күн тәртібінде екі маңызды мәселе қаралады. Жастарды жұмыспен қамту және кенттердің биылғы бюджеті. Сессияның бірінші мәселесі жастарды жұмыспен қамтуға қатысты болды. Бұл тақырып өте өзекті, себебі жұмыссыздықтың алдын алу және жастардың еңбек нарығына интеграциялануы - бүгінгі таңда қоғамда кеңінен талқыланып отырған мәселелердің бірі. Күн тәртібінде оқу орындарының түлектерін қоғамдық жұмыстарға, әлеуметтік жұмыс орындарына қабылдау мәселелері қарастырылды. Және сессияда кезекпен сөз алған бөлім басшылары, алда атқарылатын іс-шаралардың кірісі мен шығынын мәслихат депутаттарының алдында мінберде оқып, талқыға салды. Кейбір күрмеулі көп мәселелерді депутаттар тарапынан сауалдар қойылып, нақтыланды.Жиында Орал қаласының экономикалық және бюджеттік жоспарлау бөлімінің басшысы Азамат Қадыров шаһар, кенттер мен ауылдық округтің 2025 жылға арналған бюджеттерінің жоспарлы түрде не мақсатта жұмсалатыны туралы баяндады.Оның айтуынша, Орал қаласының бюджеттік кірістері мен шығыстары теңдестіріліп, 22,7 млд. сомасына ұлғайту жоспарланған. Атап айтқанда, облыстық бюджеттен қарастырылған нысаналы трансферттер – 27,2 млрд.теңге, кредиттер – 10,6 млрд.теңге.Ұлы Жеңістің 80 жылдығына орай ҰОС ардагерлеріне 5 млн. теңге көлемінде біржолғы төлем жасау және қалалық мәдениет және демалыс саябағында Шаған өзені арқылы өтетін көпірді ағымдағы жөндеу, қалалық Жастар мәдениет сарайында креативті хаб ашу шығыстары жоспарланғанын жеткізді.
Сонымен қатар, сессияда Деркүл, Исатай, Байқоныс және Уразовка ауылы және кенттеріндегі жолдарды жөндеу мәселелері талқыланды. Сондай-ақ, бірқатар көше бойындағы үйлердің қасбеттерін жөндеп, жағалауды қалпына келтіру туралы шешім қабылданды.

Қазақстан Халқы Ассамблеясы биылғы жылды қорытындылады. Елбасының бастамасымен 1995 жылы құрылған ұйым өзінің өміршеңдігін дәлелдеп, қоғамның дамуы бағытында еңбектеніп келеді. Түрлі этнос өкілдері бірлесе отырып, азаматтардың жоқ-жітігін түгендеуге ат салысып, түрлі мәдени шараларды атқаруда.

Түрлі этностың басын қосқан Ассамблея өкілдері жаңа жыл қарсаңында жетпіс отбасыға көмектесуді қолға алды. Бұл шара "Қайырымдылық керуені" деген атауға ие болған. Бүгінгі сыйлық қам көңіл жандарға арналған.

Бүгінгі таңда облыс көлемінде 86 этностың өкілі бар. Олардың әрқайсысы дәстүрін жаңғыртып, ұрпағын өртіп, еліміздің гүлденуі үшін еңбектенуде. Биылғы жылы ассамблея өкілдері атқарған жұмыстарын жіпке тізді. Түрлі ұлт пен ұлыстың өкілдері жоқ-жітікті түгендеуге қол ұзын созып, ауыл тұрғындарына саябақта салып бергендігі есімізде.

Мерекелік кеш барысында еңбегі еленген жандар "Бірлік" атты медальмен марапатталды.

БҚО-да енді бахил шығарылады. Оралдық Алмагүл Давыдованың бұл істі қолға алғанына көп бола қоймапты. Оралға бұл өнім негізінен Ресейден немесе Қазақстанның басқа қалаларынан әкелінеді. Өндіріс қалдықсыз болып саналады. Осының бәрін бағамдаған іс бастаушы кәсіпкер «Алмагүл» атты бахил өндірісіне кірісіп, табысты бизнеске айналдыруға бел буды.

Алдымен ісін жаңа бастаушыларға арналған кәсіпкерлік негізінің курсын оқып, бітірді. Сосын жобаны қаржыландыру үшін Алмагүл «Еңбек» нәтижелі жұмыспен қамтуды және жаппай кәсіпкерлікті дамытудың 2017-2021 жылдарға арналған бағдарламасы» аясында сыйақы мөлшерлемесі 6% мөлшерінде жеңілдетілген несиені «Сбербанк» АҚ арқылы алды.
Несие қаражатын кәсіпкер бахил шығаратын құрал мен қажетті материалдар сатып алуға жұмсады. Сонымен қатар, ісін жаңа бастаған кәсіпкер ретінде кепілзаты жеткіліксіз болғандықтан «Даму» Қорының кепілдігін де пайдаланды. Сала мамандарының айтуы бойынша облыста өз -өзін жұмыспен қамтып отырғандар саны бүгінде 50 мыңнан асады.

Ал Алмагүл өндіріп отырған өнім құрамының 75%-ы қазақстандық шикізат. Қазір тіпті көрші қала мен аудандардағы кәсіпкерлер де сатып алуға қызығушылық танытып жатыр.

Бүгін облыс әкімі Алтай Көлгінов Ақжайық жерінде атқарылған алты айдағы жұмыстарды саралап депутатар алдында есеп берді . Өңірде барлық сала бойынша атқарылған жұмыстар нәтижелі көрсеткішке ие. Облыс әкімі атап өткендей ел Өңір үшін маңызды оқиғалардың бірі Мемлекет басшысының облысқа жұмыс сапары болып табылады. Президент облыстың әлеуметтік-экономикалық даму бойынша нақты тапсырмалар жүктеді. Соның ішінде  Республикалық маңызға ие жолдары жөндеу қажеттігі айтылған еді. Осы орайда биыл  Орынборға дейінгі 144 шақырым жолын қайта жаңғырту бойынша жол құрылысын 2019 жылы бастау жоспарлануда.Сонымен қатар облыс халқының өмір сүру сапасы артып келеді. Білім беру саласында мектепке дейінгі білім беру сапасын түбегейлі жақсарту  мақсатында білім ошақтары бой көтеріп, интернет желісі қашық аудандарға жетіп ұстаздар қауымының білім біліктілігі арттырылуда. Сонымен қатар өңір мекендерін 50 пайыз ауыз сумен қамту мәсеселі де шешімін табуда. Облыс халқының ата кәсібі ауыл шаруашылығ болғандықтан  2018 жылы ауыл шаруашылығын қолдау шараларына 12 млрд. теңге бөлінді, бұл көрсеткіш 2017 жылмен салыстырғанда 30%-ке артқан.Сондай ақ облыс орталығы  Орал қаласының көлемі уақыт өткен сайын артып жаңа шағын аудандар бой көтеруде. Халқымыздың әл-ауқатын жақсартуға бағытталған  «Нұрлы жол», «Нұрлы жер», «7-20-25»  мемлекеттік және басқа да салалық бағдарламалары да сәтті жүзеге асырылуда.

МАҚСАТ ҚҰЛАНБАЕВ
БҚО Атамекен ҰКП бөлімінің жетекшісі
Бүгінде ауылдық кәсіпкерлерге 4 млрд теңге қарастырылған. Кәсібін ауылда бастайтындар үшін агро-несие корпорациясы мен ауылшаруашылықты қолдау қоры қызмет істейді. Біздің курстарда оқығандар 8 аек мөлшерінде несие алуға мүмкіндіктері бар

Даму қоры бұл бағдарламаны Оралда және Ақсай қаласында жүзеге асырады. Бағдарлама сала-салаға бөлінбейді, кәсіпкер иесі қаражысын қайда бағыттаса да өз еркі. Оларға көп дегенде 18 млн теңге беріледі.

РЕНАТ ҚҰСМАНОВ
Даму» кәсіпкерлікті дамыту қоры» АҚ БҚО бойынша бас менеджері

2018 жылы Нәтижелі жұмыспен қамту және жаппай кәсіпкерлікті дамыту» жобасын дамытуды жоспарлап отырмыз. Бұған қоса, субсидия беру мен кепілдендіру жобасы да басталғалы тұр. Субсидия беру мерзімі бұрындары 3 жылмен шектелсе, қазір 5 жылға дейін ұзартылды.

Айта кетелік, бағдарлама бойынша өңірде техникалық және кәсіптік біліммен барлығы 4 мың, қысқа мерзімді кәсіптік оқытумен 5 мыңға жуық адам қамтылмақшы.