"Даму" кәсіпкерлікті қолдау қоры мемлекеттің қолдаудың арқасында бизнесін дамытып, оны дөңгелентіп отырған кәсіпорындарға арнайы пресс-тур ұйымдастырды. Тур барысында Теректі ауданына қарасты Пойма ауылында орналасқан май зауыты, облыс орталығында жұмыс істейтін "Юнисерв медикал центр" мекемесі мен "Сәби" бала-бақшасының қызметі таныстырылды. Үш мекеме де мемлекеттік қолдаудың арқасында бизнесті дамыту үшін еңбектенуде.

Мемлекет кәсіп ашып, оны дөңгелентем деген жандарды қолдауға мүдделі. Қазіргі таңда кәсіпкерлердің көбі "Бизнестің жол картасы 2025" пен "Қарапайым заттар экономикасы" бағдарламасының арқасында жеңілдетілген несие алып, бизнесін кеңейтуде. Бизнес субъектілеріне "Даму" кәсіпкерлікті қолдау қоры көмекке келеді.

"Даму" қорының көмегімен "Пойма май зауыты" жаңа цех салуда. Жаңа цех өсімдік майын толықтай тазартып, рафинаттауға көмектеседі. Бұл өнімнің сапасы мен санын арттыруға қолғабыс қылмақ. Зауыт "Қарапайым заттар экономикасы" бағдарламасы аясында 2 млрд. теңгеге несие рәсімдейді. Бағдарлама мен қордың арқасында несиенің 6 пайызы субсидияланады.

"Даму" қорының көмегімен "Юнисерв медикал клиникасы" орталыққа қажет барлық дерлік құрал-жабдықтарын сатып алған. Медициналық орталық 2019 жылы екі бөліммен қызметін бастады. Бүгінде осы орталықта офтальмологиялық, стамотологиялық, амбулаторлы-емханалық қызмет жұмыс жасайды. Дәрігерлер жаңа технологияның арқасында күніне 5-6 адамның жанарына ота жасап, тіс емдеп, саулығын тексертуге келген азаматтардан түрлі анализ алып, асқан дәлдікпен сараптама жасай алады. "Юнисерв медикал клиникасы" соңғы үш жылда "Бизнестің жол картасы-2025" бағдарламасы арқылы мемлекеттің қолдауына ие болды.

Мемлекеттік қолдаудың шарапатын көрген бизнес субъектісінің бірі-"Батыс Сәби" балабақшасы. Компания 2016 жылдан бері мектепке дейінгі білім беру саласында жұмыс істейді. Балабақша 150 орынға арналған. Бүгінгі таңда 100 бүлдіршінді қабылдап үлгерген.

Мектепке дейінгі білім беру мекемесі мемлекеттік қолдаумен "Бизнестің жол картасы-2025" бағдарламасының арқасында 14 пайызбен 190 млн. теңге алған. Ал мемлекет оның 8 пайызын субсидиялайды.

Орал қаласындағы «Даму» кәсіпкерлікті дамыту қоры» АҚ-ның Батыс Қазақстан облысы бойынша аймақтық филиалында «Кәсіпкер сағаты» шарасы ұйымдастырылды.Шара мақсаты - кәсіп саласында жүрген немесе кәсіпкерлікпен енді айналысуды ойлап жүрген азаматтар мен екінші деңгейлі банктер арасындағы кедергіні жою. Шарадан табылған БҚО әкімінің бірінші орынбасары Мұхтар Манкеевтің айтуынша, қазіргі таңда облысымызда оннан астам банк филиалы бар. Олар әр мекенжайда орналасқандықтан, олардың кәсіпкерлер үшін ұсынатын қызметтері туралы мәліметті жинау уақыт қиындығын туындатуда көрінеді. Осыған орай, бастама аясында барлық банктердің өкілдері бір жерге тоғысып, жергілікті кәсіпкерлердің уақыттары мен қаржыларын үндемдеуге мол ықпал жасады. Кәсіпкерлер ғимарат ішінде, әрі 1 сағат көлемінде 5-6 банктің ұсынған шарттарымен оп -оңай танысып, бизнес жоспарларына қандай сомада қаржы берілетіні жөнінде ақпарат алды.

Қала кәсіпорындарының баспасөз турының алғашқысы итальяндық жабдықтарымен жабдықталған кабельдік және сымнан жасалған бұйымдар шығаратын заманауи технологиялық дамушы кәсіпорыны. Мұндағы кабельдік өнімдердің бірсыпырасы отқа шыдас беретін арнайы материалмен қапталған.Сондықтан өндіріс ошағындағы кабельдердің көбін сауда және ойын-сауық орталықтары, бөбекжайлар мен білім ошақтары тұтынса керек. Кабель зауытының құрылғанына 3 жыл болсада, жас кәсіпорын өз бұйымдарын Ақтөбе мен Атырау қалаларына саудалап келеді. Өндіріс ошағы келешекте тапсырыс көзін одан әрі ұлғайтып, жұмыс қуаттылығын бір ауысымнан үш ауысымға көшіруді көздеп отыр. Аталмыш зауытта 70-ке жуық қала тұрғынын тұрақты жұмыспен қамтылып келеді. Аталмыш компания "Бизнестің жол картасы-2020" бағдарламасы аясында құны - 600 миллион теңге несие алып, өз қызметін кеңейтуге мүмкіндік алды.

Іс сапардың екінші нысаны - тұрмысқа арналған химиялық сұйықтықтарды шығаратын кәсіпорын. Кәсіпорынның жалпы көлемі 120 шаршы метрді құрағанымен, жұмысқа тартылғандардың саны саусақпен санарлық. Өйткені, тұрмысқа арналған химиялық сұйықтықарды құтыға құю жұмыстары жартылай автоматтанды режімде жасалады. Тәуілігіне 2 тонна сұйық сабын шығаруға қауқарлы. Мұнда сұйық сабынның алты түрі мен ыдыс жууға арналған сұйықтықтарыдың бірнеше түрін шығарады. Кәсіпорын басшылығы мұнымен тоқтамақ емес. Тұрмысқа арналған химиялық сұйықтық түрлерін көбейтіп, өндіріс орындарына арналған тазалық қызметін де қатар алмақ.Аталмыш кәсіпорын «Нәтижелі жұмыспен қамтуды және жаппай кәсіпкерлікті дамытудың 2017-2021 жылдарға арналған "Еңбек"» мемлекеттік бағдарламасы аясында 11 миллион теңге несие алып, жабдықтар мен сұйық сабын құтысына арналған жаспырма жабдығын сатып алуға мүкіндік алды.

Кәсіпкерлерді ақшалай қолдауда сүбелі үлесі бар "Даму" кәсіпкерлікті дамыту қоры" бүгінде "Цифрлы Қазақстан" бағдарламасы аясында өз жұмыс үдерісін автоматтандыру сатысында. Енді кәсіпкерлер өз өтініштерін интернет арқылы көлеңкесіз бақылып, өтініштеріне келісімді бұрынғыдай 40 күн емес, 3 жұмыс күні ішінде алуға мүкіндік алды.

Жоғарыда аталған "Бизнестің жол картасы 2020" , "Басымдықты жобаларды несиелеу" және "Қарапайым заттардың экономикасы " мемлекеттік бағдарламалары келген кәсіпкердің бетін қайтармай, олардың кәсібін дөңгелету жолында еселі еңбегін қоса берері сөзсіз.