дача – TDK-42

Саяжайлықтар қалай оқиды?

Evgeni St — Wed, 02 Sep 2020 11:33:24 +0000

0:00 / 0:00

Орал қаласында саяжайда тұратын балалар қашықтан оқуға ілесе алар емес.Бүгін бір топ ата- ана саяжай аумағында интернет желісінің жылдамдығы тым төмен екендігін айтып, шағымданды.Наурыз айында жарияланған төтенже жағдай кезінде үйден оқыған балалар, сабақты азар аяқтаған екен.Ал, енді сол қиындықпен тағы да бетпе -бет келіп отырмыз дейді ата - аналар.Саяжайда тұратын балалардың жағдайымен аран тілшісі танысып келді.
Бұл Орал қаласындағы нөмірі бірінші саяжай.Бұл жерде 220 үй бар.158 үй қыстайды. Мектепке баратын бала саны да көп.Қазір балалар қашықтан оқу жүйесі арқылы білім алып жатыр.Елдегі жағдайға байланысты үйден оқуға мәжбүр.Бірақ саяжайдағы интернеттің әлсіздігі баланы да, ата - ананы да шаршатып жібреген.
Қала маңындағы ауылдар мен елді мекендер, саяжайлардағы жағдаймен қалалық білім бөлімі таныс.Жағдайды біледі.Қолдан келгенше шешу жолдары қарастырылып жатыр.Деркөл, Селекционный, Меловой горка, қала маңындағы саяжайлардағы балаларды уақытылы онлайн оқуға қосу үшін ұялы байланыс операторларымен келіссөздер жүріп жатыр деді қалалық білім бөлімінің басшысының орынбасары Бадика Пайдина.Саяжай аумақтарына қолайлысы теле 2 байланыс операторы екен.Ата -аналарға ескерте кетеміз, егер үйде қашықтан оқуға мүмкіндік болмаса, ата- ана баласы оқитын мектептің директорына хабар беруі керек. Барлық мектептерде қашықтан оқуға қажетті нәрселерді ұйымдастыру туралы тапсырма берілген. Олар баланы компюьтермен, интернетке қосылатын құралдармен қаматамсыыз етуге ат салысады деді қалалық білім бөлімі.

Жас отбасы жарықсыз отыр

Evgeni St — Wed, 02 Sep 2020 11:13:30 +0000

Бүгін 1 қыркүйек білім күні. Ал Орал қаласында мектеп жасындағы 2 бүлдіршін жарығы жоқ үйде тұрып жатыр. Қаланың дәл іргесінде тұратын Гүлшат Хамидуллиева 2 баласымен Локомотив саяжайында тірлік кешуде. Кіп-кішкентай үйшікті паналап отырған отбасы 4 айдан бері жарықсыз отыр. Балалардың сабағы болса басталды, ал жарық әлі жоқ. Саяжайдың төрайымы болса үйге жарық қосуға асығар емес. Гүлшат Хамидулиеваға екі жақты келісімге келуді ұсынып отыр. Ол қандай келісім? Тұрғындар неге наразы?
Гүлшат Хамидуллиева бұл үйге мамыр айынан бері жарық қоса алмай отыр. Қала іргесіндегі саяжайдан жер алып, жолдасы үйдің құрылысын бастаған. Ойлары үкіметке алақан жаймай, өз қалдерінше баспана тұрғызу. Бірақ соған да мүмкіндік берер емес. Жас ана 2 бүлдіршінмен 4 айдан бері жарықсыз отыр.
Гүлшат Хамидулиевға жарықты қоспай отырған саяжай жетекшісі, екі жақты келісімге қол қоюды талап етіп отыр. Ал, Гүлшат болса келісімшартқа қол қоймаймын, тек өзім тұтынған коммуналдық шығындарды ғана төлеймін дейді. Келісім шартқа қол қоймағаны үшін 4 ай бойына Гүлшат Хамидуллиева жарықсыз отыр. Біздің кейіпкеріміздің сөзін саяжай тұрғындары да қолдап отыр. Екі жақты келісім шартқа қол қоюға қарсы тұрғындар баршылық.
"Локомотив" саяжайы қаланың іргесінде тұр. 500 мың жер телімі бар. Мыңдаған адам тұрып жатыр. Олардың бәрі де жер салығын, мүлік салығын, табыс салығын төлеп отырғандар. Бірақ саяжай қауымдастығының қосымша ақша жинауы тиылар емес,- деп шағымданады тұрғындар.
Гүлшат Хамидуллиева келісімшартқа қол қоймағаны үшін 4 айдан бері жарықсыз отыр. Екі бала қалай оқиды. Гүлшат қазір саяжай жетекшісін сотқа берген. Сот процесі басталып та кетіпті.
Бізбен сөйлескен саяжай жетекшісі Гүлшат Хамидулиеваның үйіне жарықты қосу үшін ешқандай проблема жоқ деп мәлімдеді.
Енді осы жерде логикаға салып көрейік, егер жарық ешқандай проблемасыз қосылса, екі балалы әйел төрт ай бойы сенделіп, соттасып жүрер ме еді?! Бұл жерде бір шикілік бары сөзсіз. Айта кетейік, ҚР-да саяжай қауымдастықтары туралы заң жоқ. Заң болмаған жерде талай заңсыздықтың болары сөзсіз. Екінші мәселе- Үкімет халықты баспанамен қамтамасыз ете алмай отыр. Енді тым құрығында өз еріктерімен үй салып, үкіметке салмақ салмай отырған жас отбасыларға неге қолдау білдірмейді деген сұрақ мазалайды. Бір үйге жарық қосып беру осынша проблема болып тұрғаны ма? Саяжай қауымдастықтарындағы жөнсіздіктерді кім реттейді? 4 ай бойына қаланың іргесіндегі үйдің жарықсыз отыруы қаншалықты ақылға қонымды. Сабақ болса басталды, тас түнек қараңғыда 2 бала қалай сабақ оқиды? Мектеп әкімшілігі, қала әкімі неге араласпайды? Сұрақ көп, жауап жоқ.

Саяжай жайлы қоныс па?

Evgeni St — Thu, 27 Feb 2020 12:03:23 +0000

Орал қаласының маңайындағы саяжайларда 17 мың адам тұрып жатыр. Олардың көбі ауылдан көшіп келгендер. Саяжай жағалап жүргендердің басты проблемасы баспананың жоқтығы. Амал жоқ арзан жерден жер алып, үй салып күн көріп жатыр. Бала- шағасын мектепке берген. Саяжайларда тұрып жатырған адамдардың айтар уәжі қалаға қатынаудың қиындығы. Әсіресе қаладан алыс орналасқан саяжайларда тұратын адамдар көктем мен күзде жолдың ауыртпалығын бір кісідей тартып келеді.
Орал қаласының іргесіндегі саяжайларда 17 мың адам тұрып жатыр. Өз қалауларымен емес, жағдайлары болмағандықтан олар бағбандар мекенін жылдың 4 мезгілінде қоныс қылып жатқаны аян. Себебі ауылда жұмыс жоқ. Қалаға келіп күн көруді ойлаған дала қазағы тұратын үйі болмағасын саяжай жағалап жүр. Орыстардың тек көктем мен жазда барып демалатын орынын біздің қазакеннің тұрақты қысы-жазы мекеніне айналдырғалы қашан?! Осындай тұрғындардың бірі -Кайыргалиевтер отбасы. Сандуғаш 5 баланың анасы. Бар ойы тезірек баспаналы болу.
Саяжайда тұратындардың негізі проблемасы қаламен қатынаудың қиындығы. Әсіресе көктем мен күзде жердің ми батпағы шығып жүргізбейді. Аялдама алыс. Мұндайда балаларды сабаққа жіберудің өзі оңай емес.
Саяжай бау-бақша егуге арналған орын деген пәлсапа бүгінде ескірді. Қаладан үй алуға жағдайы көтермеген ауыл қазағы саяжайды қысы-жазы тұрақтап қалып жатыр. Әрине амалдың жоқтығынан. Әйтпегенде қаладағы зәулім үйлерде тұрудан кім бастартар дейсіз?Бала-шағасының жылы үйден шығып, жылы төсектен өргенін қаламайтын ата-ана болушы ма еді. Қала маңындағы құс фабрикасы ауданын қазір саяжай қауымдастығы деп атауға келмейді. Адамдар баяғыдан қоныстанып келеді. Мектеп пен балабақша жоқ демесеңіз, саяжайдан қалаға қатынайтын қоғамдық көлік қарастырылған. Ал бірінші, екінші саяжайда тұратындардың қаламен қатынасы қиындау.
БҚО бойынша 20 мыңға жуық адам үй кезегінде тұр деген статистика бар. Сол кезекте тұрғандардың 17 мыңы саяжай жағалап жүрмегеніне кім кепіл? Жал мен жая тұрғанда, қатқан нанда нем бар демекші, қалада үйлері болса қаракөздер саяжай жағалап жүрер ме еді. Қазақстан жер асты байлығы бойынша әлемнің алдыңғы елдерінің қатарына жатады деп мақтанғанда алдымызға жан салмаймыз. Ал мемлекеттің басты капиталы адамның жағдайы жасалмай, тобықтан саз кешіп, саяжай жағалап жүр.
Айтпақшы, мемлекет бала туу көрсеткішін көбейту керек дегенді де жиі айтып жүр.Демографиялық ахуалды жақсартып, қара домалақтар көбеу үшін де жағдай керек емес пе.

6 баласы бар жалғызбасты ана саяжайда бас сауғалап жүр

Thu, 08 Feb 2018 07:36:35 +0000

0:00 / 0:00

Екатерина Скворцованың балаларының ең үлкені 5 жаста. Араларында 1 жас қана айырмашылық бүлдіршіндердің екеуі қыз, төртеуі ұл. Ең кішісі егіздер. Азаматша балалар үйінің түлегі. Бала тəрбиесіне байланысты жұмысқа шығуға мүмкіндігі жоқ. Қаладан шалғай жатқан саяжайды сəби күтіміне байланысты төленетін ақшасына жалға алып отыр. Құрқылтайдың ұясындай баспананы от жағып жылытады. Кішкентайлардың тамағы мен қажеттілігін қамти алмай қиналған ананың пəтерінде санитарлық тазалық сақталмаған. Азаматша қайырымды жандардың көмегіне зəру.