Оралда сайлау алды жұмыстарға арналған арнайы  "колл орталық" жұмысын бастады. Дүйсенбіде  қызметін бастаған орталыққа хабарласушы тұрғындар қатары көбейіп келеді. Естеріңізге сала кетеміз 9 маусымда өтетін ҚР кезектен тыс сайлауына  орай облыс орталығында 125  сайлау учаскесі  жұмыс жасайтын болады. Колл орталық қалалық әкімдіктің  ғимаратында  жұмыс жасайды. Ол үшін мамандар арнайы оқытылған. Бүгінде қызметке кіріскен 4 маман тұрғындар тарапынан түскен сауалдармен шұғылдануда. Күні бүгінге дейін 200-ден аса қала тұрғыны ақпараттандырылған. Саяси маңызы бар шараға ел азаматтары түгелдей қатысып, таңдау жасаулары  тиіс. Дауыс беру тұрғылықты жері  мен  жеке тұлғалар туралы   ақпарат бойынша жасақталады.  Осы орайда қалалықтар қайда  барып дауыс беру таралы  нақты ақпаратты осы орталықтан біле алады.
Қосымша 50-30-53, 50-02-55 байланыс телефондары да жұмыс жасайтынын еске саламыз.

Оралда атаулы әлеуметтік көмекті тағайындау мәселесі бойынша call-орталығы құрылды. Яғни көп балалы және аз қамтылған отбасыларға атаулы әлеуметтік көмек тағайындау мәселесі  бойынша кез келген  тұрғын келіп сала мамандарынан ақпаратты бір жерден ала алады. Орталықтан жәрдемақы тағайындауға қатысы бар мемлекеттік мекемелер қызметкерлерін табуға болады. Атап өтсек, әділет департаменті, тұрғын үй-коммуналдық шаруашылық бөлімі, «Тұрғынүйжинақбанк» АҚ азаматтарды жеке қабылдау өткізеді. Қалалықтар 30 37 18 нөмірі арқылы атаулы әлеуметтік көмек тағайындау жөніндегі сұрақтарға жауап ала алады.  Call-орталығы жұмыс күндері сағат 9.00-ден 18.30-ға дейін  жұмыс істейді. Бүгінде орталыққа келушілер қатары көбейген. Мәселен өткен жылы 2300 адамғ,а кеңес беріліп, 624 отбасыға  атаулы әлеуметтік көмек тағайындалған. Ал жыл басынан бері аталған көмек бойынша 3000 ға жуық адамға кеңес беріліп, 410 отбасыға немесе 1897 дамға атаулы әлеуметтік көмек тағайындалған. Сондай-ақ  Құрманғазы көшесі, 173/а, мекенжайы бойынша  Орал қаласы халықты жұмыспен қамту орталығына жолығуға болады. Барлық тілек білдірушілердің  атаулы әлеуметтік көмек тағайындау бойынша сұрақтар қоюына мүмкіндік бар.