Биылғы жылы Оралда ешқандай мекеме бұралқы ит пен мысықты ауламады. Сол себепті жануарлар адамдарға шауып, қаз, үйрек пен тауықтарды жеп кетіп отырған. Осы тұста қала тұрғындары қараусыз жүрген жануарларға шағымдана бастады. Ал ветеринария бөлімі негізі жылдағыша байқау өткізген. Оның жеңімпазы «Қарашығанақ ПромСервис» компаниясы атанған. Бірақ мердігер қала шетіндегі ауданда бұралқы иттерге арналған арнайы орын салуға тұрғындардың қарсылығына байланысты жұмыс жүргізуден бас тартты. Қайтадан тендер ойнатуға мәжбүр болдық дейді жауапты мамандар.
Қажетті жұмыстар Жәңгір хан атындағы БҚАТУ ветеринарлық клиникасының базасында жүзеге асырылады. Бір итті аулауға 2600 теңге, био-залалсыздандыруға 5500 теңге, ал ұрғашы итке 11000 теңге жұмсалатын көрінеді. Операцияларды тәжірибе жинақтау мақсатында университет студенттері де жүзеге асыратын болады.
Операциядан кейін қала тұрғындары жануарларды үйіне әкете алады. Оған қоса, итке төлқұжат беріліп, жыл сайынғы екпе жасалады.

Бұралқы, қаңғыбас иттермен күресу жүйелі түрде жүргізіліп келеді.  Өткен жылы көше кезіп, топтасып жүрген төрт аяқты хайуанттардың көзін жою бағытында 100 ге жуық рейд шаралары ұйымдастырлса, биыл да бұралқы иттер мен мысықтардан тұрғындар зардап шекпес үшін қажетті шаралар атқарылмақ. Айта кету керек, жергілікті бюджеттен бұралқы иттермен күрес жұмысына биыл 28 млн. теңгеден аса қаражат қарастырылыпты.Қаланың шеткі аудандары мен саяжайларда тобымен жүрген иттердің көптігі соншалық, жергілікті билік арнайы қаржы бөліп, оларды жоюды жүйелі жолға қойған. Айталық, былтыр  өлкеде  5 мыңнан астам бұралқы ит-мысықтардың көзі жойылған.Алайда бұл – амалсыздықтан қолға алынып отырған шара. Адамға адал берілген мақұлықтар мәселесін шешудің өзге жолын қарастыру керек дейді тұрғындар. Қазынадан қарастырылған  қаражат төртаяқтыларды атуға және мүрделерді арнайы орындарда өртеуге жұмсалады екен. Ал егер олар паналайтын орын ашылса, шығын анағұрлым аз болатыны анық.