Оқиға 14 қарашада түн ортасында Круглоозерное кентінен алыс емес далалықта болған. 54 жастағы қорықшы оқиға болған жерде базбіреулер жануарларды шағылыстыратын жарық іздегіш құрылғысын қолданып, заңсыз аң аулау жүргізіліп жатқандығы туралы ақпар алады. Далалыққа автокөлікті қойған екі ер адам қорықшыны аяусыз ұрып, қарудан бірнеше оқ атып, көлікті де зақымдаған. Қазіргі уақытта аталған іс бойынша қылмыстық іс қозғалып, жедел-тергеу іс-шаралары жүргізілуде.

БҚО броконьерлермен күресуге инспекторлар жетіспейді.Бұл туралы мәжіліс депутаты Роман Ким қатысқан жиында мәлім болды.2018 жылы броконерлерге қатысты 142 қылмыстық іс қозғалыпты. БҚО ПД болған кеңейтілген жиын барысында броконьерлермен күрес мәселесі талқыланды.Қазақ даласының ең байлығы саналатын киіктер мен қызыл балық, басқа да қымбат терілі жануарлар ақшаға құныққандардың құрбаны болып тұр.Дала тағыларын қорғау мақсатында полиция өкілдері рейдтік шаралар ұйымдастырып тұрады.
Бұдан бөлек 2018 жылдың соңыңда ұйымдасқан тағы бір қылмыстық топ қолға түскен. Олар аулауға тиым салған балық түрлерін аулап, уылдырығын саудалаумен айналысқан.Қылмыстық топтан 2 тонна балық пен 100 кг уылдырық тәркіленіпті.Қазір іс қаралып жатыр.Жалпы саны 396 құқық бұзушылық әрекеттері бойынша былтыр әкімішілік хаттамалар толтырылыпты.Өкінішке орай броконьерлермен нақты күресуге қажетті мамандар жетіспейді.
Ал, жиынға қатысқан Парламент мәжілісінің депутаты Роман Ким адам санының аздығына байланысты броконьерлермен күрес қиындай түседі деді.Бұдан басқа осы салада гуманизация мәселесі қылмыскерге қатаң шара қолдануға мүмкіндік бермей отыр деді өз сөзінде.Ереже бойынша броконьерлер көбіне жеңіл- желпі жаза түрлеріне кесіледі екен.Шара барысында полицейлер депутаттан осы мәселені жоғары мінберден көтеріп, жазаны қатаңдату туралы ұсыныс беруін сұрады.