Құны 70 млн.теңге болатын киік мүйіздері өртелді

admin — Fri, 19 Oct 2018 12:15:22 +0000

Оралда құны 70 миллион теңгеге жуықтайтын киіктің 148 дана мүйізі өртелді. Бұлар-браконьерлерден тәркіленген айғақ заттар. Қазақстандық биоалуантүрлілікті сақтау қауымдастығының өкілдері мұндай шара алғаш рет ұйымдастырылғанын айтады. Жыл басынан бері Оралда заңсыз киік аулағандардың үстінен 33 қылмыстық іс қозғалып, 111 киік өлексесі мен 201 мүйіз тәркіленген. Сонымен қатар, көктемгі рейд кезінде табылған 5 тонна балық та арнайы шұңқырға тасталды. Осыған дейін полиция тәркілеген мұндай олжа жасырын жойылып келсе, енді бұл іс жариялы түрде жүзеге асады. Ассоциация өкілдерінің дерегінше, қара базарда киік мүйізінің келісі 5-8 мың доллар аралығында. Киікті аулауға, сатуға елімізде заңмен тыйым салынған. Тек ғылыми мақсатта пайдалануға болады,-дейді мамандар.

Киік мүйізін кескен браконьерлер қолға түсті

Thu, 26 Jul 2018 06:33:26 +0000

0:00 / 0:00

БҚО-да киік аулаған браконьерлер қолға түсті. Казталов ауданының Тереңкөл ауылы маңында тексерілген көліктен қызыл кітапқа енген жануардың 4 мүйізі мен қару-жарақ тәркіленген. Қазіргі күні аталмыш факті бойынша қылмыстық іс қозғалып, тексеріс жүріп жатыр. Алдағы сюжетте толығырақ.

Бұл жедел түсірілім кезінде түсірілген материал. Браконьерлердің қылмысы 22-шілде күні әшкере болады. Пайданкүнемдер мүйізіне бола "Қызыл кітапқа" енген ақбөкендерге оқ атуын тоқтатпай тұр. Қазіргі күні жануарлардың төшкелері іздестірілуде.

Әуе санағы кезінде аймақта 145 мың ақбөкен есепке алыныпты. Аша тұяқты, сүт қоректі бұл жануарлар облыстың Жәнібек, Казталов, Бөкейорда, Жаңақала аудандарын мекен етеді. Биыл облыста киік аулауға қатысты 30 қылмыстық іс қозғалған. 12 адам 1 жылдан 3 жылға дейін бас бостандығынан айрылған.

браконьерлер – TDK-42

Құны 70 млн.теңге болатын киік мүйіздері өртелді

Киік мүйізін кескен браконьерлер қолға түсті