Көктемгі тасқыннан 25 жол учаскесі мен екі көпірге залал келді. Жолаушылар көлігі және автомобиль жолдары басқармасы басшысы Айдар Менеевтің хабарлауы бойынша, қазіргі таңда 16 жол учаскесінде қалпына келтіру жұмыстары жүргізілмек. Бұл үшін төтенше жағдай резервінен 221 млн теңге қаражат бөлінбек. Бөрлі, Қаратөбе, Шыңғырлау мен Жәнібектің әкімдері бір көзден сатып алу арқылы жөндеу жұмыстарын жасайтын компаниялармен келіссөздерге отырмақ. Келісімге келген бойда қалпына келтіру жұмыстары басталады. Және 11 учаскенің жобалық сметалық құжаттары даярланбақ. Барлық көктемгі су тасқынан зардап шеккен тас жолдар мен құбырларды жөндеу жыл соңына дейін аяқталуы тиіс.