Юрий Астафьев, БҚО прокуратурасының басқарма басшысы:

-Аудандық жер қатынастары бөлімінің басшысына қатысты қылмыстық кодекстің 361-бабының 4-бөлігі 3-тармағы бойынша тергеп-тексеру жүргізілді. 2024 жылдың 16 қыркүйегінде сот сотталушыны кінәлі деп тауып, 3 жыл 6 айға бас бостандығынан айыру туралы үкім кесті.
Мемлекетке келтірілген шығынды өтеу туралы талап толығымен қанағаттандырылды,-дейді.

Сурет https://tirshilik-tynysy.kz/kogam/15370-180-zher-telm-igerlmegen.html сайтынан жүктелді

Оралда емханаларға тіркеу науқаны басталды. Міндетті әлеуметтік медициналық сақтандыру аясында кез-келген тұрғын емдеу мекемесін таңдауға құқылы. Бірақ, мамандар емхананың үйдің қасында болғаны жақсы дегенді айтады.

Бұл-Зашаған кентінде орналасқан №6 емхана. Емдеу мекемесі 77 мыңнан астам тұрғынға медициналық қызмет көрсетеді. 2025 жылдың қаңтарынан бастап науқастардың саны тағы артпақ. Себебі емханаға тіркеу науқаны басталғалы жаңадан 200 адам медициналық ұйымға тіркеліпті.

Бүгінгі таңда 100 мыңнан астам батысқазақстандық МӘМС жүйесінде тіркелмеген. Бұл сандарды азайту мақсатында түрлі түсіндіру жұмыстары жүргізілгенімен нәтиже өзгеріссіз қалып отыр. Міндетті әлеуметтік медициналық сақтандыру жүйесі 2017 жылдың шілдесінде іске қосылған-ды. 7 жылдың ішінде қорға 86 млрд 700 млн теңге ақша түскен.

БҚО-да 25 медициналық ұйым МӘМС жүйесі арқылы қызмет көрсетеді. Оның төртеуі жекеге тиесілі. МӘМС жүйесіне қатысты пікір әр алуан. Бірі- оның жұмысын даттаса, енді бірі -жақтайды.

МӘМС-ті сынайтындар көп.Тұрғындар жалақымыздан ақша ұстағанымен, сапалы медициналық көмек сол күйі қолжетімсіз деген пікірде. Биыл президент жүйеге өзгерістер енгізу керек деп пәрмен берді. Ал, тапсырманың қалай жүзеге асары уақыттың еншісінде.

Орал-Желаев темір жолында жүк пойызы бір адамды қағып кетті. Азамат оқиға орынында жан тапсырды. Сала мамандары оқиғаның кешкі сағат тоғыздар шамасында тіркелгенін айтады. Бұл- 2022 жылы темір жол рельстерінде тіркелген алғашқы қанды оқиға. Өткен жылы облыс аумағында теміржол рельстерінде 12 апат болған еді. Соның кесірінен алты адам қаза тауып, бірнеше азамат түрлі дене жарақатын алды. Сала мамандары темір жол рельстерінен өткен кезде сақ болуға шақырады.

Руслан Сақалов, Көліктік бақылау инспекциясының бас маманы:

- Азаматтар темір жол рельстерімен өткен кезде сақ болғаны абзал. Орал қаласы бойынша арнайы белгіленген жолдар бар. Тұрғындар көпір мен белгіленген орындарды пайдаланғаны дұрыс. Азаматтардың басым көпшілігі рельстерден өткенде құлаққаппен музыка тыңдап келе жатады. Олар пойыздың келіп қалғанын естімейді. Бір пойыз тоқтаған күннің өзінде ұзақ жүріп аялдайды. Өткен жылы облыс аумағында теміржолда 12 апат тіркелді. Өкінішке орай, пойыз қаққан 6 адам қаза тапты,-дейді.

Сурет https://inbusiness.kz/ сайтынан жүктелді

2021 жылы БҚО-да10 мектептің құрылысы жүріп жатыр. Білім ордаларының бой көтеруі арқылы апатты және үш маусымда жұмыс істейтін мектептерді алмастырады. Қазіргі таңда облыс бойынша 3 білім ошағы бала саны көп болуына байланысты үш ауысымда сабақ береді. Олар Орал қаласында, Теректі ауданының Подстепный ауылы мен Ақсай қаласында орналасқан. Мемлекет басшысы 1-қыркүйектегі Қазақстан халқына жолдауында 2025 жылға дейін 1000 мектеп салуды тапсырған-ды.

Биыл облыс аумағында әлеуметтік мекемелерді салу үшін 6,2 млрд. теңге қаражат бөлінген. Қыруар қаржы есебінен 10 білім беру ошағының құрылысы жүріп жатыр. Оның екеуі республикалық қаржы есебінен, "Бизнестің жол картасы" бағдарламасымен 4 мектеп, 2 білім ошағы жеке инвестордың қаражатына салынуда. Қазіргі таңда 3 мектеп 3 аусымда сабақ береді.

Облыс орталығында бюджет есебінен 4 мектептің құрылысы жүріп жатыр.

300 балаға арналған екі қабатты мектептің құрылысы көктемде басталды. Қазіргі таңда нысан басында 80 жұмысшы жұмыс істеуде.

Естеріңізге сала кетейік, президент Тоқаев 1-қыркүйектегі жолдауында алдағы 4 жылда елімізде 1000 мектеп салуды тапсырды. Өткен жұмада өткен облыс активінде аймақ басшысы 66 мектеп салу керек деп айтқан-ды. Қазіргі таңда өңірде 10 мектептің құрылысы басталған.

"Отбасы" орталығында арнайы ашық есік күні ұйымдастырылды. Шара барысында түрлі саланың мамандары орталыққа келген азаматтардың сұрақтарына жауап берді.

Бұл -көпбалалы ана Құралай Арыстанова. Ол толғандырған сауалдарына жауап табу үшін "Отбасы" орталығында жұмыс істейтін мамандарға жолығады. Кейіпкеріміз осы орталықта жаңа кәсіпті меңгеріпті.

Орталықта "Отбасы" күніне орай асық есік күні ұйымдастырылды. Шара барысында жұмыспен қамту мекемесінің мамандары, заңгерлер мен дефектолог тұрғындардың түрлі сауалына жауап берді.

Естеріңізге сала кетейік, "Отбасы" орталығы өткен жылы ашылды. Күні бүгінге дейін түрлі сауалдар мазалаған 900-ге жуық азамат мамандар кеңесіне жүгініп, мастер-кластарға қатысып, жаңа білімді алды.

Сурет https://www.inform.kz/ сайтынан жүктелді

Облыс орталығында орналасқан Матросов көшесі 52 мекенжайының тұрғындары бірнеше жылдан бері қолқаны қабатын иіспен өмір сүріп келеді. Үйдің жертөлесін тұрғындар әлсін-әлсін жиналған судан тазартып отырады. Кәріз жүйесінің қалдықтары жиналған шақта олар үйлерінде бетперде киіп ұйықтауға мәжбүр.

Тұрғындарды мазалаған сұрақ 4-5 жылдың ішінде күн тәртібінен түспей келеді. Жарты жыл сайын жертөле суға толып, жағымсыз иіс пәтерлерге тарала бастайды. Ұзақ уақыт шешімін таппаған бұл проблема үй тұрғындарын мезі еткен.

Жағымсыз иіс мәселесін жертөлені үнемі тазалайтын "Батыс су арнасы" мекемесіне жолдап көрдік. Мамандар суға толы жертөлені тазартқандығын, үйдің жанында тұрған кәріз құдықтарының орналасуын қайта қарап шығатынын айтады. Кәріз жүйесін қоқыс толы пакеттер, баланың жөргегі мен құрылыс материалдарының қалдықтары бітеп тастағанын көріп, тазартқандарын мәлімдеді.

"Батыс су арнасы" мекемесінің мамандары қала бойынша 47 шақырым коллектордың тозығы жеткенін айтады. Ескірген құбырларды уақытылы алмастырмаса, жертөледе су жиналып, қолқаны қабатын иіске шағымданататын тұрғындардың саны артады ,-дейді.

Орал қаласында «Біз еліміздің жарқын болашағымыз" атты балалар шыршасы өтті. Шараға 180 оқушы қатысты. Олардың 126-сы 12 ауданнан келген балалар. Аймақ әкімінің жаңа жылдық шыршасына қатысқан әрбір оқушыға «Білім буук" бағдарламасы жүктелген планшет, тәтті сыйлар мен кітап сыйға тартылды. Мерекелік шырша үшін бюджеттен 18 млн теңгедей қаражат бөлінген.

Орал қаласында балаларға арналған жаңа жылдық кештер өз жалғасын табуда. Облыс әкімінің шыршасына 180 оқушы қатысты. Олардың 126-сы ауданнан келген -балалар. Шыршаға қатысқан оқушылардың арасында оқуда озат, түрлі жүлдені тақымдап жүрген жеңімпаздар, ата-ана қамқорлығынсыз қалған бүлдіршіндер мен облыстық мектептің тәрбиеленушілері бар.

Енді жаңа жылдық мерекеге кеңінен тоқталсақ. Жаңа жылдық шыршаға келген оқушылардың көңіл күйін көтеріп, оларға жағымды естелік сыйлауға Ақ жайық өңірінің түгел дерлік өнер ұжымдары жұмылдырылған. Әртістер балаларға жақсы таныс түрлі мультфилімнің кейіпкерлерінің образын сомдап, балалармен бірге ән айтып, би билеп, шырша айналып ойын ойнады. Балаллар тіпті таңғажайып фокусты да тамашалады.

Мерекелік кешке келген оқушылар жүрек жарды пікірлерін ортаға салып, алған әсерлерімен де бөлісті.

Облыс әкімі жаңа жылдық шыршаға келген бүлдіршіндерді құттықтап, ақ жарма тілегін жіпке тізді.

Жаңа жылдық шыршаға қатысқан әрбір мектеп оқушысына білім буук бағдарламасы жазылған планшет, тәтті сыйлар мен кітап сыйға тартылды.