Батыс Қазақстан облысында су тасқыны қаупі толық сейілді. Өзен-көлдердің деңгейі төмендеді. Жайықпен келетін судың көлемі былтырғыдан 4 есе аз. Қазір өңірде бүлінген жолдар жөнделіп, үзілген қатынас қалпына келтіріліп жатыр.Батыс Қазақстан облысындағы былтырғы алапат су тасқыны елдің есінде. Төрт аудан мен Оралда мыңдаған үй суға кетті. Жүздеген млрд теңге шығын келді. Биыл да табиғи апат қайталануы мүмкін деген болжам жауапты мекеме басшыларына күндіз күлкі, түнде ұйқы бермеді. Осы мерзімде облыста 147 шақырымнан астам қорғаныс бөгеттері салынды. 93 километр арық қазылды. Жаңадан 7 гидробекет орнатылды. 1,7 млрд теңгеге қар шығару жұмыстары жүргізіліп,. Миллион текше метр қар шығарылды. 229 млн теңгеге мұз жару жұмыстары жүргізілген.Бірақ биыл да су тасиды деген мамандардың айтқаны келмеді. Қазір Жайықтан басқа өзендердің деңгейі төмендеді. Егер бұрын Жайықпен көктемде 5,2 млрд текше метр су келеді делінсе, енді келер су көлемі 3 жарым миллиардтан аспайды, дейді мамандар. Оған Орынбордағы Ирикла су қоймасынан жіберілетін судың азайтылуы себеп. Қазір өңірде су шайған жолдарды жөндеу басталды. Жымпиты-Ақсай жолындағы уақытша көпір қалпына келтірілді. Қаратөбеден шыға берісте жырылған жолды сәуірдің басына дейін жөндеу жоспарланған. Арғы беттегі 9 ауыл қазір айналма жолмен жүріп жатыр. Биыл өңірде 3 көпірдің құрылысы басталады.Жаңа көпірлер Қалдығайты, Жақсыбай және Шыңғырлау өзендеріне салынады. Бұл нысандардың құрылысын қолға алуды былтыр өңірге сапары кезінде Мемлекет басшысы тапсырға

Өңірдегі өзен-көлдер әлі қар құрсауында. Егер күн күрт жылып, гидрологиялық құрылғылар ағын суға шыдас бермесе, біраз ауылды су басу қаупі бар. Қазір өзендерде мұз ою жұмыстары жүріп жатыр. Аймақта 74 гидротехникалық құрылым бар. Егер осы құрылымдарда апатты жағдай болса облыс аумағындағы отыздан аса елдімекенге су басу қаупі төнеді. Бұл мамандардың болжамы.Ал тасқын қаупін төмендетудің арзан, әрі тиімді тәсілі осылай мұзды кесу дейді мамандар. Қазір өңірдегі су басу қаупі бар өзен-көлдерде мұз кесу және ойық бұрғылау жұмыстары жүргізіліп жатыр. Бұл жұмыстар көбіне өзендердің бұрылыстарында жасалады. Тек наурыз айының алғашқы онкүндігінде облыс аумағына 33 миллиметр қар түскен. Дегенмен, аймақтағы өзен-көлдердің аңқасы кеуіп тұрғаны рас. Сондықтан ылғал мол түссе жерге ырыс деген мамандар пікірімен келісуге болады. Облыстың 60 процент аумағында ақ ұлпа әлі жатыр. Тек Бөкей Ордасы мен Жаңақала ауданының кей жерлерінде қар жоқ. Су тасқынының алдын алу мақсатында елдімекендерден қар шығарылған. Құтқару қызметінің ат-көлігі сақадай сай күйде.

Мемлекет басшысы 2 сәуір күні Қарулы күштердің аумақтық әскерлерін жасақтау үшін әскери міндеттілерді арнаулы жиындарға шақыру туралы жарлыққа қол қойды. Негізгі мақсаты - халықтың денсаулығын қорғау. Президент жарлығынан соң әскери жиынға қатысқысы келетін жастардың да саны артқан. Жалпы, төтенше жағдай ке­­зінде ел қорғауға жарайтын аза­маттарын арнайы шақырып, тех­ногенді немесе табиғи апат­тар­дың, індеттердің және өзге де ке­­­­леңсіздіктердің зардабын қо­ғам бо­лып жою – әлем елдерінде бар тә­жірибе. Қа­зақстан да мұндай тәсілді пай­далануға дайын. Тіпті арнайы заңда қабылданған. Өйткені түрлі төтенше жағдайлар кезінде оның зардабын жою, ал­дын алу ісінде тиісті қызмет ма­ман­дарының, Қарулы күштер сар­баздарының аздық етіп қала­тын тұстары болатыны жасырын емес.  Сол себепті бүгінгідей жағдайда бар­шаның жұмылғаны керек. Қазақстан қазір жаһандағы көптеген ел тәрізді коронавирустың таралуын тежеуге барын салып жатыр. Одан бөлек, кейбір аймақтарды көктемгі қарғын су басуы мүмкін екені де жиі айтылған. Ал күн болса жылынып келеді. Міне, дәл осындай сәтте әскери міндетті азамат­тардың атқарушы билікке, төтенше жағдай кезінде қызмет етіп жатқан құрылымдарға көмекке келгені керек.Күшейтілген карантин кезінде қызмет атқаруға оралдық әскерилер де дайын дейді сала мамандары. Бүгінде арнайы шақыртуларға ниет танытушылар қатары көп. Олардың саны 300-ден асып кеткен. Ар­найы жиындарға шақырылған азаматтар жұмысқа барғандай таңертең барып, кеш­ке үйіне оралатын болады.

Өткен түнде Зашаған кентіндегі "Жәңгір хан" көшесінде жеке тұрғын үйлердің бірінде өрт шықты. Төтенше жағдайлар департаментіне тілсіз жаудың тұтанғандығы туралы хабар түнгі сағат екіде  түскен. Өкінішке орай, баспана түгелдей өртеніп кетті. Қазіргі таңда оттың тұтану себебі анықталу үстінде. Өртпен күреске 6 техника мен 21 құтқарушы жұмылдырылған. Абырой болғанда адамдар дін аман.  Төтеншеліктердің мәлімдеуінше, өрт сөндіру қызметінің мамандары келген сәтте үйдің шатыры мен қабырғалары өртеніп жатқан. Сондай-ақ, үйдің маңындағы "хюндай туксон"  көлігі де отқа оранған. Жалынның беті 46 минутта қайтарылды. Оқиға орнынан 8 адам, оның 5-еуі бала қауіпсіз жерге көшірілді.

Кеше  кешкі сағат 20.25-те қалалық мәдениет және демалыс саябағындағы шолу дөңгелегінде (Колесо обозрения) техникалық ақау орын алып, аттракцион тоқтап қалған. Биіктігі 24 метрлік аттракционда үлкендермен бірге балалар да болған. Абырой болғанда зардап шегушілер болмаған. Оқиға орынына ТЖД департаменттен және департаментке қарасты жедел құтқару жасағынан - барлығы 18 қызметкер, 8 техника жіберіліп, олар 18 адамды автобаспа арқылы төменге түсірген. Құтқарылғандардың алтауы бала.Саябақ басшысы Бек Жәңгіровтың түсіндірунше, негізгі аттракцион жетегінің сымарқаны тістеліп қалған.  Бұған дейін қалалық саябақта заманауи, жайлы аттракцион орнатылатыны айтылған болатын. Жоба өткен жылы мақұлданған. Қазіргі уақытта биіктігі 36 метр болатын жаңа аттракцион үшін орын қарастырылып жатырған көрінеді. Яғни, болашақта саябақта жаңа «Шолу дөңгелегі» пайда болады.

Батыс Қазақстан облысында 19 жастағы жігіт суға кетіп, қыз бала құтқарылды. БҚО ТЖ департаменті мамандарының татартқан мәліметіне қарағанда, оқиға 1 маусым күні болды. Бәйтерек ауданында жасанды су қоймасына жабдықталмаған жерден түскен 2000 жылғы жігіт сағат 17.30-да батып кеткен. Марқұмның денесін 4 құтқарушы 1 техниканың көмегімен сағат 19.10-да судан шығарды. Екінші оқиға Оралда қалалық мәдениет және демалыс саябағында болды. Күн жылынғалы бері 9 адам суға кеткен. Оның үшеуі мектеп жасындағы балалар.