Батыс Қазақстан облысының аумағындағы 5 шекара бекетінде карантиндік пункт тәулік бойы жұмыс істеп жатыр. Олар Ресейдің Самара, Орынбор, Саратов қалалары мен Шаған және Жәнібектегі пункттер. Кедендік бекеттер стационарлық және жылжымалы жылу өлшегіш қондырғылармен, арнайы киімдерімен және өзге де қорғаныш құралдармен қамтылған. Әр шекара бекетінде медкабинеттер мен қызуы көтерілген сырқаттарды оқшаулауға арналған бөлмелер жабдықталды.Аталған бекеттен өңірімізге келушілерді қатаң тексеруден өткізетін арнайы орын жабдықталған. Ол жерде мамандар шекарадан өткен адамдардың денсаулығына қатаң бақылау жасайды. Оларға белгіленген үлгідегі жадынама толтырылып, қызулары өлшенеді.Егер да транзиттік 1А мен 1Б категориялы елдерден келе жатқан жүк тасымалымен жүрген жүргізушілер болса, бәріне сауалнама жасайды, қызуын өлшейді. Егер де қызуы болса, жедел жәрдем келгенше уақытша изоляторға салынады. Бүкіл жұмыстар коронавирус жұқпасын аймаққа кіргізбеу үшін жүріп жатыр. Карантиндік пункттер күндіз-түні жұмыс істеуде. Бақылау жұмыстары күшейтілген.
Шекара бекетінде болған өңір басшысы короновирус дертінің алдын алу жұмыстарын қатаң бақылауда ұстауды тапсырды. Ал кеден қызметкерлерінің айтуынша, бұл бекеттен Ресей елінен күніне 500 шақты жүк машинасы кіретін болса, дәл сондай көлемдегі көлік ел аумағынан шығады екен.

Шымкент пен Ресейдің Самарасын жалғайтын "Сырым" өткізу бекетінде жолды кеңейту жұмыстары басталды. Аталмыш бекетте 8 жолақты жол пайда болмақ. Бұл өз кезегінде шекара шебіндегі кезекті жоюға ат салысып, азаматтарға қолайлы жағдай жасайды.

Бұл, республикалық маңызы бар "Сырым" бекетінің бүгінгі келбеті. Шекара шебінде тауар тасымалдайтын жүк көліктерінің ұзын-сонар кезегін көруге болады. Жүргізушілер шетелге жету үшін сағаттан кезекте тұрып, күтуімізге тура келеді,- дейді.

Қазіргі таңда "Сырым" бекетіндегі мәселені шешу үшін құрылыс жұмыстары басталды. Аталмыш жұмыстар қыркүйек айында аяқталады деп жоспарланған. Ел қазынасынан өңірдің транзиттік әлеуетін арттыруға бағытталған жоба үшін 2 жарым млрдтай қаражат бөлініпті.

Мердігер компания өкілдері 8 жолақты жолдың құрылысы бес айда аяқталады,- дейді. Жаңа нысан толықтай замануи талаптарға сәйкес келіп, шекара қызметі мамандарының саны көбейіп, қосымша 60 бейнебақылау құрылғылары орнатылмақ.

Сондай-ақ, "Сырым" бекетіндегі 8 жолақты жолдан бөлек, шекараға баратын 18 шақырым тас жол жөнделмек. Құрылыс жұмыстары үшін қыруар қаржы жергілікті бюджеттен бөлініпті.