бқо спорт басқармасы – TDK-42

Азия Чемпионатында топ жарды!

admin — Tue, 24 Apr 2018 09:32:33 +0000

Бурабай қаласында өткен қол күресінен жасөспірімдер мен жастар және қыздар арасындағы Азия Чемпионатында батысқазақстандық спортшылар 5 алтын, 1 күміс және екі қола медаль иеленді. . Командалық есепте Қазақстан Республикасы 1 орын, Өзбекстан елі 2 орын алды, ал Қырғызстан 3 орынға ие болды. Дүбірлі додада 12 мемлекеттің спортшылары күш сынасқан. Сайыста мүмкіндігі шектеулі жандар арасында өңірімізден 6 спортшы қатысып, олар да үздіктер қатарынан көрінді. Сурдолимпиадалық қол күресінен Ақтоты Мәлік, Жиенбек Ошанов және Есеней Жақыпов 1 орынға ие болса, ал Орынбасар Сариев 3 орынға жайғасқан. Паралимпиадалық қол күресінен алтын медаль иеленген Азон Шаймарданов болса, "Азия чемпионы" атанды.

Республикалық дода өтуде

admin — Mon, 12 Mar 2018 10:30:01 +0000

0:00 / 0:00

100ге тарта спортшының басын қосқан жарыс! Оралда волейболдан жоғарғы лига әйелдер командалары арасындағы 26шы чемпионаты өтуде. Үздіктердің үздігі атануға ниет білдіргендер қатарында еліміздің түпкір-түпкірінен ат терлетіп келген 6 команда бар. Волейболдан республика кубогының 4ші кезеңінде спортшылар алдарына жан салмастан тартысты ойын көрсетуде. Жарыс төрешілерінің айтуынша, команда мүшелері спорт додасына тыңғылықты дайындықпен келіпті. Әсіресе, шымкенттік Қазығұрт командасының спортшылары асқан белсенділік танытуда. Бапкерлердің оралдық командадан да күтер үміті зор.

Мамаш Ғұмаров
Бас төреші

Меніңше ойын тартысты өтеді. Көш бастап тұрған 4 топ бар. Хромтау мен Қостанайдан келген жас спортшылар да белсенді.

Шымкенттен ат терлетіп келген Амина есімді спортшы қыздың волейболмен айналысқанына 5 жылдан асыпты. Талапты жас бұл спорт түрін ерекше жақсы көретінін айтады. Ұйымшылдық пен бірлікке тәрбиелейтін ойынның жастарға берері көп. Волейболдан жоғарғы лига әйелдер командалары арасындағы 26шы чемпионатының төртінші туры наурыздың 18-і қорытындыланбақ.

Қазақ күресінен облыс біріншілігі өтуде

admin — Fri, 26 Jan 2018 05:56:35 +0000

0:00 / 0:00

Бұл жауырынды балуандардың нағыз сынға түсетін сәті. Нағыз білек күші бұлқынған, қарсыласының жігерін құм қылған алыптардың күресі атанатын осы қазақ күресі елімізде жылдан жылға дамып келеді. Облысымыздың түпкір түпкірінен ат терлетіп келген спортшылардың жоғарғы спорттық дайындығы - соның бір айқын дәлелі іспетті.
Облыс біріншілігіне палуандар асқан дайындықпен келген. Боз кілемде жарақат алып жатса да, қарсыласқа есе жіберер емес.
Айта кетелік, қазақ күресінен облыс чемпионатында үздіктердің үздігі атанғандар Қазақстан біріншілігіне жолдама алмақ.

Хоккейден қысқы маусым ашылды

admin — Fri, 22 Dec 2017 07:23:59 +0000

Аяз түсісімен қаңырап қалатын ойын алаңдары бүгінде мұз айдындарына айналған. Спортсүйер қауымға мұндай айдындарда тегін коньки тебуге барлық мүмкіндік жасалған. Қалалық спорт және дене шынықтыру бөлімі мамандарының айтуынша, шаһарда 40 мұз сырғанағын құю жоспарланған, қазір оның 22-сі дайын тұр.
Қысқы спорт ойындарының ішінде допты хоккейге қызығушылық артып тұр. Сондықтан да болар бұл ойындар бойынша жерлестеріміздің деңгейі жоғары. Қазір оралда 350 бала хоккеймен күнделікті айналысады. Бүгінгі ойынға белсене қатысқан жас спортшылар да жаңа маусымға сақадай сай.
Айта кетелік, бүгін жаңа алаңда да мұз айдыны ашылып, күндізгі үштен кешкі 7ге дейін жаппай коньки тебу шарасы өтеді. Ал келушілерге коньки тегін берілмек.

Волейболдан республикалық турнир өтуде!

admin — Fri, 29 Sep 2017 09:51:49 +0000

0:00 / 0:00

100 - ге жуық спортшының басын қосқан жарыс! Оралда қыздар арасында волейболдан республикалық сайыс өтуде. Үздіктердің үздігі атануға ниет білдіргендер қатарында еліміздің түпкір-түпкірінен ат терлетіп келген 6 команда бар.

Балалар арасындағы шорт-тректен республикалық чемпионат өтуде

admin — Tue, 26 Sep 2017 07:04:53 +0000

0:00 / 0:00

Еліміздің әр өңірінен келген 180-нен астам талапты өрен үздіктердің үздігі атануға бар күштерін салуда. Ал оларға жеңіс тілеп, ыстық лебізін білдіруге шорт-тректен Қазақстан Республикасының білікті жаттықтырушысы арнайы келіпті. Жасөспірімдер арасындағы ел чемпионаты әлі 5 күнге жалғаспақ.