"Сбербанктың" облыстағы филиал ғимаратына келуші халықтың қатары көп. Банк тұтынушыларының айтуынша, соңғы бір айда ақша аудару мүмкін болмай отыр. Және несие төлеуге қатысты да бірқатар мәселе бар.Бірнеше күннен бері ресейлік банк филиалына жиналған халықтың қарасы қалың. Банк клиенттерінің сөзіне сенер болсақ, көбі шетел аумағында жүрген жақын-жуығына ақша аудара алмай әбігерге түскен. Солардың бірі - Ольга Щучкина. Ол Ресейде оқитын ұлына қаражат жібере алмай жүр. Оған қоса ниесе төлеміне қатысты да мәселе айтылуда. Өйткені кешегі тәуліктен бастап тұтынушыларға смс хабарлама келіп, төлемдердің өзге банк арқылы жүргізілетіні хабарланыпты. Белгілі болғандай жарияланған санкцияға байланысты Halyk Bank және «Сбербанк» АҚ ортақ келісімге қол қойды. Оның шеңберінде клиенттерінің кредиттік портфелін толықтай Halyk Bank орындайтын болады. Бұл туралы Қазақстанның даму банкі хабарлады. Мәміле Қазақстан Даму Банкінде жеңілдікпен кредит беру бағдарламасы бойынша рәсімделген.
Қазіргі уақытта жеке тұлғалар кредиттерінің ауысу процесі іске қосылған. Түсіндірме жұмыстары жүргізілуде.

"Сбербанк" жаңалықтарын бөлісу үшін өңіріміздегі кәсіпкерлердің басын қосты. Кездесу емін-еркін таңғы ас форматында өткен болатын. Жиын барысында банк өкілдері өткен жылы атқарған жұмыстарын жіпке тізіп, келешектегі жоспарларымен таныстырып, бүгінгі жаңалықтарын баяндаған еді.

2002 жылдан бастап Ақ жайық өлкесінде өз жұмысын бастаған "Сбербанк" дәстүрлі түрде жаңалықтарымен бөлісу үшін кәсіпкерлердің басын қосты. Кездесу еркін, таңғы ас форматында болды. Банк өкілдері жиын барысында өткен жылғы жетістіктерін жіпке тізген болатын. Сала мамандары 3 жылдың ішінде "Сбербанктың" толағай табыстарға жеткендігін атап өтіп, тұтынушылардың саны артқандығын да тілге тиек етті. Банк қызметкерлері биылғы жоспардың сервис сапасын арттыруға бағытталғанын да айтып берді. Сондай-ақ, аталмыш банк елімізде "Еңбек" бағдарламасын орындау бойынша алғы шептен табылып, мемлекеттік бағдарламаны орындауға көмектесіп келеді.

Шараға қатысқан жандар, еркін форматта ұйымдастырылған кездесудің маңызды тұсын атап өтті. Кәсіпкерлер дастархан басында көптеген ақпараттарға қанық болып, бизнесті дамыту үшін көптеген мүмкіндіктердің бар екендігін білдік,- дейді. Шараға қатысқан жандар "Сбербанктың" тиімді ұстарын былай деп баяндайды.

"Сбербанктың" барлық филиалдары еліміздің түпкір-түпкірінде жұмыстануда. Қазіргі таңда батысқазақстандық филиалда 40 000-ға жуық жеке және 4000-нан астам заңды тұлғалар  қаржын "Сбербанкке" сеніп тапсырған.