26-сы мен 28 шілде аралығында Батыс Қазақстан облысында "AGROFEST BATYS-2024" көрме-фестивалі өтеді. Биыл 3-ші мәрте ұйымдастырылғалы отырған ауқымды шара Бәйтерек ауданына қарасты, Сұлукөл ауылында өтпек. Фестивальде отбасылық демалысқа екпін түсірген. Көрмеде тағы қандай қызық болады? Сұлукөл төрінде өтетін ауылшаруашылық мерекесінің жай-жапсарын тарқату үшін ұйымдастырушылар арнайы баспасөз мәслихатын ұйымдастырды. "AGROFEST BATYS 2024" көрме-фестивалінің бас ұйымдастырушысы- Армат Бисеновтың сөзіне сенсек, іс-шараға алыс-жақын шетелден келетін меймандардың қарасы қалың болмақ.

"AGROFEST BATYS 2024" көрме -фестивалі агроөнеркәсіп кешеніндегі маңызды оқиға! Ауқымды іс-шарада ауыл шаруашылығын дамытудағы озық технологиялар, соңғы үлгідегі техниканы меймандарға ұсынбақ. Өсімдік шаруашылығы, ауыл шаруашылық техникасы мен асыл тұқымды жануарлардың алуан түрі болады. Биыл ұйымдастырушылар көрме-фестивальді отбасылық демалыс ретінде өткізеді. Осылайша, жас буынға ата кәсіптің қыр-сырын үйретіп, маман тапшылығы мәселесін шешуді қолға алыпты.

Армат Бисенов, "AGROFEST BATYS 2024" бас ұйымдастырушысы:

-Биыл фестивальге 5000-ға тарта мейман келеді деп күтілуде. 3 күн бойы шараның форматы өзгеріп отырады. Біздер агроқауымдастықтың өмірін көрсеткіміз келеді. Фестиваль барысында түрлі семинар, техника мен тұқым мен тыңайтқыштардың түрлері қойылған көрме, инновациялық технологияларды көрсетеміз. Биыл фестивальге келген меймандардың отбасымен уақыт өткізуі үшін барымызды саламыз. Жас өрендерді ауыл шаруашылығымен таныстырып, оларды ел үшін маңызды саланың тіздігінін ұстау үшін қызығушылығын оятқымыз келеді,-дейді.

Осымен 3 мәрте ұйымдастырылатын көрме-фестиваль қызыққа толы болмақ. Мұнда еліміздің түпкір-түпкірінен келген шаруалар үшін арнайы семинар ұйымдастырылып, тәжірибесі мол мамандар білген-түйгенімен бөліседі. Көрменің әрбір күні Отандық өнер иелерінің концертімен қорытындыланбақ. Қатысушылар арасында түрлі конкурс, ұтыстар болады. Ұйымдастырушылар қатынас мәселесін де оңтайлы шешкен. Қаладан Сұлукөлге қатынайтын автобус меймандарды таңғы сағат 8 бен 10 аралығында Салтанат сарайының маңында күтеді. Ауқымды ауыл шаруашылығы мерекесінен қапы қалмаңыздар! Қанжығаңыз майланып, ұтыстың иегері атаныңыз!

Былтыр облыста бір жасқа толмаған 129 сәби шетінепті. Өлім-жітім 9,43 промильді құрап отыр. Республика бойынша шақалақтардың шетінеуі 7,8 промильге тең болуы қажет. Ұлттың саулығын қалыптастырып, ертеңге нық сеніммен қарау үшін ана мен баланың саулығы керек. Медицина саласының ардагерлері сәбилердің өліміне бірнеше себеп барын айтады. Бірінші кезекте әйел адамдардың саулығын дұрыс тексермей, ауылдық жерлерде амблоториялардың жоқтығын тілге тиек етті. Бұрындары 1000 тұрғыны бар ауылдық жерде науқастар қаралатын амблотория болған.

Медицинада қордаланған мәселелер көтерілген жиында қоғам белсендісі Нұрлан Сәдір батысқазақстандықтардың ем іздеп шекара асып, Ресейге барып емделететінін, не болмаса астана мен Алматы асатынын айтты. Қоғам белсендісі мұның себебін кадрлардың біліксіздігінен, не болмаса құрал-жабдықтың жеткіліксіз болуынан,- дейді. Және жиында көтерілген тағы бір мәселе ол кардиорталықтың ғимараты еді.

Жиынды қорытындылаған облыс әкімі мамандарға медицина саласындағы олқылықты түзетудің жоспарын құру үшін бір айдай уақыт берді.

Сурет https://ru.slovoidilo.ua/ сайтынан жүктелді

Сергей Зайцев,
"Ақжайық" фк бас бапкері:
- Демалыстан кейін бас қосқан команда алғашқы жиынын аяқтады. Меніңше біз өте үлкен жұмыс атқардық. Әсіресе, жеке жаттығулар өз әсерін береді деген ойдамын. Ойыншылардың командаға үйренісіп, физикалық күшін қалпына келтіру сияқты ойға алған жоспарларымыз түгелімен орындалды. жаңа ойыншылар келді. Әзірге команда алпыс пайызға жасақталды деуге болады. Алдағы күндері тағы бірнеше ойыншы келеді. Өте қиынға соққан алғашқы жиынның бар ауырытпашылығын көтерген жігіттерге алғыстан басқа айтарым жоқ. Кейбір жас ойыншылар алғаш рет толыққанды жиынға келгеніне қарамастан, барлық сынға төзе білді.