Орал қаласының дәріханалары жіті бақылауда. БҚО тауарлар мен көрсетілетін қызметтердің сапасы мен қауіпсіздігін бақылау департаментінің мамандары, "Ақжайық-адалдық алаңы" мен жемқорлыққа қарсы қызмет дәрі-дәрмектің саны мен бағасын тексеру үшін атқа қонды.

Коронавирустың екінші толқынына дайындықты тексеру үшін бірнеше саланың мамандары Оралдағы дәріханаларды аралап, дәрінің санын білді. Мақсат біреу- дәріханада кезек болдырмай, дефицит тудырмау. Зашаған кентінде орналасқан мына дәріхананың иесі вирусты емдейтін барлық дәрінің бар екенін айтады.

Қиын-қыстау кезеңде дәрінің бағасы тым қымбаттап, азаматтар сағаттап адам жанын емдейтін дәріні сатып алу үшін кезекке тұрғанын көз көрді. Осыны болдырмас үшін Қазіргі таңда «Ақжайық» әлеуметтік -кәсіпкерлік корпорациясы Алматылық ірі дәрі тасымалдайтын дистрибютрмен және «СК Фармациямен» келісімге келген. Аталмыш компания облысқа 25 дәрінің, СК Фармация 8 дәрінің түрін тасымалдауы керек.

Сала мамандарының келтірген ақпарына сүйенсек, қазіргі таңда дәріханалар мен олардың қоймаларында 2 айға жететін дәрінің қоры жинақталған. Ал резервте 4 айға жетуі тиіс дәрі-дәрмек жасақталыпты. Және еліміз бойынша дәрі-дәрмектің шекті бағасы белгіленген. Мысалы, бетпердені 60 теңгеден қымбат саудалауға болмайды. Дәрінің шектік бағасын "Дәрі кз" бағдарламасынан білуге болады. Қасақана дәріні қымбатқа саудалаған дәріхана иесінің кінәсі дәлелденсе, жауапқа тартылады.

"Мечта" дүкендер желісі жаңа жылдағы алғашқы жеңілдіктер науқанын ұйымдастырады. Қаңтардың онында түнгі жеңілдіктер атты акция болып өтпек. Дүкен сөресіндегі барлық тауарды арзан бағаға сатып алудан қапы қалмаңыздар.

Көпшіліктің көңілінен шыққан "Мечта" дүкендер желісі сапалы тауар іздеген оралдықтарды қуантуын жалғастыруда. Мечтада 2020 жылдың алғашқы жеңілдіктері науқаны қаңтардың 10-ы мен 12-сі аралығында өтпек. Акция барысында дүкен сөресіндегі ұялы телефон, теледидар, кір жуатын машина, тоңазтқыш, ас үйге қажетті техниканың баршасын сатып алудан қапы қалмаңыздар. Сондай-ақ, оныншы қаңтарда түнгі жеңілдіктер науқаны да ұйымдастырылмақ. Акция барысында ұнатқан тауарыңызды ай сайын бөліп төлеуге болатын мүмкіндік қарастырылып отыр.

"Мечта" дүкендер желісі сіздерді Құрманғазы көшесі 69 мекенжайында орналасқан "Азиза" сауда үйімен Сырым Датов көшесі 10-1 мекенжайында асыға күтеді.

2020 жылдың бірінші қаңтарынан бастап Қазақстанда "Міндетті әлеуметтік медициналық сақтандандыру қоры" өз жұмысын бастады. Қазіргі таңда 600 мыңнан астам батысқазақстандық емханаларда тіркеліпті. Десек те, 13 мыңнан астам азамат өзінің статусын анықтамаған. Сала мамандары аталмыш санаттағы жандар 1-ші сәуірге дейін статустарын анықтамаса, бірқатар медициналық қызметтен қағылатындығын айтады.

Бірнеше мәрте жұмысы кейінге шегерілген қор биылғы жылдың бірінші қаңтарынан бастап, өз жұмысын бастады. Қазіргі таңда Қазақстан бойынша 233 млрд теңгедей қаражат жиналыпты.

Бүгінде 13 мыңнан астам адам өзінің статусын анықтамапты. Статусын анықтамаған жандарға тек жедел жәрдем, санитарлық авиация, бастапқы медициналық санитарлық көмек, шұғыл стационарлық көмек көрсетілмек. Ал, статусын анықтап, қорға ақша аударған адамдар ересектер мен балаларды профилактикалық тексеру, консультациялық диагностикалық көмек пен қымбат зертханалық қызметтер мен балалар мен жүкті әйелдерге арналған стоматологиялық қызметтерге жүгіне алады. Ем-дом баршасы дәрігердің жолдамасымен іске асады.

БҚО 46 медициналық ұйым медициналық сақтандыруға қатысады. Олардың оны- жекеменшік.

Мемлекет мүмкіндігі шектеулі, балалар үшін қандастар үшін жалпы алғанда он бес түрлі категория бойынша қорға ақша аударады. Биылғы жылдан бастап жұмысшы жалақысынан 1 пайыз, жұмыс беруші жалақы қорынан 2 пайыз, жеке кәсіпкерлер ең төменгі жалақының бес пайызын қорға аудара бастайды. Барлық туындаған сауалдар бойынша 1406 телефон нөміріне қоңырау шалуға болады.