Оралда саяжай тұрғындары қолайлы жағдайдың жоқтығын айтып, жергілікті билікке шағымданды. Екінші саяжай қауымдастығында бірнеше жылдан бері тұрақты тұрып жатқан халық саны көп. Алайда көшелерде жол жоқ. Қоғамдық көліктер тек жазғы маусымда қатынайды. Жауын-шашын күндері балалар мектепке бара алмайды. Қала іргесіндегі саяжайларда қазір жағдай мүлдем мүшкіл. Өйткені ми батпан балшық тұрғындардың жүріп-тұруына тұсау болып отыр. Бұл саяжай бірлестігінде 5000-дай адам жыл он екі ай тұрып жатыр. Автобус қатынамаған соң балалар осы кезеңде сабаққа бара алмайды. Су да жиі тоқтап қалады. «Қоқыс төгетін контейнерлер мүлдем жоқ», - дейді қауымдастық мүшелері. Саяжай қауымдастығының тұрғындары осындай олқылықтарды алға тартып, жергілікті билік пен құқық қорғау органдарына шағымдарын жеткізуде. Бұл мәселе жауапты мекемелерге таныс. Қоғамдық көлік айдың аяғында жанданатын болады. Ал тұрмыстық қалдықтар мәселесін шешу үшін саяжай қоғамдастығының төрағасы «Орал таза сервис» ЖШС-мен өзара келісімшартқа келу арқылы контейнерлер қойып, санитариялық жағдайларды жақсартуға болады дейді.Орал қалалық бау-бақша қоғамының төрағасы Андрей Заозёров саяжайларда жол салынбайтынын тағы да еске салды. Айта кетерлігі, қала аумағында осындай 140 саяжай қауымдастығы бар. Атаулары өзге болғанымен оларды толғандырған мәселе ортақ.

Орал қаласының Матроцов пен Алма Оразбаева көшесінің тұрғындары қолқаны алатын иіспен, апталап жиналмайтын күл-қоқыстан мезі болған. Тұрғындар тіпті терезе ашудан қалдық,- дейді. Ал, Матроцов пен Кошевого  көшесінің тұрғындарының 1 жылға жуық жиналмаған құрылыс қалдықтарынан зардап шегуде. Тұрғындардың сөзіне сенсек, қоқыс күн санап артып келеді.

Орал қаласында орналасқан Матроцов пен Кошевого көшесінің қиылысындағы халық 1 жылға жуық жиналмаған құрылыс қалдықтарынан зардап шегіп отыр. Тұрғындардың сөзінше, күн өткен сайын аталмыш қоқыстың аумағы кеңейіп, ол жер құдды бір күл-қоқыс полигонына айналғандай. Жиналмаған қоқысты өткен жылы көрші көшеге жол салған компания тастапты-мыс. Көше тұрғындары туындаған мәселесін атқарушы билікке жеткізген. Сондай-ақ, Кошевого көшесінің тұрғындары тұрмыстық қатты қалдықты тастайтын 2 жәшікті алып кеткендігін және қоқыс тастайтын жәшіктердің аздығын да атап өтті.

Матроцов пен қиылысатын Алма Оразбаева көшесінің тұрғындары да уақытылы жиналмайтын қоқыстан зардап шегіп отыр. Тұрғындар тіпті,терезе ашудан қалдық,- дейді. Бұл көшеге үлкен көлемдегі қоқыс жәшігі орнатылған.

Қала көлемінде тұрмыстық қалдықтарды жинаумен айналысатын "Орал таза сервис" компаниясы аталмыш көшеде қоқыс екі күнде бір рет алынатындығын айтады.

Коммуналдықтар биыл қала бойынша 400 қоқыс жәшігі орнатылғандығын айтады.

Матроцова мен Кошевого көшесінің тұрғындарын толғандырған құрылыстың қоқысын жинайтын жауапты тұлға табылмайынша, жиналмайтын секілді. Ал, қоқыстың көлемі артқан сайын, оның залалы арта бермек.