бқо іід – TDK-42

106 мылтық жойылды

admin — Thu, 12 Apr 2018 13:25:26 +0000

Арматура зауытында 106 дана мылтықтың көзі жойылды. Бұл жұмыс арнайы комиссияның алдында жүзеге асты. Қызып тұрған отқа 88 тегіс ұңғылы аңшылық қару мен 15 газды тапанша, 1 травматикалық қару мен пневматикалық тапанша салынды. Бұл қару-жарақ облыс тұрғындарынан тек жыл басынан бастап жиналғандары. Облыстық ішкі істер департаментінің қызметкерлері елімізде 10 сәуірден бастап халықтан суық қару сатып алу науқаны жүріп жатқанын еске салады.

БҚО-да мұз үстіне шығуға қатаң тыйым салынды

Эльмира Рахмешева — Wed, 04 Apr 2018 13:47:47 +0000

Себебі мұз қабаты жұқарып, салмақты көтере алмайтындай еріген. Бұл жөнінде ішкі істер органы хабарлап, жағалауларға белгілер орнатып жатыр. Адамдар мен авто көліктердің қозғалысын шектеудегі мақсат-қауіпсіздікті қамтамасыз ету. Бұдан өзге су тасқыны шаралары кезінде қоғамдық тәртіпті сақтау, тонау, мемлекет пен тұрғындардың жеке мүлкін ұрлаудың жолын кесу бойынша жұмыстар ұйымдастырылады.

Заңсыз сақталған қаруларды тапсыру науқаны

admin — Tue, 03 Apr 2018 11:25:23 +0000

Заңсыз сақталған атыс қаруын, оқ-дәрілерін және жарылғыш заттарын ерікті түрде тапсырған азаматтарға ақшалай сыйақы төленеді. Осы мақсатта республика бюджетінен Батыс Қазақстан облысына 5 млн. 041 мың теңге бөлінген. Сыйақы мөлшерін белгілеу кезінде комиссиялар қару-жарақ заттарының техникалық жай-күйін ескеріп, 3 санатты қолданады. 1 - санатқа пайдалануда болмаған және техникалық ақаулықтары жоқ, бұрын пайдаланылған, бірақ ақаулықтары жоқ, тауарлық түрін жоймаған қару жатады. Осылайша, 3 санатты қарулар 7 мың теңгеден басталса, 2 санатты қару 16мың теңгеден басталса, 1 санатты мылтықтардың құны 14 мың теңгеден бастап 240 мың теңгеге дейін бағаланады.