Оралда жаңа технологиямен кірпіш өндірісі қолға алынды. Құрылысқа қажетті арболит блок соғуды қолға алған кәсіпкердің жобасына мемлекет қолдау көрсеткен. Кірпіштің бұл түрі бұрынғыларға қарағанда өзгерек дейді сала мамандары. Мәскеулік технологиямен өндірілетін құрылыс материалдары өте төзімді көрінеді. Соған қарамастан оның құрамына қолданылатын шикізат та қолжетімді. Өткен жылы «Бизнестің жол картасы 2025» бағдарламасына үміткер ретінде қатысқан жобаға мемлекеттік грант бөлініп, кәсіпкерге 5 млн. теңге демеу қаржы төленген.Бұл жерде күнінен 250 дана арболит кірпіші өндіріледі. Қазіргі уақытта цехта 4 адам жұмыспен қамтылған. Техникалар шетелден әкелінген. Болашақта сұранысқа орай 10-15 адамға дейін еңбекке тартылатын болады. Өткен жылы мемлекеттік бағдарлама бойынша 50 млн. теңге бизнеске қолдау көрсетілген. Қазір гранттарға құжат қабылдау аяқталыпты. Алдағы уақытта жастарға арналған кәсіпкерлікті қолдау тетіктері қолға алынады. Оған қатысуға 29 жасқа дейінгілерге мүмкіндік жасалған

БҚО-да 53 мыңнан астам кәсіпкерлік нысаны тіркелген. Олардың 45-мыңы қазір жұмыстанып жатыр. Бизнес субъектілерінде 120 мыңға жуық батысқазақстандық еңбектенуде. Елімізде бизнес субъектілерінінің кәсібін дөңгелету мен оларды қолдауға арналған үш мемлекеттік бағдарлама бар. Солардың бірі "Бизнестің жол картасы-2025" бағдарламасы. Аталмыш бағдарлама төрт бағыт бойынша жұмыс жасайды.

Елімізде бизнесті ашуға, оны дамытуға арналған үш бағдарлама бар. Соның бірі- "Бизнестің жол картасы-2025" бағдарламасы. Биыл осы бағдарламаны орындау үшін қазынадан 1,7 млрд теңгедей қаражат бөлінген.

Осы жылы "Бизнестің жол картасы" бағдарламасына өзгерістер енген. Енді аталмыш бағдарламаға кәсіпкерлердің барлығы қатысуға мүмкіндік алды. Бұрын экономиканың басым бағыттарына арналған еді. Жалпы бағдарлама төрт бағыт бойынша іске асып келеді.

Бағдарламаға қатысып жатқан кәсіпкерлердің қарасы жыл санап артып келеді. Солардың бірі -Асылбек Әлібеков. Ол кәсібін кеңейту үшін жеңілдетілген несие алған.

"Бизнестің жол картасы" бағдарламасы 2025 жылға дейін жүзеге аспақ. Қазіргі таңда БҚО-да 53 мыңнан астам кәсіпкерлік нысан тіркелген. 120 мыңға жуық батысқазақстандық жекеменшік нысанда еңбектенуде.