Дамыған елдерге қарап бой түзейтін болсақ, АҚШ пен Еуропада шағын және орта бизнес экономиканың негізгі қозғаушы күші болып табылады. Бұл елдерде ШОБ ішкі жалпы өнімдегі үлесі 70 пайызды құрайды. Ал Қазақстанда бұл көрсеткіш 30 пайыздан сәл асқан. Яғни бизнес әлі де болса дамуды қажет еді. Президент елге инвестиция тарту жұмыстарының тиімділігін арттыру туралы қаулыға қол қойды. Инвестициялық штабтың жұмысы жобаларды уақытылы және кедергісіз жүзеге асыруға бағытталады. Штабқа заңды күші бар, уақытша нормативтік құқықтық актілерді әзірлеу құқығы да беріліп отыр. Сондай-ақ, мемлекет басшысы өңдеу секторына қаржы салатын инвесторлар келесі жылдан бастап үш жылға салықтан босатылатынын айтты. Қасым-Жомарт Тоқаев бизнес үшін салықтық есебін 30 пайызға азайту, салықтық төлемдер санын кем дегенде 20 пайызға оңтайландырылады деді. Кәсіпкерлердің банктердегі шоттарын бұғаттау кезінде олардың салықтық қарызына тең көлемдегі қаржысына ғана шектеу қойылатын болатынын айтты. Отандық бизнестің алдында тұрған маңызды міндеттің бірі-ауыл шаруашылық өнімдерін өндіруді дамыту.

Әрине кәсіпкерлікті дамыта отырып, әлеуметтік жауапкершілікті де ұмытпаған жөн. «Алтын сапа» және «Парыз» байқауларының жеңімпаздарын марапаттау барысында Каспий Құбыр Консорциумы «Парыз» республикалық әлеуметтік жауапкершілік конкурсының алтын наградасын қанжығалады. Компания еліміздегі денсаулық сақтау, мәдениет, білім беру, экология салаларына және инфрақұрылымды дамытуға қомақты қаржы құйып келеді. 2001-2022 жылдар аралығында компания қайырымдылық жобаларына 12 млрд теңгеден астам қаражат жұмсаған.

НИКОЛАЙ ГОРБАНЬ – «КҚК-Қ» АҚ БАС ДИРЕКТОРЫ «Жылда 1,5 миллиард теңгені әлеуметтік жобаларға бөлеміз. Бұл біз жүзеге асырып жатқан мектеп салу жобасын айтпағанда. Қазір Атырауда 900 оқушы арналған мектеп салып жатырмыз».

Бизнес қауымдастығының айтулы жиынында батысқазақстандық кәсіпкерлер де марапаттан құр қалмады. "Конденсат" АҚ «Іскер» арнайы премиясына лайық деп танылды. Компанияның қызметінің негізгі түрі көмірсутек шикізатын қайта өңдеу және әртүрлі отын түрлерін өндіру болып табылады. Бұл Батыс Қазақстан облысындағы жылына 850 мың тонна шикізатты өңдеу мүмкіндігі бар отын өндіру зауыты. Дегенмен, осы ірі компанияның өзі шикізатпен қамту проблемасына тап болып отырмыз дейді. Өздеріңізге мәлім, мұнай-газ шикізатының басым бөлігі экспортқа кетіп жатыр.

НҮРИЯ МУФТЕЕВА – «КОНДЕНСАТ» АҚ БАС ДИРЕКТОРЫ «Біз шикізат проблемасымен бетпе-бет келіп отырмыз. Шикізатқа тәуелді компанияларға керегі- үкімет осы мәселені шешіп берсе. Онсыз жұмысымыз алға бастпайды, толыққанды жұмыс істей алмаймыз. Қажетті шикізатпен толық қамтылсақ, жаңа жұмыс орындары пайда болар еді, салық көбірек төлейтін едік. Барлық ресурс бар. Тек қолдау керек»

“Өңір” депутаттық тобы “Атамекен” Ұлттық кәсіпкерлер палатасының төрағасы Райымбек Баталовпен кездесті. Жиында шағын және орта бизнесті қолдауға арналған шаралар талқыланды.

Бүгінде Қазақстанда бизнестің дамуына кедергілер көп. Себебі ел экономикасы монополизауияланған. Ал мұндай жағдайдай шағын және орта бизнестің дамымақ түгілі, жабылып қалмай жұмыс істеуі қиын дейді экономистер. Атап өтсек, бизнес үшін қымбат несие қолжетімді болмай тұр. Ал ұлттық банк базалық ставканы төмендетпей отыр. Сондықтан елдегі бизнеске ұзақ мерзімді,арзан несие арман болып отыр.

Райымбек Баталов “Атамекен”ҰКП Төралқа төрағасы “Өкінішке орай Қаржылай көмек алу кезінде қолдары жеткендер алды да, нәтижесінде бәсекеге қабілетті салаға қол жеткізе алмадық. Себебі қаржылық институттың тізімін қарасаңыз қаржылай қолдау алғандар тізімі өте қысқа”

Ал АҚШ пен Еуропада шағын және орта бизнес экономиканың негізін қалаушы болып табылады. Ол елдерде бизнес жалпы ішкі өнімнің 70пайызын құрап отыр. Ал Қазақстанда бұл көрсеткіш 30 пайызға жетпейді. Экономистердің пікірінше, тәуелсіздік алған жылдар бойы бизнесті қолдау, дамыту мәселесі тек сөз жүзінде ғана айтылып келеді. Нақты іс жоқ. Керісінше жағдай ушығып тұр. Салдарынан отандық өнім шығару төмен, импортқа тәуелділіктен арыла алмай жатырмыз. Әлеуметтік-кәсіпкерлік копорациялардың да атқарып жатқан ісі импортқа байланған дейді Баталов мырза.

Райымбек Баталов “Атамекен” ҰКП Төралқа төрағасы “ Әлеуметтік-кәсіпкерлік копорацияда да жағдай сол.Сиырлар шетелден әкелінген,жабдықтың бәрі импортпен келген. Бір сөзбен айтқанда біз бәрін мұнайға сатып алып отырмыз”.

Баталов мырза мойындағандай біз үкімет уәде еткендей жақын арада импортпен келетін тауарға тәуелділіктен арыла алмайтын сияқтымыз. Отандық өнімді шығарушылардың қолы қысқа болғасын тұралап тұр. Басты проблема тұтынушылардың сатып алу төмендеді. Қазақстанда жұмысбастылардың өзі кедейшіліктің кебін киіп отыр. Қазақстанда қымбатшылық қысып, кредитке батқандар саны артқан.