«Nur Otan» партиясының «Біз біргеміз!» акциясы аясында Батыс Қазақстан облысы бойынша 3325 отбасы азық-түлікпен қамтамасыз етілген. Бұл ретте өңірдің кәсіпкерлері мен мәслихат депутаттары, ерікті жастар, аудан әкімдіктері, «Жас отандықтар» және партия өкілдері айрықша белсенділік танытып отыр.Карантинде тарыққан халықты әлеуметтік көмектің жай-жапсары мазалайды. Осы орайда Елбасы, «Nur Otan» партиясының төрағасы Н.Назарбаевтың бастамасымен құрылған «Birgemiz» қоғамдық қоры төтенше жағдай аяқталғанша мұқтаж азаматтарға көмек қолын соза бермек. Бірінші транш арқылы Орал қаласының 5440 тұрғыны 50 мың теңгеден материалдық көмек алған. Екінші кезеңде 708 млн. теңгеге 18 мыңға жуық отбасыға көмек көрсетілген. Яғни 80 мың адам қаржылай және тамақ өнімдерінің пакеттерімен қамтамасыз етілген. Елімізде жарияланған төтенше жағдайға байланысты партияның облыстық және аумақтық филиалдары тұрғындардың арыз-шағымдары бойынша көмек көрсетуді жалғастыра бермек.«Біз біргеміз!» акциясы аясындағы азық-түлік тасымалдауды «Жас Отан» жастар қанаатының 100-ден аса еріктілері санитарлық нормаларды сақтай отырып жүзеге асыруда.Бүгінде партияға деген сенімділік артқан. Партияның облыстық штабына хабарласатын халықтың қатары екі есеге артыпты.

Оралдық кәсіпкерлер COVID-19 инфекциясын жұқтырған науқастарды емдеп жатқан дәрігерлерге қолдау көрсетуде. Яғни дәрігерлер денсаулығына алаңдаған азаматтар хал-қадірінше оларға құнарлы азық-түлік және жеміс-жидектерді жұмыс орындарына жеткізіп беруде. Осылайша індетпен күндіз түні күресіп, науқастарға медициналық көмектен бөлек, мейірім шуағын төгіп жүрген ақ халаттылардың денсаулығына алаңдаған ағайын көмек беріп, оларға қолдау көрсетуде. Күні бүгін еліміз бойынша жүздеген медицина қызметкері індетпен күресу барысында инфекция жұқтырып өздерінің өмірлеріне де қауіп төнуде. Дәрігерлердің де денсаулығын ойлаған қалалықтар олардың құнаралы тамақтануы маңызды деп есептейді.
Облыстық инфекциялық аурулар ауруханасының қызметкерлеріне ерікті кәсіпкерлер 20 келіден аса жеміс-жидекті барынша сақтық шараларын сақтау арқылы жеткізді. Адам жанына араша, Гипократ антына адал болып жүрген жандар өздеріне бөлінген құрметке ықыласпен жауап қатты. Қазақстан президенті Қасым-Жомарт Тоқаев күрделі кезеңде еңбек етіп жүрген дәрігерлер үшін қаржылай қолдаудың жаңа пакеті берілетінін жеткізген болатын.

Оралдық еріктілер жедел жәрдем қызметі мен блок-бекеттерге ыстық тамақ апарды. Коронавирусқа қарсы күрестің алдыңғы шебіндегі дәрігерлер мен полицейлерге ас-ауқат жеткізілді. Бұл жолғы игілікті іске Жәңгір хан атындағы БҚАТУ-дың ұжымы ат салысып, бүкіл шығынды өздері көтеріп алды.Осылайша 200-ден астам дәрігер мен полиция қызметкеріне түскі ас әперді. Еріктілердің ыстық ықыласына ризашылығын білдірген ақ желеңділер жағдайдың қиындауына байланысты, тұрғындардың да түсіністік танытқанын айтады. Осылайша қит етсе, жедел жәрдем шақыртушылардың қатары соңғы кезде айтарлықтай азайған. Қазір өңірде екі адам коронавирус дертін жұқтырған. Осындай науқастар үшін он бригада жасақталыпты. Күшейтілген карантиндік режимге байланысты Оралға кіретін-шығатын жолдарға блок-бекеттер қойылды. Бұл жерден күніне 350-400 автокөлік өтеді. Бекет басында жолаушылар мен жүргізушілердың дене қызуы мен құжаты мұқият тексеріледі. Күндіз-түні тынбай еңбек етіп жүрген полицейлер қиын кезде өздеріне көңіл бөлген еріктілерге ризашылығын жеткізді.Игілікті шараны ұйымдастырушылар уақытша қиындықты жуық арада еңсеретінімізге сенімді. Яғни қиын қыстау кезде жұдырықтай жұмылу- жемісін де, жеңісін де береді дейді. Облыста барлығы 60, ал қала маңына 9 блокбекет қойылды. Бүгінде тұрғындармен түсінік жұмыстарын жүргізу нәтижесін беріп, қатынаушы көліктер саны азайған.