Бүгін  Облыс әкімі Ғали Есқалиевтың төрағалығымен ауыл шаруашылығы жерлерін тиімді пайдалану мәселесіне байланысты селекторлық кеңес өтті. Оған аудан әкімдері, ауыл шаруашылығы бөлімдерінің басшылары және БАҚ өкілдері қатысты. Селекторлық  кеңесте облыс әкімі Ғали Есқалиев ауыл шаруашылығы жерлерін тиімсіз пайдаланып отырған агроқұрылымдар тізімін ашық жариялауда тапсырма берді. Алдағы уақытта шұрайлы жерлерді иемденіп отырған, бірақ көзбоушылық жасап, шаруа істемей отырған латифундистер әрекеті әшекере болатынын қадап – айтты.

Облыстағы ауыл шаруашылық жердің көлемі – 7 миллион 40 мың гектар.  542 мың гектары – егістік алқаптары, 5 527 мың гектары – жайылым жері. Орал қаласы және аудандар әкімдіктерінің мәліметіне сәйкес, пайдаланбай жатқан жерді анықтау және қайта ауыл шаруашылығы айналамына енгізу бойынша жүргізілетін жұмыстар нәтижесінде 2019 жылы 863 мың 300 гектар пайдаланбайтын жер анықталған. Қазіргі уақытта ауыл шаруашылығы жерінің 9 пайызы немесе 75 мың гектар жер алқабы мемлекет меншігіне қайтарылды. Оның ішінде 25,8 мың гектар жер ауыл шаруашылығы мақсатында пайдалануға берілді. Жергілікті атқарушы құрылымдары 650 мыңнан астам жер учаскелерін қайтару бағытында жұмыстануда. Осы орайда Сырым ауданының әкімі бірқатар мәселені ашып айтты.Жер телімін қосалқы жалдауға беру заңсыз. Кейбір шаруалар «Бірлескен қызмет туралы шарт» жасасады да, сол құжатпен қосалқы жалдауға барып отырған әрекетін бүркемелейді. Сыртынан қарағанда, заң жүзінде жүмыс жасап жатқан көрінеді. Бірақ жерін жалға беру есебінен пайда тауып отыр деді облыс әкімі Ғали Есқалиев. Жиында өңір басшысы аудан әкімдері айтқан ұсыныстарды жинақтап, жер қатынастары басқармасымен бірге жұмыстанып, заңнамалық өзгерістерге қатысты мәселені Үкімет деңгейінде көтеретлітінін мәлімдеді.