Оралдағы №33 ЖББОМ жаңа оқу жылында пайдалануға берілетін болады. Бұл туралы облыстық құрылыс басқармасының мамандары мәлімдеді. Қазір нысан құрылысының 70 пайызы аяқталған. Барлығы 10 мектептің құрылысы басталған. Бүгінде жұмыстары қарқын алып, барлығы мыңға жуық адам еңбекпен қамтылған. Осы он білім беру нысанының төртеуі облыс орталығындағы мектептер. Атап айтқанда жергілікті және республикалық бюджет есебінен-2, «Жұмыспен қамтудың 2020-2021 жылдарға арналған жол картасы» МБ -н 4, жергілікті бюджет есебінен-2 және жеке инвестор есебінен 2 нысан бой көтеруде.  Ал жергілікті бюджет есебінен салынып жатырған білім ошақтары осы кезге дейін апатты деп танылғандар. Олар - Казталовтағы Сарықұдық ауылындағы мектеп пен Оралдағы №33 ЖББОМ. Қаладағы Ет комбинаты ауданында екі жылдан бері құрылысы жүріп жатырған 300 орындық №33 мектеп ғимаратының құрылысы алдағы тамыз айында пайдалануға тапсырылуы керек. Құрылыстың бас мердігері бірер ай бұрын жұмыс кестесінен сәл қалыс қалғанымен, қазіргі кезде барлығы жоспарға сай екен. Нысан уақытында тапсырылмақ. Өңірде 5 үш ауысымда жұмыс жасайтын және 7 апатты мектеп бар. Айта кеткен жөн, биыл Президент тапсырмасына сай өңірдегі барлық білім беру орындары дәстүрлі білім беру форматымен жұмысты жалғастыратын болады. Мемлекет басшысының тапсырамасына орай бүгінде дайындық шаралары толықтай қолға алынған.

Шаһар мектептерінде түлектерге аттестат табыстау басталды. Биыл қала бойынша 2285 оқушы орта мектепті тәмамдамақ. Бүгін олардың барлығына салтанатты түрде аттестат табысталды. Оралда 11 жылдық білімін түрлі сынақтарда дәлелдеген 111 оқушы "Алтын белгі" иегері атанып отыр. Ал 67 түлек "Үздік аттестат" алыпты. Салтанатты шараның біріне қала әкімі Абат Шыныбеков арнайы барып қатысты. Күрделі жөндеуден өткен нөмері 45-і ЖОББМ-тің түлектерімен, ұстаздар қауымымен кездесіп, ақжарма тілегін арнады.

Күрделі жөндеуден өткен білім ордасынан биыл 35 оқушы түлеп ұшпақ. Оның 2-еуі "Алтын белгі" иегері атанса, 3 түлек "Үздік аттестас" алуда. Қала әкімі түлектерге төс белгілерін тағып, аттестаттарын табыстады. Физика пәнінен қалалық ғылыми жобалар байқауының жүлдегері және облыстық хоккей спортының жеңімпазы Нұрдаулет Қажмұратов үздік аттестат иегері атанғандардың бірі. Жас түлек алдағы өмірін құрылыс саласымен байланыстыруды жоспарлайтынын айтады.

Білім ордасындағы мерекелік шара санитарлық талаптарды қатаң сақтай отырып өткізілді.. Барлық қатысушылар маска тағып, 2 метрлік арақашықтықты сақтады. Орта білім туралы құжатты табыстауға арналған дәстүрлі шара мерекелік ән шашумен аяқталды.

БҚО-да оқушылар арасында республикалық пәндік олимпиаданың облыстық кезеңі аяқталды. Білім сайысына қатысуға 504 оқушы ниет білдірсе, 21 оқушы денсаулығына байланысты жарысқа қатыса алмапты. Облыстық кезеңде оқушылар арасынан 14 пән бойынша үздіктер анықталды. Сайыс белгіленген график бойынша жүргізіліп, екінші күні жеңімпаздар марапатталып отырды. Салтанатты шарада 3 күн бойы өткізілген жаратылыстану-математика бағыты бойынша облыстық олимпиаданың үздіктері жарияланды.
Жалпы қорытынды есепте барлық пәндер бойынша 34 оқушыға бірінші орын берілсе, 2 орынды 59 оқушы иеленді, ал үштікке 84 мектеп оқушысы іліккен. Командалық көрсеткіш бойынша Орал қаласының білімді жастары үздік атанды. Жаратылыстану-математика бағыты бойынша олимпиадаға 59 оқушы қатысқан. Әділ қазылар физика және математика пәні бойынша ең үздік, ең білімді оқушыны анықтау қиын болды дейді. Айтуларынша, биылғы тапсырмалар өте күрделі болған. Деседе жарысқа қатысушылар түрлі деңгейдегі тапсырмаларды, сайыстың шарттарын уақытылы да, тиянақты орындаған. Нәтижесінде математика пәні бойынша Ернат Ерғалиев үздік деп танылды. Барлық жеңімпаздар облыс намысын республикалық деңгейде қорғайды. "Осы кезге дейін БҚО-ның жастары ұстаздарын жүлделерімен қуантып келеді. Республикалық пәндік олимпиададан әркез жүлдемен оралатын",- дейді сайысты ұйымдастырушылар. Ендеше, алдағы республикалық деңгейдегі додада да жерлестерімізге сәттілік тілейік.

Оралда оқушылар апатты жағдайдағы №31 орта мектепте білім алып жатыр, 380 орынға есептелген ғимарат 1961 жылы салынғаннан бері күрделі жөндеу көрмеген.Техникалық сараптамаға сәйкес өткен жылы апатты жағдайда деп танылған мектепте қазіргі таңда 410 оқушы екі ауысымда білім алуда. Биылғы 24 қазан күні химия кабинетінде төбеден сылақ құлап түскен. Абырой болғанда, оқушылар алдыңғы жақта отырғандықтан, ешкімнің үстіне құламаған. Төбе сол бойда қайта сыланғанымен, мұндай жағдайдың қайталанбасына кепілдік беру қиын. Қаланың бұл ауданында болашақта халық көбеймесе, азаймайды. Жуырда тоғыз қабатты екі үй пайдалануға берілмек. Ш.Айталиев атындағы көшеде үш бірдей бес қабатты үйге тұрғындар қоныстанып үлгерді. Сондықтан мектепте оқушылардың саны азаймасы анық.Мұнда апатты ғимаратты бұзып, орнына 400 орындық мектеп салу көзделген. Бұзу және салу жұмыстары кезінде оқушылар №32, №34 және №23 мектептерде бөлініп, білім алмақшы.Қалада апатты жағдайдағы мектеп бір бұл ғана емес. №33 мектепте оқитын 401 бала күні бүгін №2 мектепте білім алуда. Ескі ғимараттың орнына 300 орындық жаңа мектепті салудың жобалық-сметалық құжаттамасы (ЖСҚ) жасалып, мемлекеттік сараптамадан өткен.Облыстық дарынды балаларға арналған мамандандырылған №8 мектептің 483 оқушысы қазіргі таңда №37 орта мектепте білім алуда. Бұл мектептің жаңа ғимаратын салу үшін жобалық-сметалық құжаттама жасауға бюджеттік өтінім жолданған.Облыстық құрылыс басқармасы  мамандарының нақтылауынша, №31 мектеп ғимаратының ЖСҚ-сы мемлекеттік сараптамадан өткеннен кейін алдағы жылы қаржыландыру мәселесі қаралатын болады. Құны 1,3 млрд теңге болатын №33 мектеп ғимаратына 2020 жылы әуелі 230 млн теңге бөлініп, құрылысы басталмақшы. Ал №8 мектептің ЖСҚ-сын жасақтауға әзірге қаржы бөлінбеген.Тағы бір түйткілді мәселе – облыста үш ауысымда оқитын мектептердің азаймай отырғаны. Оралда №47, №10, №20, №18, эстетикалық бағыттағы гимназияда және Теректі ауданы Подстепный қазақ мектебінде 9486 оқушы бар. Бұл мәселені шешу үшін 4 мың орындық алты мектеп салу қажет. Соның ішінде әзірге қалада №51 мектеп ғимаратына ел қазынасынан 1 млрд теңге қаралып, құрылысы басталды.

 Ел Үкіметі педагог мәртебесін көтеруге кірісті. Бүгін өткен отырыста министрлер кабинеті  «Педагог мәртебесі туралы» заң жобасын талқылады. Жобаны таныстырған білім және ғылым министрі Асхат Аймағамбетовтің айтуынша, жаңа заң жобасына сәйкес, мұғалімдердің жүктемесі  азайтылады, оларды өздеріне тән емес жұмыстарды орындаудан босату қарастырылған. Ал мұғалімдерді сенбілікке жиі қолданатын әкімшіліктерге 120 АЕК-ке дейін айыппұл салынады. Ұстаздарды ұлағаттауға арналған заң жобасы көп кешікпей жақында Парламент Мәжілісіне жетеді деп күтілуде.

 Ұстазы талантты болса, шәкірті талапты болады. Бүгінгі қоғамда ұстазға деген құрметтің деңгейі төмендеп кеткен. Таңның атысынан, күннің батысына дейін өзгенің баласын оқытудан жалықпаған ұстаз еңбегін бағалайтын кез жеткен сияқты. Мұны ел Үкіметі де біліп отыр. Педагог мәртебесі туралы заң жобасының дүниеге келуіне де осы себеп. Соңғы кездері ұстазын сыйламайтын оқушылардың дөрекі әрекеттері әлеуметтік желіде жиі тараса, ұстаздар жағынан  бала ұру, балағаттау оқиғалары да жоқ емес. Ұстаздың мәртебесін көтеру үшін ең алдымен олардың әлеуметтік жағдайын жақсарту қарастырылған. Былтырдан бері ұстаздардың жалақысын көтеру қолға алынса, енді жақында ел Президенті Қасым-Жомар Тоқаев алдағы төрт жылда мұғалімдердің айлығын 2 есеге өсіруді тапсырды. 

Сондай-ақ, мұғалім қызметіне қойылатын талап та күшейеді. Мұғалімдік қызметке алмас бұрын университет түлектері педагог біліктілігіне сәйкестігін растайтын болады. Бұл 2021 жылдан бастап енгізіледі. Сондай-ақ, психикалық және мінез-құлықтық ауытқуы бар, әрекетке жарамсыздығына байланысты дәрігердің бақылауында тұрған адамдарға педагог қызметімен айналысуға тыйым салынады. Ең бастысы енді әкімдіктің бұйрығымен мұғалімдерді сенбілікке шығару тыйылады. Болмаған жағдайда  120 АЕК  дейін айыппұл салынады.

Жалпы жоба  мұғалімдердің жалақысын арттыруға, еңбек демалысын 56 күнге дейін ұлғайтуға, педагогикалық шеберлік, тәлімгерлік үшін қосымша ақы төлеуге бағытталған.  Отырыс барысында премьер-министр Асқар Мамин Білім және ғылым министріне заң жобасын Парламент Мәжілісіне  1 қыркүйекке дейін енгізуді жіті тапсырды.

Тұтқынға алу шарасы 2 тамызға дейін санкцияланған.

 Сурет : ҚР Білім және ғылым министрлігі6 Маусым 2019, 11:33

Әрбір мемлекет білім беру процесіне көңіл бөліп, жас ұрпақтың білімді әрі саналы болып өсуі үшін реформаларын жасақтап, түрлі ғылыми жаңалықтарды оқу процесіне енгізіп жатады. Әрине, мұның барлығы елдің болашағы үшін атқарылып жатқан жұмыс. Әсіресе, барша әлем ғылыми жаңалықтарды қалт жібермей тамашалап, оны зерттеп, зерделейді. Түрлі факторларды саралай келе Елбасы 2019 жылды жастар жылы деп жариялады. Осыған байланысты президент жастардың потенциалын арттыруға нақты тапсырмалар жүктеген еді. Еліміздің аумағында жастарға арналған түрлі жобалар басталды. Алайда, ғылымның орны ерекше.

Мағжан ақын сенген жастар бүгінде түрлі халықаралық байқауларда топ жарып, ел намысын қорғап, ғылыми жаңашылықтарды еншілеп, қазақ елінің атын әлемге атын шығарып жүр. Олардың саны жыл санап артып келе жатырғандығы қуантады. Бұл, Назарбаев зияткерлік мектебінің 12-шы сынып оқушысы- Талғат Мулдашев. Ол 9 сыныптан бастап, ауадан электр энергиясын алу жобасын қолға алған.

Талғаттың тәжірбиесі сәтті шыққаннан соң, ұстазы екеуі сынақтың екінші деңгейіне көшкен.
Олар алған нәтижеден ғылыми жаңашылдықты ашу үшін біраз жұмыстаныпты. Талғат пен оның ұстазы ауадан алған энергиялары атты жаңалығымен үлкен додаларда бақ сынап, бас жүлдені қанжығалапты.

Екі тәжірбиесі сәтті шыққан жас дарын ауадағы конюктивті ауа бағыттарынан электр энергиясын алу ісінде тәжірибесін тоқтатпапты. Бүгінде үш жобаның жақсы іске асқандығын айтады. Биыл мектепті тәмамдайтын шәкірт келешекте осы кәсіпті дамытуды мақсат тұтып отыр. Ауадан энергия алуды зерттеп, төрт жылдай тер көккен Талғаттың ұстазы жас ғалымға былай деп баға береді.

Жасыл энергияны қолдап жүрген еліміз үшін бұл жобаның берері мол. Ауа арқылы энергия алуды қолға алсақ, көптеген қаржының үнемделуіне сеп болмақ. Осы технология арқылы көшелер мен үйлердегі подьездін жарықтандыру болады.
Бұдан өзге, Эламир Қадырғалеев есімді жас оқушы зағип жандарға арналған арнайы құрылғыны жасақтап үлгерген. Аталмыш құрылғы бейнекамера мен қолғаптан тұрады. Жас дарын компьютердегі бағдарламалардың көмегімен жасақтап, сол арқылы зағип жандар қоршаған ортаны танып біле алады.

Аталмыш жобаның әлемде ешбір аналогы жоқ. Тоғызыншы сыныптың оқушысы бұдан өзге талай халықаралық байқаулардың жеңімпазы болып, ел намысын қорғап жүр. Жыл сайын көру қабілеті бұзылған жандардың артуы осы құрылғыны жасауға себеп болған. Қос оқушыда келешекте адамға пайдасы тиетін жобаларды жасауды армандайды. Мектеп қабырғасынан бастап ғылымға қызыққан жастардың қатары қалың болса, соғұрлым еліміз дамып, өркендеп, мәңгілік бақ қонған елдің тұрағы болмақ.

Жиында елбасы жолдауында айтылған өзекті мәселелер талқыланып, білім беру, денсаулық сақтау, халықты тұрғын үймен қамтамасыз ету саласында атқарылатын жұмыстар жөнінде айтылды.

Облыс орталығын дамыту жоспары және елбасы жолдауында артылған мақсат-міндеттер. Актив отырысында басты басымдылық осы тақырыптарға бағытталды. Сондай-ақ жасыл желекті қаламыздың келбетін сақтап, заманауи талапқа сай инфрақұрылым мен қажеттлікті сайлау мәселесі де айтылды. Шаһарымызда 10 апатты үйде сүрілсе, алда тағы 7 көп қабатты үйді бұзу жоспарда. Олардың орнында 1200 пәтерлік жаңа үй пайда болмақ.

Келесі жылы қалада 6 мектептің құрылысы жүреді. Оның екеуі апатты білім ордаларының орнында бой көтерсе, үшеуі Зашаған кентінде, біреуі Жұлдыз шағын ауданында салынады. Жиынға қатысушылар жолдаудағы бастамалардың өзектілігін атап өтті. Сондай-ақ кездесу барысында халқытың әл-ауқатын көтеру, шағын және орта бизнес пен Отандық өнімді қолдау арқылы экономика өсімін арттыруда бірлесе жұмыс жасау қажеттігіне екпін түсірілді.