Білім беру ұйымдары – TDK-42

Тамыз мәслихатында өзекті мәселелер талқыланды

Mon, 27 Aug 2018 05:21:13 +0000

0:00 / 0:00

Қалалық білім беру ұйымдарының педагогтары тамыз мәслихатында бас қосты. Аталмыш шара Теdх форматында ұйымдастырылған болатын. Тамыз мәслихаты төртінші өнеркәсіптік революция жағдайындағы адам капиталын арттыру көзделген еді. Биылғы оқу жылында шаһарымыздың педагогтары қандай жаңашылдықты қолданысқа енгізеді? Білім беру жүйесіндегі маңызды мәселелер турасында толығырақ арна тілшісі сабақтап берсін.

Елімізде білім беру саласын жақсарту үшін бірқатар шаралар легі қолға алынған. Мәселен, өткен оқу жылында 3 мектеп қолданысқа беріліп, 50 бөбекжай қызмет етуде. Сондай-ақ, шаһар көлемінде 49 жекеменшік бөбекжай жұмыстанып жатыр.

Оқушылармен бірге мектепте қызмет жасайтын педагог кадрлардың өсімі де байқалады. Биылғы оқу жылында 3738 мұғалім қызмет жасамақ. Қала ұстаздары заман талабына сәйкес, кең жолақты ғаламтордың көмегін қолдана отырып, Білім лэнд, электронды күнделікпен жұмыстанып жатыр. Тамыз мәслихатында бас қосқан педагогтар бір жылдың ішінде қағаз бастылықтан арылып, барлық құжаттардың баршасын электронды қолданысқа енгізгендіктерін тілге тиек етті.

Биылғы оқу жылында білім беру саласында жаңашылдықтар көп. Білім беру ұйымдарында "IT" кабинеттері жасақталмақ. Сондай-ақ, жиын барысында қала мектептерінің 44-інде WI-FI аймағы орналасатыны айтылды. Қалалық білім беру бөлімінің басшысы өз сөзінде, ата-ананың айтылған уәжін мысалға келтіріп, мектеп директорларына жаңашыл жүйеден келетін зардаптың мөлшерін анықтауға тапсырма жүктеді.

Робототехника үйірмелері ашылады

admin — Fri, 16 Feb 2018 10:37:30 +0000

Батыс Қазақстан облысының барлық мектептерінде жыл соңына дейін робототехника үйірмелері ашылмақ. Бүгінде өңірдің 150-ге тарта білім ордасына осы үйірмеге қажетті техника жеткізіліп, кей мектептерде іске қосылып үлгерген. Облыстық білім басқармасы жанынан информатика пәні мұғалімдері үшін арнайы ақпараттық орталық ашылып, оқыту-семинар жұмыстары өтіп жатыр. Орталық маманының айтуынша, робототехника үйірмесі оқушылардың моторикасын дамытып, шығармашылық тұрғыдан ойлауына сеп болады екен. Ал апталық курс соңында қатысушыларға сертификат табыс етіледі. Айта кетелік, бірер ай бұрын ТЕСО Кенгуру мекемесі Орал қалалық Білім Бөлімімен өзара серіктестік құру меморандумына қол қойған болатын. Жиынға қаламыздың 40-шақты мектеп директорлары және семинардан өткен 15ке тарта мұғалім қатысты. Педагогтардың барлығын да сатылы модульді семинардан өткізу жоспарда бар.

Педагогтар бас қосты

Ажар Хамитова — Fri, 24 Nov 2017 05:09:05 +0000

0:00 / 0:00

Облыс әкімі Алтай Көлгінов білім беру саласында қызмет жасап жатырған барлық мамандармен кездесті. Жиын барысында жаңартылған білім мазмұны кеңінен талқыланған болатын. Сондай-ақ, педагогтардың кеңесінде ұстаздардың біліктілігін арттыру мәселесі де сөз болды.