Биыл 700-ден астам батысқазақстандық жас "Жасыл ел" мен "Еңбек" жасақтарының құрамында бел жазбай еңбектенуде. Жаз маусымында 1100-ден астам жасты жұмыспен қамту жоспарланып отыр. Қазіргі таңда жасыл елдіктер шаһарды көгалдандыру және абаттандыру саласында қызмет жасап жатыр. ал, "Еңбек" жасақтары қос мемлекеттік университетте жұмыстануда.

Арман Алдыбеков "Құрылыс" жасағында маусым айынан бері жұмыстанып келеді. Ол бүгінгі таңда Жәңгір хан атындағы БҚАТУ 3-курсына көшкен. Еңбекке араласқан Арман келешекте құрылыс саласының маманы болмақ. Ол жазғы демалыста сабақта алған білімін тәжірбиеде қолданып, жаяу жүргіншілер жолағына керек тас төсеуіштерді жасауда.

Бұдан өзге мемлекеттік университеттің құрылыс жасағында қызмет жасайтын студенттер оқу ордасындағы жаяу жүргіншілер жолағын салып салса, енді бірі жатақхананың жөндеу жұмыстарында еңбектеніп жатыр. Машина жасау факультетінің деканы биыл 100 студент құрылыс жұмыс жасақтарында еңбектенетіндіктерін айтады.

Биыл БҚО  жазғы демалыс уақытында "Жасыл ел" мен "Еңбек" құрылыс жасақтарында 1100-ден астам жас қызмет жасамақ. Жасыл елдің сабында еңбектенетін жандар шаһардың көгалдандыру мен аббаттандыруында тәжірбие жинақтап жатыр.

Сондай-ақ, оралдық сарбаздар халықаралық әуежайдың құрылыс жұмыстарына да көмектесіп, маңызды нысанда жұмыс жасауда.