Биыл Орал қаласы бойынша қала мектептерінде 49 955 оқушы оқу жылын аяқтаса, соның 2013 мектеп түлегі. Оның ішінде 86 мектеп түлегі «Алтын белгі» иегері болса , 70 оқушы үздік аттестат алды. Қаланың 32 мектебінен ең көп алтын белгі иегерлерін шығарып отырған №42 МГ - 9 түлек, №44 МГ - 8 түлек, №30 ЖОББМ - 7 түлек, №35 МЛ мен №10 ЖОББМ - 5 түлек. Қала әкімі Абат Шыныбеков мектеп түлектеріне ақ тілегін арнады.
Қала бойынша 1691 түлек ҰБТ орталығына онлайн тіркеліп, өз бақтарын сынайтын болады, яғни мектеп бітірушілердің 84 пайызы ҰБТ тапсырайын деп отыр. Бұл жоғары көрсеткіш. Биылғы түлектердің басым бөлігі түрлі байқаулар мен республикалық, қалалық олимпиада жүлдегерлері атанып, ғылыми жоба сайыстарының жеңімпаздары болды. Сонымен қатар, алтын белгі алғандардың ішінде қазіргі таңда әр түрлі жоғары оқу орындарының грант иегерлері атанып отырғандары да бар. Онлайн өткен кездесуде түлектер білім берген ұстаздарға алғысын жеткізіп, ән шырқады.
Естеріңізге салсақ, әлемді жайлаған пандемияға байланысты елімізде төтенше жағдай жарияланып, сақтық шараларын сақтау мақсатында мектептер қашықтан оқытып, соңғы қоңырау рәсімі онлайн түрде өткізілген болатын.

Қаланың орталығында жол көлік оқиғасы болды. Екі автокөлік Әбдіров пен Январцев көшесінде соқтығысты. Нәтижесінде бір темір тұлпар арыққа түсіп, қатты зақымданған болатын. Бір автокөліктің жүргізушісі жөндеу жұмыстарына дейін бұл аумаққа жол берген деген белгісі орнатылмады деген пікірімен бөлісті.

Полиция қызметкерлері бұл парадокс жағдайді бірнеше мәрте тілге тиек еткен. Мәселен, жүргізушілер жөнделмеген жолдарға көңілі толмай, кейін олар тас жолдар тақтайдай болып жөнделсе, ол учаскіде жол көлік оқиғалары көбейеді екен. Тамыздың бірінші жұлдызында таңғы сегіздер шамасында екі темір тұлпар бір жолға сыймай, жол көлік оқиғасы орын алды. Опель Вектор көлігін тізгіндеген жүргізушісі Әбдіров көшесімен ал, Хендай Элантра атты көлігі бар жүргізуші Январцев көшесінің бойымен келе жатқан.
Соққының салдарынан қос көлік арыққа құлап кеткен.

Абырой болғанда жол көлік оқиғасынан ешкім зардап шекпеді. Алайда, тас жолда жол көлік оқиғаларын сақтауды естен шығармаған жөн болар.