Үкімет басшысы Олжас Бектенов су тасқынынан зардап шеккен өңірлерге сапарлады. Премьер-министр Батыс Қазақстан облысы мен Ақтөбе облысына барды. Үкімет басы бірінші Ақжайық өлкесіндегі жұмыстардың барысымен танысты.

Премьер Бектенов Батыс Қазақстан облысына жасаған сапарында Подстепный ауылы, қаланың Деркөл кенті мен Жұлдыз шағын аудандарына барды. Аталған аумақта 400 үй салынуда. 8 мердігер компания, 56 техника мен 330 құрлысшы Подстепный ауылында еңбектенуде.

Подстепный тұрғындары жаңа баспаналарын уақытылы алсақ деп үміттенеді. Салқын түспей, оқу жылы басталғанша жаңа тұрғын жайға ие болғысы келеді.

Деркөл кентінде 103 үйдің құрылысы жүріп жатыр. Ал Жұлдыз шағын ауданында 191 нысан салынуда.

Таңғы сағат 8 кешкі 8-ге дейінгі жұмыс кестесі үкімет басшысының көңілінен шықпады. Бектенов баспаналарды уақытылы тапсыру үшін тәулік бойы жұмыс істеу керек деп тапсырды.

Тасқын кезінде баспанасыз қалып, зардап шеккен тұрғындар қажетті көмекке қол жеткізетіндеріне риза.

Премьер- министр бірінші кезекте жұмыс кестесінен қалып келе жатқан ауылдық жерлерді назарға алды. Олжас Бектенов Қаратөбе ауданына қарасты Қоржын ауылына да ат басын бұрды. Мұнда 90 үйдің құрылысы жүріп жатыр. Жұмысшылардың саны үш есе артқан. Сондай-ақ, елдімекенде мектепті жөндеп жатыр. Үкімет басшысы сапаға мән беру керектігін еске салды. Ауылда 6 мердігер компания жұмыс істейді.

Ауыл тұрғындары үйлерінің кілтін асыға күтуде.

Бүгінгі таңда 34 үйдің қабырғасы қалануы керек. Ал 56 баспананың шатырын жабу қалыпты. Жалпы үйлердің 50 пайызы ғана дайын.

Сурет primeminister.kz сайтынан жүктелді

Шығыс Қазақстан облысының экологиялық туризмді дамытуда әлеуеті зор. Бұл туралы өңірге сапарлап барған премьер-министр мәлімдеді. Туристтердің санын арттыру үшін инфрақұрылым желілерін дамыту қажет. Қазіргі таңда аймақта Қазақстандағы ең ұзын көпір салынуда.

Қатон-Қарағай, Бұқтырма су қоймасы мен Сібе өзенінің табиғатын тамашалау үшін алыс-жақын шетелдерден туристтер арнайы келеді. Туризм министрлігі өңірге деген қызығушылық зор,- дейді. Өткен жылы 370 мың мейман сапарлапты. Осы аймақ Қытай мен Ресейдің шекарасында орналасқан.

Өткен жылы Шығыс Қазақстан облысының қонақ үйлері 6 млрд теңгеден астам пайда тапқан. Облыс билігі комьюнити туризмнің дамуына екпін салып отыр. Яғни, ауыл мен елдімекеннің тұрғындары іс-шараларға бірдей атсалысады.

Туризм үшін жолдар мен бағыттар маңызды. Бұқтырма су қоймасы арқылы көпір салынады. Ол республикадағы ең ұзын көпір болмақ. 50 жыл бойы тұрғындар аймақтың өзге аудандарына жазда пароммен, қыста мұзбен жүріп, қатынады. Мұнда халықтың ыңғайлылығы үшін көпір ғана емес, сонымен қатар ұзындығы 18,6 км көпірге кіреберістері бар автожол да салынбақ.

Бектенов металлургтер күні қарсаңында өңірге сапарлады. Үкімет басшысы сапары барысында "Қазмырыш" зауытында болып, қызметкерлермен кездесіп, оларды мерекемен құттықтады.

Өңірде таулы металлургиялық кешенде 20 мың кәсіби білікті маман жұмыс істейді. Ал 45 мың жұмысшы сервистік компанияларда еңбектенуде. Жаңа жобалардың арқасында 2 мың жұмыс орны ашылмақ.

Компания мыс, бағалы металдар мен қорғасынның ілеспе өндірісінің үлкен үлесімен мырыш шығарады. Аталмыш кәсіпорын Қазақстандағы ең ірі алтын өндіруші. Бүгінгі таңда тау-кен металлургия кәсіпорнының зауыттары республиканың алты аймағында орналасқан.

сурет https://primeminister.kz/ сайтынан жүктелді