Қазіргі таңда бау-бақша өнімдері пісіп, саттыққа шығарылды. Базар мен дүкен сөрелерінде Отандық, жергілікті өнімнің көп екені байқалады. Әсіресе, қауын мен қарбызға деген сұраныс жоғары. Ал Оралдықтар Тайпақтың қарбызын сатып алуға әуес. Тайпақтың бренді қазір егістікте пісіп, шаруалар өнімді жинап, саудалауда.

Су тапшылығына бейімделіп, тамшылату жолымен бау-бақша өнімдерін еккен шаруаның бірі- Нұрлан Жұмашев. Шаруа жаңа әдіспен бақша егуді 2016 жылы бастаған. Егістігіне пияз, картоп, қияр, қызанақ, шалғамды отырғызыпты.

Егістікте көкөніс өнімдерінен бөлек Тайпақтың брендіне айналған қауын-қарбыз пісіп жатыр. Биыл бал қарбыздың дәмін шілденің 4-інен бастап татыпты.

Шаруа қарбызды қалай таңдау керек жайлы біраз кеңестерімен де бөлісті.

Кәсіпкер биыл бау-бақша өнімдерін еккен кезде ешкімді тұрақты жұмысқа алмағанын айтады. Бірақ осы кәсіптің басы-қасында жүріп, тамшылату әдісін бақылап жүрген қызметкерлер бар.

Қара жерге өнім егіп, еңбектеніп напақасын тауып отырған шаруа жыл сайын мемлекеттен қолдауын алып келген. Бірақ өткен жылғы өзгерістерге байланысты 2019 жылы төленуі тиіс субсидиясын ала алмай отыр.

Жалпы биыл Ақжайық ауданында 1305 гектар жерге көктемгі далалық жұмыстар жүргізіліп, көкөніс пен бақша өнімдері 885 гектар жерге егілген. Піскен өнім аудандарда саудаланып жатыр.

Оралдық саяжайшылар өз өнімдерімізді саудалай алмай отырмыз,- дейді. Бұл қордаланған мәселе жыл сайын қайталанады. Қала маңында саяжайы бар тұрғындар көктемнен бастап, қара күзге дейін еңбектеніп, маңдай терімен өсірген тауарларын оралдықтарға сата алмай әлек. Азаматтар өзімізден артылған өнімді, қала тұрғындарына ұсынып, азды-көпті қаражат тапқымыз келеді,- дейді.

Бұл- Ольга Семенихина. Ол 20 жылдан бері саяжайында бау-бақша өнімдерін өсіреді. Кейіпкеріміз жыл сайын көкөністің бірнеше түрін егіп, жеміс-жидектерін жинайды. Алайда қала тұрғыны өзінен артылған өнімді оралдықтарға саудалай алмай әлек.

Көше бойында түрлі жеміс-жидек пен көкөністі өзгелерден сатып алып, өз бағасымен саудалайтын алып-сатарлар көп. Жабайы саудамен билік бірнеше жылдан бері күресіп келеді. Бірақ еш нәтижесіз. Егде тартқан қариялар мен әжелер өздері өсіріп, артылған алма мен өріктерін саудалай алмай отыр.

Қалалық бау-бақша өсірушілер мен саяжайшылар  қауымдастығының төрағасы бірнеше жылдан бері бағбандардың өз өнімін саудалауға арналған орын мәселесін көтеріп келеміз,- дейді.

Бағбандар орын үшін аз-кем ақы төлеуге дайын. Бұл айыппұл мен бұзылған тауарлардың құнына қарағанда сатушы мен жалға берушілерге  де тиімді болмақ.