"Батыс су арнасының" қызметкерлері жалақының уақытылы төленбей жүргеніне наразы. Олар осы проблема 6 айдан бері шешілмей келеді деп налиды. Мекеме қызметкерлері әрбір айдың онында қолымызға тиюі тиіс жалақымызды 10 шақты күнге кешіктіріп аламыз,- дейді. Қазіргі таңда желтоқсан айында жасаған жұмысының ақысын ала алмай жүргендер көп. Қызметкерлер жалақысын әр айдың онына дейін алу үшін директордың атына өтініш жасаған екен. Жұмысшыларға айлық төлеу мәселесі жайлы толығырақ тілші сюжетінде.

Өңірді таза сумен қамтамасыз етіп отырған Батыс су арнасының қызметкерлері жалақыларын уақытылы ала алмай отыр. Олар проблема алты айдан бері жалғасып келеді дейді. Қызметкерлер уақытылы жалақысын алу үшін директордың атына өтініш жазатын көрінеді. Қазіргі таңда желтоқсандағы айлығын ала алмай отырғандар жетерлік.

Кәсіпорынның желтоқсан айында жұмысшыларға 76 млн теңгедей бережақ болыпты. Күні бүгінге дейін 37 млн теңгедей қаражат төленген. Батыс су арнасының директоры бұл проблеманың туындауына тарифтің аздығы себеп. Коммуналды төлемнен түскен қаржыдан бірінші кезекте жалақы төлеп жатырмыз, кейін салық төлейміз,- дейді.

Батыс су арнасында 600 астам қызметкер жұмыс істейді. Мекеме басшылығы кешіктірілген жалақыны осы айдың соңына дейін төлеп береміз деп сендіріп отыр. Алайда бұл проблеманың қашан және қалай шешім табатыны белгісіз. Қызметкерлер жалақыны әлі қанша ай кешігіп алатыны да беймәлім.

Оралда 4 мың абонент ауыз сусыз қалды. Кәріз құбырының істен шығуы салдарынан Ет комбинаты, Ремзавод және балабақша аудандарының тұрғындары бір күннен бері сусыз отыр. Оқиға орнында "Батыс су арнасының" бірнеше техникасы мен қызметкерлері жұмыстануда. Негізінен бұл жердегі шайынды суға арналған кәріз құбыры осыдан он күн бұрынғы жауған жаңбырдың салдарынан істен шыққан болатын. Ескі құбырды ауыстыруға шешім қабылдаған коммуналдықтар бір аптаның үстінде осы жерді қазып, біраз жұмыс жүргізді. 10 метр тереңдікке жатырған құбырдың орнына жаңасын салу үшін ауыз су желілісі ажыратылған. Салдарынан қаланың бірқатар аудандарында кешеден бері ауыз су беру тоқтатылыпты.Қазір оқиға орнында бірнеше бригада жұмыстануда. Жұмыс барысына қанық болған қала әкімінің орынбасары Мирас Мүлкәй екі күн ішінде құрылыс жұмыстарының аяқталатынын мәлімдеді. Жалпы биыл «Батыс су арнасының» кәріз құбырларын ауыстыруға қазынадан 1 млрд. теңге қаражат бөлініпті.Айта кеткен жөн, 19-ші сору станцасындағы орын алған ақауға байланысты бүгін 9-шы және Астана шағынауданы аралығындағы үйлерде де ауыз су тоқтатылған. Су жеткізу шарасы ұйымдастырылыпты. Маусым сайын қайталанатын мәселеге тұрғындар әбден көндіккен. Дүкен сөрелеріндегі суды литрлеп сатып алып әлек.

Ғұмар Қараш көшесінің тұрғандары ауыз суға мұқтаж болып отыр. Аталмыш көшеде орналасқан су бағанасы 10 күннен бері істен шығыпты. Шаһарымыздың орталығында өмір сүретін азаматтарды бағананың жұмыс жасамауынан орын алып отырған қиындықтарына қапалы.