Оралда электр энергиясының тарифі өсті. Бұл туралы Табиғи монополияларды реттеу департаментінің мамандары мәлімдеді. Энергетиктер монополистерден тарифті екі есеге қымбаттатуды сұраған еді. Бүгінде тұтынушылар 1 кв электр энергиясын тұтынғаны үшін 15 теңге төлейтін болады.«Батысэнергоресурс» ЖШС мамандары Қарашығанақтағы газ турбиналық станцияны жөндеуге байланысты сатып алынатын электр энергиясының өзіндік құны өскенін атап өтті. Оған қоса компанияның қордаланған қарызының салдарынан бүгінде электр стансаларындағы құрылғыларды жаңғырту мүмкін болмай отырған көрінеді.
Табиғи монополияларды реттеу басқармасының мамандары коммуналдық тарифтің қымбаттауы арнайы заңмен реттелетінін мәлімдеді. Оралдықтар жарық бағасының өсуі қалыпты жағдай деп есептейді. Мәселен, бір отбасында үш адам болса, онда айына 150 КВт электр энергиясы тұтынылғаны үшін бұрынғыдан 500 теңгеге артық ақы төленеді. Айта кеткен жөн, бұдан бұрын жанар-жағармай мен сұйытылған газдың қымбаттағанын хабарлаған болатынбыз. Мамыр айында ауыз су тарифінің құнында да өзгерістер болуы мүмкін. «Батыс су арнасы» ЖШС арызы бүгінде саралану үстінде.

«Батыс қазақстан электр желілерін таратушы компаниясы»  АҚ инвестициялық бағдарлама аясында бөлінген қаражатты 100 пайыз игерген. Бұл туралы бүгін  монопалистер ұйымдастырған пресс турда  белгілі болды.«Батыс қазақстан электр желілерін таратушы компаниясы»  АҚ-на инвестициялық бағдарлама аясында 2016-2020 жылдар аралығында  1 млрд. 605 млн теңге бөлінген. Электр таратушы компания жұмысын оңталандыру және сапалы қызмет көрсету мақсатында осы жылдар шінде бірнеше вакумды ажыратқыш алынған. Олардың бір-біреуі 16 млн. теңгеге бағаланады. Қазақстанда құрастырылған жабдықтар жұмысты екі есе қысқартуға мүмкіндік береді. Электр желілеріндегі ақауды 10 минут ішінде анықтап, тұйықталу мәселелерінің алдын-алады.АҚ мамандарының айтуынша 2025 жылға дейін осындай бірнеше вакумды ажыратқыш алыну жоспарда тұр. Мұндай құрылғылардың 18-і аудандарға орнатылған. Сонымен қатар жылына 10 шақырым ауа және кәріз желілері ауыстырылады. Соның нәтижесінде қолайсыз ауа райы немесе өзге де табиғи факторлар әсерінен болатын проблемалар шешілген. Монопалисттер алдағы уақытта өзге де инвестициялық бағдарлама аясында жұмыс жасайтын компаниялар жұмыстарының мөлдірлігіне көз жеткізу бағытында осындай шараларды ұйымдастыруды жоспарлап отыр.Жоғарыда аталған іс-шаралардың орындалуы қосалқы станцияларды пайдаланудың сенімділігін арттырады, жабдықтар мен аппаратуралардың қызмет ету мерзімін ұзартады. Сондай-ақ, бұл жұмыстар желілердің апаттылығын азайтады, қаланың тұтынушыларын тұрақты электр энергиясымен жабдықтауды қамтамасыз етеді.