Қазір қоғамда бедеулік мәселесі өзекті болып тұр. Бір ғана мысал, БҚО өзінде 175 отбасы жасанды ұрықтандыру емшарасы үшін кезекте тұр. Бір облыс үшін аз емес. 175 отбасы бұл есепте тұрғаны, ал есепке тіркелмеген бір перзентке зар болып жүрген жұбайлар саны бұдан да көп болуы мүмкін. Қазір бедеулік мәселесі барлық Қазақстан бойынша бар, әрі өзекті. Бала сүйе алмай жүрген қаншама отбасы бары нақты белгісіз. Қолда бар дерек бойынша БҚО өзінде жылына сексен шақты отбасылық жұп дәрігердің алдына келеді екен. Дәрігерлер еркек пен әйелдің ағзасына толық тексеру жүргізеді. Себептерді анықтауға тырысады. Қазіргі таңда әйелдер арасында бедеулік мәселесі көптеп кездесетін көрінеді, одан бөлек ер адамдар бедеулігі де бар.

ГҮЛЗАТ БАЙГЕНЖИЕВА
ГИНЕКОЛОГ-ЭНДОКРИНОЛОГ ДӘРІГЕР
Ер адамдар арасында да бедеулік мәселесі бар.Ер адамның бедеулігіне көбіне өмір салты әсер етеді.Әсіресе әр әйелге бір баратын, былайша айтқанда түрлі адамдармен жыныстық қатынасқа түсу, түрлі инфекциялар жұқтырудың соңы ер адамның бедеулігіне әкеліп соқтырады.Одан бөлек жұмыс орыны да маңызды. Мысалы кең орындарында жұмыс жасайтындар, вахталық әдіспен жұмыс жасайтындар бір сөзбен айтқанда денсаулыққа зиянды жерде жұмыс жасайтындар көбіне бедеулікке ұшырайды.

Қазіргі уақытта бала сүйе алмай отырған ерлі -зайыптыларды жасанды ұрықтандыру орталығына жолдамамен жібереді.Бірақ жасанды ұрықтандырудан кейін міндетті түрде балалы боламын десеңіз қателесесіз. Мысалы 2018 жылы 31 ерлі -зайыпты жасанды ұрықтандыру шарасынан өткен. Солардың ішінде тек 16 әйел ғана өмірге бала әкеліпті. Олардың ішінде 4 әйел егіз тапқан.

ГҮЛЗАТ БАЙГЕНЖИЕВА
ГИНЕКОЛОГ-ЭНДОКРИНОЛОГ ДӘРІГЕР
31 жұптың ішінде 15 әйел бала сүйе алмай отыр. Жасанды ұрықтандырудың нәтижесі қандай боларын біз білмейміз. Ол бедеуліктің қай түріне жататынына да байланысты. Әрине екінші қайтара жасанды ұрықтандыру жасатуға болады, бірақ ол үшін қайтадан кезекке тұру керек

Жасанды ұрықтандыру да елдің бәріне бірдей қолжетімді емес. Бағасы 1 миллион, 200 мыңдай болады. Ал мемлекеттен бөлінетін квота мардымсыз, жылына тек 30-35 адамға ғана квота беріледі екен. "Сондықтан адамдар өз денсаулықтарын ерте жастан күткені абзал",- дейді дәрігерлер. Айтпақшы қазір қаладағы барлық емханаларда отбасын жоспарлау кабинеттері жұмыс жасайды. Кез- келген жасы 15-49 жас аралығындағы әйелдер осы кабинттерден өздеріне қажетті кеңестерді ала алады.

РАБИГА АРЫСТАНОВА
ОТБАСЫН ЖОСПАРЛАУ КАБИНЕТІНІҢ МЕЙІРБИКЕСІ
Жоспарланбаған жүктіліктен сақтау мақсатында жас қыздармен жұмыс жасаймыз, одан қалды сақтық шаралары туралы лекциялар оқимыз. Ал, отбасылы адамдарға жүктілікті жоспарлап, денсаулықтарын толық тексертіп ,дені сау ұрпақ әкеліңіздер деп кеңес береміз.

"Бала сүю үлкен бақыт, ол үшін әр адам өз денсаулығын күтіп ұстағаны абзал",- дейді дәрігерлер.

Облыста көктайғаққа байланысты жолдар жабылды. БҚО ТЖ департаментінің мамандарының айтуынша, кеше сағат 22.00-ден бастап облыстық Чапаев-Жаңақала-Сайқын, сондай-ақ республикалық маңызы бар Чапаев-Жалпақтал-Қазталов бағытындағы жолдар жабылды.

Синоптиктердің болжамы бойынша алдағы күндері облыс аумағында күн жауын-шашынды болып, соның салдарынан көктайғақ орын алуы ықтимал.

Еске сала кетейік, бұдан бұрын Оралда көктайғақтың салдарынан 55 адам жарақат алғанын хабарлаған болатынбыз. Сол себепті төтеншеліктер қауіпсіздік шараларының күшейтілгенін мәлімдейді.

Осыдан екі апта бұрын да ауа райының күрт өзгеруі салдарынан республикалық бағыттағы жолдар жабылған болатын. Ескерту шараларының қолға алынғанына қарамастан жолға шыққан көлік иесі темір тұлпарды тізгіндей алмай Ақжайық ауданына қарасты елді-мекен тұсында жол көлік оқиғасы орын алаған болатын. Сол себепті сала мамандары байланыс қызметтерінен келген хабарламаға құлақ асу қажеттігін ескертеді.

ДИНАРА ӘБДҮЛХАЛЫҚОВА
Қазір қар жауып тұр, сол себепті жолдан өту жолағы қармен көрінбеуі мүмкін. Сол себепті тұрғындар жолдан өтерде құлаққабыпты шешіп өз өмірлеріне жауапкершілікпен қараса дейміз.

Ал алдағы аптадан бастап күн қайтадан күрт суытады дейді синоптиктер!

Орал қаласы, Еуразия көшесіндегі 55-ші үйдің қабырғасы сөгіліп, кірпіштері үгітілуде. Осыған орай тұрғындар атқарушы биліктен көмек сұрады. Өтініш ізімен мамандар аталған баспанада болып, пәтерлердің жай-күйі назарға алынды. Облыс орталығының Еуразия 55 мекенжайындағы бұл көп пәтерлі үйдің қабырғасы жабылып тұр.  Аталмыш баспана өткен ғасырдың 80-ші жылдары салынса, қабырға жарықтары  7-8 жыл бұрын пайда болыпты. Содан бері ырсиған жарық қабырға бойлай тоғызыншы қабатқа дейін жетіпті.

Мария Громова, қала тұрғыны: - Қорқынышты, қабырғасы жарылып кеткен. Қанша жөндеу жасасақ та қолымыздан ештеңе келер емес. Сол ебепті билік өкілдерінен көмек сұраймыз.

Аталған үйде  108 пәтер бар. Сала мамандары тұрғындарға төніп тұрған қауіп әзірге жоқ дейді. Пәтер иелерінің дабылынан соң жауапты сала мамандары өлшем белгілерін қойды. Ал пайда болған жарықтардың неден пайда болғаны  белгісіз.Бұған қоса үйдің техникалық жағдайы да жауапты сала мамандарының тексерісі арқылы сараланып, нақты баға береді. Одан кейін ғана аталған пәтерге қатысты тиісті шешім қабылданбақ.