Шымкенттегі банкет залдарының бірінде 13 жастағы жасөспірім қайтыс болды. Қайғылы жағдай бірнеше ай бұрын болған. Құқық қорғау органдарының мәліметінше, жасөспірімнің өліміне қатысты сотқа дейінгі тергеу жүргізілген. Сараптама қорытындысы бойынша оның жүрегі тоқтап, көз жұмғаны анықталған. Тергеу барысында банкет залының жұмысында еңбек заңнамасына қатысты заңбұзушылықтар анықталған. Атап айтқанда, кәмелетке толмаған жасөспірімнің нысанда жұмыс істегені белгілі болған. Осыған байланысты банкет залының иесі әкімшілік жауапкершілікке тартылды. Полиция өкілдері істің өзге мән-жайлары туралы ақпарат берілмейтінін хабарлады.