Орал қаласында эстетикалық бағытта білім беретін гимназияда "Алақан мектеп" жүйесі іске қосылды. Бағдарлама балалардың қауіпсіздігін қамтамасыз етуге арналған.

Баланың қауіпсіздігі оның алаңсыз білім алуына мол мүмкіндік. Жыл санап ел мектептерінде қауіпсіздік шаралары күшейтіліп келеді. Турникеттер орнатылып, күзет жүйесі іске қосылды. Эстетикалық бағытта білім беретін гимназияда жаңа "Алақан" жүйесі енгізілді.

Раниль Негметов,Эстетикалық бағыттағы гимназия директорының орынбасары:

- Бұл "Алақан" жобасы облысымызда ең алғашқы рет мектепке орналастырды. 1849 оқушы тіркелді.Сырттан басқа адам кіре алмайды. бұның ерекшелігі. Тек мектептің мұғалімдері, қызметкерлері және оқушылары кіреді арнайы,-дейді.

Ата-аналар жаңа жүйе баламыздың қай уақытта мектепке барғаны мен қандай тағам тұтынғанын білуге мүмкіндік береді,- дейді. Тіпті, жаңа жүйемен оқушының қай кітапты оқуға алғанын да білуге болады.

Мейрамғали Мұстафиев, ата-ана:

-Бұл мектепте екі балам оқиды. Бір балам, бір қызым бастауыш сыныптарда.Бұрындағы карточка бейджик дейді ғой, сол бейджиктар аздап қолайсыздау болды. Баланың аты бала. Кейде ұмытып кетеді. Кейде жоғалтып алады. Қазір мына "Алақан" жүйесі арқылы тек алақаны керек.Сол алақанымен мектепке кіреді,шығады , асханада, кітапханаға кіргендерін барлығын телефонда көрініп тұрады-дейді.

Қазіргі таңда эстетикалық бағытта білім беретін гимназияда 1800-ден астам бала білім алады.

Сурет https://aqtobegazeti.kz/ сайтынан жүктелді.