Орал қаласында 50 мемлекеттік балабақша бар. Оның қабырғасында 10 238 бала тәрбиеленуде. Бұдан өзге облыс орталығында орналасқан жекеменшік балабақшаларға 6300 ден астам бүлдіршін барады. Бүгінде мемлекет бір бала үшін 41197 мың теңге төлейді. Жалпы Орал қаласы бойынша 6365 бала бөбекжай кезегінде тұр.

Жақында білім және ғылым министрлігі балабақшаға кезекке тұрудың бірыңғай базасы ашылатынын хабарлады. Бұл жаңалықты жеткізген вице-министр Шолпан Каринованың айтуынша, «Ол -мектепке дейінгі білім беру ұйымдарындағы орындарды бөлудің ашықтығын, қаржының дұрыс жұмсалуын және кезектің қайталанбауын қамтамасыз етеді».

Ал жаңа база іске қосылғанша оралдық ата-аналар «Эндиго» бағдарламасы арқылы кезекке тұрып, өз орындарын күтпек.

Балабақшадағы кезек үнемі өзекті мәселенің бірі болып келгені жасырын емес. Бірақ, биылғы жылы кезек мәселесі өз шешімін тапқандай. 2018 жылдан бастап жаңа жүйе іске қосылды. Яғни, ата-ана бауыр еті баласын балабақшаға арнайы порталдың көмегімен орналастыра алады. Бұл порталда қандай балабақшада қанша орын бос тұрғындығы айқын көрініп, кезегі келген бала мектепке дейінгі мекемеге бара алатын мүмкіндікке ие. Қазіргі таңда, облыс көлемі бойынша 507 мектепке дейінгі білім нысаны қызмет жасауда. 1 жастан бастап, 6 жасқа дейінгі 33 мың сәби балабақшамен қамтылған. Жаңа жүйенің тиімді тұстары мен алғаш енгізілген тұста көптің сынына іліккен электронды кезек жайлы толығырақ арна тілшісі тартқатып берсін.

Биылғы жылдан бастап балабақшадағы кезек автоматты жүйеге көшті. Орал қаласы мен Бөрлі ауданында өмір сүріп жатқан ата-аналар қауымы бұл жаңашылдықтың шарапатын көріп отыр. Қазіргі таңда, әрбір оралдық ата-ана бауыр еті баласы туыла салып, арнайы бағдарлама арқылы балабақша кезегіне тұра алатын мүмкіндікке ие.

Автоматтандырылған жүйеге көшкен балабақшалар кезек мәселесінің заман талабына орай шешімін тапқанын атап өтті. Бұл, шаһарымызда орналасқан №49 "Ақниет" бөбекжайы. Аталмыш бөбекжайда 400-ден астам бүлдіршін бар. Олардың 218 жаңа жүйе арқылы алғаш балабақша табалдығын аттаған балдырғандар.

Елбасының цифрландыру тапсырмасына орай, қолға алынған жаңа жүйенің оңтайлы тұсы көп. Біріншіден, ата-ананың уақыты үнемделеді. Ата-ана бұрынғыдай баласын балабақшаға орналастыру үшін бос орындары бар мектепке дейінгі ұйымдарды шарқ ұрып іздеудің қажеті. Тек екі құжаттың көмегімен арнайы бос орыны бар мекемені таңдауға болады. Өзге аудандардың баршасы жаңашыл жүйеге осы жылдың аяғына дейін қосылмақ.

Орал қаласында балабақша кезегі электронды порталға көшірілген болатын. Автоматтандырылған жүйе арқылы кез-келген ата-ана баласының мектепке дейінгі мекемедегі кезегін үйде отырып-ақ бақылап отыра алады. Алайда бұл өзгерістің тиімсіз тұстары көп,- дейді өз кезектерінің қашан келерін білмей, күтуден жалыққан ата-аналар.

Біріктірілген кезектің тиімді тұсы- ғаламтордан үнемі бақылап отыруға болады. Бір жүйедеден басқарылып, автоматтандырылған порталда ата-аналардың белсенді болуы шарт. Сол кезде пайда болған бос орындарды таңдау мүмкіндіге ие болмақ. Алайда дәлізде кезекке тұрған бір топ ата-ана бұл жүйенің өздері үшін тиімсіз тұстары көбірек болып тұрғанын айтады.

Мамандар бұл уақытша туындаған қолайсыздық деп түсіндірді. Сондықтан ата-аналарды сабырға шақырып, электронды портал жұмысын түсіндіруге дайын екендерін мәлімдеді. Биылғы жылы шаһарымызда 3900 бала балабақшамен қоштасқан. Мамыр-маусым айларында 500-дей бала бөбекжайға жолдама алыпты.

Балабақша кезегі үшін алаңдаған ата-аналар бұл мәселе жақын аралықта шешімін табады деген үмітте. Ал білім саласының қызметкерлері бүгіннен бастап электронды кезекті бақылау жүйесінде туындаған техникалық ақау қалыпқа келтірілгенін хабарлады.