20-маусымнан бастап елімізде "Бақытты отбасы" бағдарламасы іске қосылады. Тұрғын үй бағдарламасы 2019 жылдан бастап жүзеге асып келеді. Биыл осы бағдарламаны іске асыру үшін 51 млрд теңгедей қаражат бөлінген.

Маусымның жиырмасы мен шілденің 19-ына дейін "Бақытты отбасы" бағдарламасына өтініш тапсыруға болады. Осы тұрғын үй бағдарламасы арқылы атқарушы биліктің баспана кезегінде тұрған көпбалалы, мүмкіндігі шектеулі баланы тәрбиелеп отырған отбасылар және толық емес жанұялар ипотека рәсімдей алады. Несие екі пайызбен беріледі. Және БҚО-да "Бақытты отбасы" арқылы несиеге рәсімделетін үйдің құны 10 млн теңгеден аспауы шарт. Төмен несиемен үй алатын жандар алғашқы жарнаның он пайызын төлеуі керек.

Қазіргі таңда облыс орталығында 22 мыңнан астам азамат баспана кезегінде тұр.

Естеріңізге сала кетейік, "Бақытты отбасы" тұрғын үй бағдарламасы 2019 жылы іске қосылды. Сол жылы 197 батысқазақстандық қоныс тойын тойлады. Былтыр осы бағдарлама арқылы 259 баспаналы болды.

сурет http://ernur.kz/ сайтынан жүктелді

"Бақытты отбасы" бағдарламасына өтініш қабылдау басталды. Аталмыш бағдарлама осыдан үш жыл бұрын іске қосылған еді. "Бақытты отбасы" пәтер кезегінде тұрған жанұялардың оңтайлы жолмен баспаналы болуы мақсатында қолға алынған еді. Мәселен, бағдарлама бойынша 2019 жылы 197 өтініш қабылданған. Ал былтыр 205 несие берілген. Биыл "Бақытты отбасыға" қандай өзгерістер енгізілді?

"Бақытты отбасы" бағдарламасына пәтер кезегінде тұрған көпбалалы, толық емес және мүгедек баланы тәрбиелеп отырған жанұялар қатыса алады. Бағдарлама қатысушылары баспананың 10 пайыздық құнын жинап, жиырма жылға дейін несие рәсімдейді. Және заемның жылдық мөлшерлемесі 2 пайыздан аспайды.
Үшінші жыл қатарынан іске қосылған бағдарламада биыл өзгерістер бар.

Жалпы Орал қаласы бойынша пәтер кезегінде 21мыңға жуық адам бар.

"Бақытты отбасына" өтініш беру мерзімі 26-мамырда аяқталады. Соның нәтижесінде мамандар екі тізімді жасақтайды. Бірі негізгі тізім, ал екіншісі резерв болмақ. Өтініштерді қабылдау аяқталғасын мамандар азаматтарды банк бөлімшесіне шақырады. Осы бағдарлама арқылы БҚО-да 2019 жылы 197 отбасы баспаналы болса, өткен жылы 205 отбасы қоныс тойын тойлады.

Сурет inform.kz сайтынан жүктелді.

Елімізде "Бақытты отбасы" бағдарламасына құжаттарды қабылдау басталды. Аталмыш бағдарлама пәтер кезегінде тұрған, көпбалалы, жалғыз басты және кәмелет жасына толмаған мүгедек баланы тәрбиелеп отырған отбасыларға арналған. Бағдарламаға қатысу үшін 3 категория бойынша атқарушы органнан тиісті жолдаманы алып, банкке өтініш беру қажет. Сондай-ақ биыл алғаш рет "Бақытты отбасы" бағдарламасына қатысып жатқан отбасыларға арнайы 1 млн теңге болатын сертификат та берілетін болды.

Былтыр 50 млрд. теңгедей қаражат бөлініп, көпбалалы, жалғыз басты және мүгедек баланы тәрбиелеп отырған жанұяларға арналған "Бақытты отбасы" биыл да өз жалғасын тапты. Пәтер кезегінде тұрған отбасылардың армандаған пәтеріне қол жеткізу үшін 2020 жылы 100 млрд теңгедей қаражат қарастырылыпты. Сала мамандары бағдарламаға қатысу үшін құжаттарды қабылдау басталғанын айтады.

Биыл "Бақытты отбасының" шарттары өзгеріссіз қалған. Үш категория бойынша пәтер кезегінде тұрған жандарға арналған баспананың құны 10 млн теңгеден аспауы шарт. Үй алу үшін баспананың он пайыздық құны жинақталып, үйдің несиесі 20 жылға 2 пайыздан берілмек. Сондай-ақ, биыл алғаш рет баспана кезегінде тұрған жандар үшін 1 млн теңге болатын арнайы сертификаты да берілетін болды. Осындай сертификаттардың құны 200 млн. теңгені құрайды.

"Бақытты отбасы" бағдарламасына қатысу үшін қазір құжаттарды қабылдау басталды. Азаматтар жолдаманы тұрғын үй коммуналдық шаруашылығы бөлімдерінен алуы керек. Өткен жылы осы бағдарламаға 211 батысқазақстандық қатысып, бүгінде олардың 190-ы қоныс тойын тойлап үлгерген. 2020 жылдың бірінші жартыжылдығында 205 батыс қазақстандықтың өтініші қабылданбақ.

Қазақстанда жұмыссыз жастар саны 81 мыңнан асып жығылады. Жастарды жұмыспен қамту, баспана беру мәселесі Парламент Мәжілісінде өткен Үкімет сағатында талқыланды. Қазір жұмыс істейтін 29 жасқа дейінгі қыз-жігіттерге жалдамалы пәтер Нұр-Сұлтан, Алматы және Шымкент қалаларында ғана беруді бастады. Ал қалған өңірлердегі жастарды кім қолдайды? Дипломмен ауылға жобасы неге аяқсыз қалып жатыр? Жұмыссыз жастар саны неге өсіп кетті? Осы сұрақтарға жауап іздеген тілшіміздің репортажынан толығырақ

Жастарды жұмыспен қамту, баспана беру, кәсіпке тарту жол картасы әзірленді. Тіпті биылғы жыл Жастардың жылы деп жарияланды. Жастар мәселесін шешеміз деп қазынадан млрдтар бөлініп жатыр.

Алайда, үкіметтің қолға алған бұл ісі жүзеге асып жатыр ма? Баспанасыз біреудің босағасын пана қалып, жалдамалы пәтер жағалап жүргендердің басымы осы жастар. Әзірге тек Нұр-Сұлтан, Алматы және Шымкент қалаларында ғана жастарға жалға пәтер беру мәселесі шешіліп тұр. Ал басқа өңір жастарына күте тұруға тура келеді.

Жастардың баспана мәселесін  шешу үшін депутаттар  «Бақытты отбасы» бағдарламасына жас отбасыларды енгізуді ұсынды.  Ал жұмыссыз жүрген жастардың мәселесін қалай шешеміз?. Қолында дипломы бар жастарды «тәжірибең жоқ» деп жұмысқа алмау үрдісі сақталып отыр. Бүгінде жұмыссыз сабылып жүрген жастар саны 81 мыңнан асып жығылады. Бұл жастар арасындағы қылмысты арттырып, үміті үзілген ақылды жастардың шетелге кетуіне әкеп соғуда.

Бізде жас министрлер қатары көбейген. Парламентте де  жас депутаттарды да кездестуріге болады. Ең жас мәжілісмен Геннадий Шиповских – 30 жаста.  Ал жақында ғана депутаттық креслоға жайғасқан жас депутаттың бірі- Әлімжанов бұл жұмысқа еңбекке ерте араласудың арқасында келдім деп марқайды. Депутат болу  үшін президенттің рөлін ойнау міндетті емес екен.

Жастар жылының аяқталуына екі ай қалды. Алайда, нақты жұмыс біткен жоқ. Жастардың қамын толық қамту үшін, келер жыл-  «Волонтер жылы» деп жарияланып отыр. Жалпы елімізде  3 млн 800 мыңнан астам жас азамат бар.

Орал қаласында биыл «Бақытты отбасы» бағдарламасы бойынша 170 жанұя баспанаға ие болмақ. Оның 80-і көп балалы отбасы болса, қалғаны толық емес және мүгедек бала тәрбиелеп отырған жанұялар. Бағдарламаға қатысушылар пәтер кезегінде тұрғандар арасынан анықталады. Облыс орталығында 13 санат бойынша 19 мың адам баспанаға мұқтаж жандар ретінде тіркелген. Дәл қазір қалалық тұрғын үй-коммуналдық шаруашылық бөлімі кезекке сәйкес жолдама беруде. Сол бойынша тұрғындар «Тұрғын үй құрылыс жинақ банкіне» барып, төлем қабілетін дәлелдеуі тиіс. Одан соң 10 миллион теңгеге дейінгі тұрғын үйді 2% несиеге ала алады.Күні бүгін шаһарда 13 азамат банктің мақұлдауынан өтіп, баспана іздеуге кірісіп кеткен. Ең бастысы несие тарихыңыз жақсы болуы тиіс.Егер банктің ережесіне сай өтпей қалған тұрғындар баспана кезектен шығарылмайды. Яғни алдағы уақытта қайтадан құжат жинап бағын сынауға мүмкіндік бар.

Оралдық 170 жанұя “бақытты отбасы" бағдарламасына қатысу үшін жолдамаға ие болады. Бұл туралы қалалық әкімдәкте өткен жиында белгілі болды. Аталмыш бағдарлама пәтер кезегінде тұрған азаматтардың үш категориясына арналған. Яғни, көпбалалы отр, мүгедек баланы тәрбиелеп отырған жанұялар мен толық емес отбасылар 20 жылға дейін баспананы несиеге рәсімдей алатын мүмкіндікке ие болып отыр.

Еліміздің аумағында "Бақытты отбасы" бағдарламасы өз жұмысын бастады. Бұл бағдарлама көп балалы, мүгедек баланы тәрбиелеп отырған жанұя мен толық емес отбасыларға арналған. Яғни, пәтер кезегінде жылдап тұрған жанұялар арман болған пәтерлерін несиеге рәсімдей алады. Несиенің көрсеткіші 2 пайызды құрап отыр. Көптен күткен баспанаға қол жеткізу үшін тұрғын үй коммуналды шаруашылығына келіп, тиісті жолдама алып, оны банкке тапсыру шарт.

Жалпы облыс бойынша "Бақытты отбасы" бағдарламасына қатысу үшін 216 адамға жолдама берілді. Оның 170-сі оралдықтарға тиесілі. Яғни, көпбалалы аналар санатындағы отбасылар үшін 80 орын, көпбалалы 45 ал, мүгедек балаларды тәрбиелеп отырған жандар үшін 45 жолдама беріліп отыр. Бағдарламаның шарты бойынша олардың баршасы пәтер кезегінде тұруы керек.

Қазіргі таңда Орал қаласы бойынша 13 категория бойынша 19500-ден астам азамат пәтер кезегінде тұр. Биыл аталмыш санаттағы жандар үшін 216 пәтерлік тұрғын үйдің кілтті табыс етіледі деп жоспарлануда.