3 адамды тірілей  өртеп жіберген 1973 жылғы Айдархан Меңдіғариннің қылмыстық ісі тоқтатылды. Өйткені ол, Шизофрени́я ауруына шалдыққан.  Бүгін бұл туралы БҚО қылмыстық істер жөніндегі мамандандырылған ауданаралық сотының  судьясы  Бақыт Ермаханов мәлімдеді.  Істің мән-жайына келсек,  2018 жылдың қаңтар айында А.Меңдіғарин Ақжайық  ауданында У. Қадыралиевамен танысып, екеуі жылдың соңына дейін бірге тұрған.  Кейіннен мінездері жараспай  У. Қадыралиева Теректі ауданындағы Федоровка ауылына кетіп қалған. 2018 жылы 21 желтоқсанда А. Меңдіғарин У. Қадыралиеваның жергілікті тұрғын  А. Жұмағалиевпен тұрып жатқанын және олардың Межколхозная көшесіндегі И. Горочкинаның мекен-жайында болатынын біліп, әлгі үйге 22.30 шамасында баса-көктеп кіріп барған.  Ол жиналмалы пышағымен У. Қадыралиеваның бетінен бір мәрте соғып, жарақаттап, бет-әлпетін қалпына келмейтіндей етіп бұзған.    Содан соң, аса қатыгездікпен адам өлтіру мақсатында «Осы жерде ешкім тірі қалмау керек» деп, ас бөлмедегі газ плитасының төрт шүмегін ашып, қорқыту арқылы У. Қадыралиеваға жабысқақ лентамен А. Жұмағалиев, А. Семенченко, И. Горочкиналардың аузы мен қолын байлатып, үшеуін газ плитаның жанына жатқызған. Әрі қарай У. Қадыралиеваға тез жанатын мата, жапқыш, көрпе, күртелерді жинатып, үстіне лақтыртып, өзі оттықпен газ плитаның үстіне лақтырылған матаның шетін өртеген. Одан әрі Меңдіғарин қасындағы Қадыралиеваның екі қолын күшпен артына қайырып, жіппен байлап, үшеуінің үстіне итеріп, құлатып, өзі оқиға орнынан бой тасалаған. У. Қадыралиева тірі қалу үшін бар  күшін жинап, өрт ошағынан қашып шығып, адамдарды көмекке шақырған.    Судья Бақыт Ермахановтың айтуынша, аталмыш іс бойынша сот талқылауы 2020 жылдың 13 ақпан күні өтуі тиіс болған. 9 ақпан күні сағат 12.00 –де А.Меңдіғариннің облыстық психикалық денсаулық орталығында қайтыс болғаны анықталды.Қылмысқа жауапты 1973 жылғы   Меңдіғариннің ісі аса қауіпті қылмыс болып саналған еді.

Екі адамның өмірін қиған Алексей Гиганов пен Евгений Леонтьевке сот үкімі шықты. Бірнеше мәрте қылмыс жасаған қос күдіктіге түрменің ащы дәмі таңсық емес. Өйткені олар 16 жастарынан қылмыс жасап істі болған. Бұл жолы олардың қылмысы 10 эпизод бойынша қаралып бірі 17, екіншісі 23 жылға сотталды.Екі азамат қала маңындағы бір ауылда дүниеге келіп дос болған. Алексей Гиганов бұған дейін үш рет сотталған. Оның сыбайласы Е.Леонтьев 2008 жылы 12 жылға бас бостандығынан айырылған. Мерзімінен бұрын босатылған соң тағы да істі болып, темір торға тоғытылған. Екі дос жасаған соңғы қылмыстары үшін жазаларын бірге өтеп, бірі өткен жылдың мамыр, екіншісі маусым айында түрмеден босатылған. Олардың аса ауыр қылмыстарын өтініштері бойынша алқа билер қатысуымен қаралған.Айыпталушылар 4 күн ішінде екі адамды өлтірген. Леонтьев әйел адамды ұрып өлтірсе, араға 4 күн салып Гиганов өзбекстандық азаматтың жанын алады. Е.Леонтьевке жазаларды ішінара қосу арқылы түпкілікті 23 жылға бас бостандығынан айыру жазасы тағайындалды. Ал А.Гиганов жазаларды ішінара қосу арқылы түпкілікті 17 жыл 1 айға бас бостандығынан айырылды. Олар өздеріне кесілген мерзімді қылмыстық-атқару жүйесінің қауіпсіздігі барынша қамтылған мекемесінде өтейтін болады. Сот үкімі заңды күшіне енген жоқ.

Өзі жоғалтып алған әмияны үшін 34 жасар азаматты өлтірген 1964 жылғы Талғат Тағбергенов енді өмірінің 11 жылын тар қапаста өткеретін болды. Үкім бүгін облыстық қылмыстық істер жөніндегі мамандандырлыған ауданаралық сотында оқылды. Сот төрешісі Бақыт Ермаханов.Өткен жылдың қыркүйегінде Оралдың Зашаған кентінде бірге ішімдік ішкен Талғат Тағбергенов пен  Айболат Бердіғалиев арасындағы дау Тағбергеновтің қалта телефоны мен әмианының жоғалуынан пайда болады. Айыпталушы Тағбергенов жеке заттарын қайда және қашан жоғалтып алғанын білмей рөмкілесі Бердіғалиевтен сұрайды. Кейін жәбірленуші Бердіғалиев 10-15 минуттан соң Тағбергеновтың жеке  дүниелерін өзіне ұсынады да жатып қалады. Осыдан соң ол әмиянын ашып қарап, заттарының жоқ екенін айтып, қайдан және кімнен алдың деп сұрайды. Алайда Бердіғалиев жауап бермейді. Ашуға булыққан Тағбергенов ас үй пышағын әкеліп, қаперсіз жатқан Бердіғалиевтің сол жақ жүрек тұсынан салып қалады.  Алған жарақатының салдарынан Айболат Бердіғалиев оқиға орнында  ұзақ уақыт өтпей жан тапсырады. Оның бұл әрекетін куәгерлер  растаған. Айыпты сотта өзінің бұл әрекетін ішнәра мойындапты. Марқұмның әкесі болса, күдіктімен бұрын таныс болмағанын жеткізді.Сот үкімі әлі заңды күшіне енген жоқ.