Орал қаласында жаяу жүргіншіні көлік қағып кетті. Оқиға Мұхит көшесі мен Ықсанов көшесінің қиылысындағы бағдаршам тұсында тіркелді. Түрлі дене жарақаттарын алған зардап шегушіні жедел жәрдем көлігі ауруханаға жеткізді. Куәгерлердің айтуынша, авто көлік тежегішті басып үлгірмеген.

Бұл қаладағы ең қауіпті қиылыстардың бірі. Осы жерде жол-көлік оқиғалары жиі тіркеледі дейді куәгерлер. Зардап шегуші 29 жастағы азаматша. Жедел жәрдем көлігі оған алғашқы медициналық көмек көрсетіп, ауруханаға жеткізді. Бағдаршамның жасыл түсіне жүріп келе жатқан адамды "ВАЗ-2104" маркілі көлік қағып өтіпті. .
Жүргізуші жағдай бұларын білмедім деп сұхбат беруден бас тартты. Айтуынша, жаяу жүргінші жолдың ортасына келіп, артқа қарай кері жүрген. Мұны күтпеген жүргізуші тежегішті басып үлгірмепті.

Зардап шегушінің бас сүйегінің жабық жарақаты мен омыртқасының бел тұсы зақым алғн. Бұл жөнінде денсаулық сақтау басқармасы хабарлады.

Оралдағы Астана шағынауданының тұрғындары Әбілхайыр хан даңғылы бойында бағдаршамның жоқтығына шағымданады. Бұл - Әбілхайыр хан даңғылы мен Астана шағынауданының қиылысы. Тұрғындар бұл жерде жол қозғалысы жүктемесінің үнемі көп екенін айтады. Бұны тұрғындардың жіберген мына фотосуреттерінен де байқауға болады. Тіпті жуырда осы жолмен жүріп келе жатқан жүргізуші көлікке ие бола алмай, мотоциклішіні қағып кеткен. Өкінішке орай, жұртшылық мұндай оқиғаларға жиі куә болып тұратын көрінеді.

Қалалық әкімдік өкілдері бұл мәселеден хабардар. Аталған жол қиылысына бағдаршам орнату биылғы жоспарға енгізілген. Былтыр қала бойынша 13 бағдаршам орнатылған болатын.

Қалада осындай қиын бұрылыстар мәселесі өзекті. Шаһардағы қозғалысы көп 14 қиылысқа бағдаршам орнату қажет. Алайда, бұл қаражаттың бөлінуіне байланысты атқарылатын шаруа.

Тұрғындардың осындай бағдаршамдар мен жаяу жүргіншілер жолағына байланысты өтініш-ұсыныстары болса, қалалық әкімдіктің әлеуметтік желілердегі парақшаларына жібере алады.

Әсіресе жаңадан жөнделген көше жолдарында. Орал қаласының Әбілхайыр хан даңғылының бойындағы 7-ші және 9-шы шағын ауданды бөліп тұрған жол қиылысына қатысты тұрғындардың арызы осындай. №3 көше аталған жөндеуден кейінгі жол мен Әбілхайыр даңғылының қиылысында жаяу жүргінші жолағының белгісі қойылған. Бірақ тұрғындар бәрібір бұл жолдан өтуге жүрексінеді. Ал көліктер көп жүретін уақытта бір-біріне жол бергісі келмеген жүргізушілер үлкен кептеліс туғызатын көрінеді. Жол-көлік оқиғаларының тіркелуіне де бағдаршамның жоқтығы себеп болып отыр дейді тұрғындар.

Бұл жол "Қарашығанақ петролеум оперейтинг" компаниясының қаражатына 2017-жылы жөнделген болатын. Жоба бойынша бағдаршам орнату қарастырылғанымен, әзірге оның жұмысы кейінге қалдырылған көрінеді.

Шаһарымызда бағдаршамға зәру қиылыстар бойынша жоспарлар жасалып жатыр дейді мамандар. Сол себепті қауіпті қиылыста сақтық шарасын қаперде ұстап, бағдаршамның орнатылуын күте тұруға тура келеді.