Облыста әлеуметтік маңызы бар тағамдар құны тұрақты. Мәселен азық-түлік базарларынан бөлек әлеуметтік маңызы бар тауарлар бағасы гипермаркеттер мен супермаркеттерде бақылауға алынған. Бұл туралы бүгін облыстық кәсіпкерлік және индустриалдық-инновациялық даму басқармасының мамандарынан құрылған мониторнгтік топ өкілдері мәлімдеді.Мониторингтік топ өкілдерінің айтуынша, тұрғындарға даурығуға еш негіз жоқ. Қорда жиі тұтынатын әлеуметтік сұраныстағы тауарлар жеткілікті. Бүгінде қаладағы барлық ірі сауда нүктелерінің сөрелері толықтай азық-түлікпен қамтамасыз етілген. Жұмыс күндері мұнда барлық әлеуметтік маңызы бар тауарлар бағасы қадағаланатын болады.Мәселен, кей сауда нүктелерінде жоғары сұрыпты ұнның бағасы 8 мыңмен -10 мыңның арасында болса, мұнда 50 келі астық- 8 мың теңге тұрады. Сондай-ақ күнбағыс майымен жарма және күріш бұрынғы бағамен тұрғындарға ұсынылуда. Ал лимонмен зімбір бағасының күрт шарықтауын Оралдықтар қолдан жасылып отырған мәселе деп ойлайды. Сонымен қатар, аудан тұрғындарын қажетті өнімдермен қамтамасыз ету мақсатында азық түлік тиелген жүк көліктері күн сайын жөнелтілуде.

Қымбатшылыққа жол жоқ. Жарияланған төтенше жағдайларға байланысты сауда нүктелерінде қант пен картоптың бағасы шарықтап кетті. Осы орайда арнайы құрылған мониторингтік топ тәулік бойы бағаны қадағалау шараларын жүзеге асыруда. Сала мамандары картоп бағасы бір қалыпқа түскенін мәлімдеді.Күні кеше 160-170 теңгеге, кей дүкендер желісінде құны 200-ге шарықтаған картоп бүгін орталық базарда 100 теңгеден сатылып жатыр. Сала мамандары бағаны негізсіз көтерген кәсіпкерлердің заң аясында жазаға тартылатынын жеткізді. Ал құмшекер ел аумағында өндірілмейтіндіктен облыс әкімдігі тарапынан тасымалдау бағытындағы қажетті келіссөздер жүргізілуде. Ал сақтындыру қорында әлеуметтік тауарлар жеткілікті. Оралдықтар орталық базардан қажетті тағам түрлерін тауып жатқанын жеткізді.Сатушылар тауарларын күнделікті алатынын, ал кеше көтерме бағамен картопты 140 теңгеден сатып алғанын жасырмады. Төтенше жағдайдың енгізілуіне орай облыс аумағында және Орал қаласында төтенше жағдай режимін қамтамасыз ету жөніндегі штаб құрылып, жұмысын бастады. Тұрғындардың қауіпсіздігін қамтамасыз ету мақсатымен төтенше жағдай режиміндегі жұмыс кестесіне сәйкес барлық мемлекеттік органдар мен кәсіпорындар күшейтілген режимге көшкен. Халықтың тіршілігін қамтамасыз ететін салалардың тұрақты жұмыс жасауын қамтамасыз ету мемлекеттік органдарға жүктеліп отыр. Бүгінде облыс орталығында 1 446 кәсіпкерлік субъектісі бар.