Оралдық таэквондошылар "Азия" чемпионатынан жеңіспен оралды. Жарыс Үндістанның Бангалор шаһарында 19 тамыз бен 25-і аралығында өтті. Тартысты додаға 26 елден мыңдаған спортшы қатысты. Сайыс нәтижесі бойынша еліміз командалық есепте 2 орынға ие болды. Тек қазақстандық құрама Оңтүстік Кореяның спортшыларына есе жіберіпті. Еліміздің құрамасының сапында батысқазақстандық өрендер өнер көрсетіп, жеңіс тұғырынан көрінді. Әлемдік сайыста Алесандро Карбоне 18 жасқа дейінгі балалар арасында екі дүркін Азия чемпионы атанды. Жас өрен бұған дейін де Еуропа мен Әлем біріншілігінде топ жарып, алтынды қанжығаланған еді.

Үндістанның Банголор қаласында таэквондодан Азия біріншілігі өтті. Тартысты доданың нәтижесі бойынша "Ахметов теам" командасының мүшелері 6 алтын, 3 күміс пен 3 қола еншіледі. Үнді жерінде өткен сайыста жас спортшы Алесандро Карбоне екі дүркін Азия чемпионы атанды. Бұған дейін болашағынан көп үміт күттіретін жас спортшы Еуропа мен Әлем біріншілігінде топ жарып, алтынды қанжығалаған еді.

Жарыста топ жарған жас спортшыларды Ақжайық жұртшылығы қошеметпен қарсы алды. Азия ойындарында жеңіс тұғырынан көрініп, ел намысын қорғаған спортшылар қараша айында Өзбекстанның астанасында өтетін Әлем кубогіне дайындалмақ. Қазіргі таңда "Ахметов теам" командасында 300-ден астам жас спортшы жаттығады. Тәжірибелі бапкер өрендерді 4 жастан бастап қабылдайды.

Батысқазақстандық каратэшілер Малайзияда өткен "Азия" чемпионтынан жүлдемен оралды. Өңірде каратэ спорты  дамып келе жатыр дейді облыстық спорт басқармасының мамандары. Бүгін жеңіспен оралған өрендер мен жаттықтырушыларын басшылық пен ағайын туыстары қарсы алды.  Негізінен  Малайзияда өткен Азия чемпионтына облыстан 4  каратэші бақтарын сынаған болатын. Жаттықтырушы Ринат Мерғалиевтің айтуынша, Кәмила Жоламанова жасөспірімдер арасынан күміс жүлдеге ие болса, жастар арасынан Дархан Темірәлиев қола жүлдені қанжығаға байлапты. Сала мамандарының айтуынша бүгінде облыста каратэмен шұғылданушыларды жалпы саны 300 -ден асқан. Әсіресе 10- жасқа дейінгі жеткіншектер аса қызығушылық танытуда. Азия чемпионтына жылға жуық уақыт дайындық шаралары өткен.