Елде ауыс-түйіс басталды. Кеше ғана өткен билік партиясы- Nur Otan-ның кеңейтілген саяси кеңесінде елбасы НұрСұлтан Назарбаев партяи төрағасы өкілеттілігін Президент Қасым-Жомарт Тоқаевқа беретінін мәлімдегенді. Енді партияның съезі өтіп, Тоқаевтың кандидатурасы бектіледі. Ал бүгін Тоқаев, бірден Алматы облысының әкімін ауыстырып жіберді. Амандық Баталов қызметінен кетіп, орнына Қанат Бозымбаев облыс әкімі болып тағайындалды. Елдегі ауыс-түйіс мұнымен тәмам болмайды, әлі бірқатар әкімдер ауысып, үкіметтің де жаңаруы мүмкін деген болжамдар әлеуметтік желіде жарыса айтылуда. Толығырақ Әселім Қалкеннің бейнематериалынан.

Саяси шолушылар Президент Қасым-Жомарт Тоқаевтың Nur Otan партиясын тізгіндеуі оның өкілеттілігін күшейте түспек деп жазып жатыр. Елбасы Нұрсұлтан Назарбаев күні кеше ғана өзі 30 жылға жуық басқарып келген билік партиясы төрағалығын Тоқаевқа беретінін мәлімдегенді. Ал бұған дейін ол Қазақстан Халқы Ассамблеясын да басқарудан да бас тартып, Қасым-Жомарт Тоқаевқа табыстаған еді. Осылайша Назарбаев екі бірдей өкілтеттілігін тапсырып отыр.

Қазір Нұрсұлтан Назарбаевтың қолында қауіпсіздік кеңесті басқару билігі қалды.

Енді Қасым-Жомарт Тоқаевтың партия төрағалығына кандидатурасын бекіту үшін партияның барлық делегаттары жиналып, съезд өтеді. Саясаткерлердің пікірінше, Тоқаевта съезде партияның атын өзгерту, партияны тарату, өзгерту, президенттікке кандидатты бекіту, төрағаны алып тастау және тағайындау секілді ерекше өкілеттіктері болады. Төрағаның өкілеттілігі кең. Партияның қызметін толығымен басқарады алады. Әрине Тоқаев президент болып отырып та өкілеттілігі басым, дегенмен партияға жетекшілік ету оны күшейте түспек дейді депутаттар.

Ал сәрсенбінің таңын ел Президенті жаңа тағайындаулармен бастады. Алматы облысының әкімі Амандық Баталов қызметінен кетіп, Тоқаевтың көмекшісі болған Қанат Бозымбаев әкім болып барды. Еске сала кетейік, Бозымбаев Жамбыл, Павлодар облыстарын тізгіндеп, әкімдіктен хабардар болған адам. Энергетика министрілігін басқарды. Соңғы екі жыл бойы Президенттің көмекшісі лауазымында отырды. Осылайша 52 –і жасар әкім Бозымбаев зейнет жасына жеткен Баталовтың орнына жайғасты.