Өңіріміздің ауыл шаруашылығы басқармасы алдағы уақытта қыстайтын мал азығын дайындау үшін 1,5 млн тоннадан астам жем жинау жоспарланғанын хабарлады. Қазіргі уақытта қажетті көлемнің 43% -ы сатып алынды. Сондай-ақ, бір жарым мың тоннаға жуық көкөніс өнімдері мен бақша дақылдары жиналды. Сонымен қатар, егін жинау жұмыстары да  күз мезгіліне дейін аяқталмақ.

"Қазіргі уақытта облыста дәнді дақылдардың жиналатын 248,2 мың га алқаптан 11,5 ц/га орташа өнімділікпен 47,3 мың тонна астық алынды", - деп хабарлайды БҚО Ауыл шаруашылығы басқармасының бас маманы Нұргүл Мұқанова.

Ауыл шаруашылығы басқармасының хабарлауынша, бүгінде алқаптардағы жұмыстар толықтай тәмамдалған. Осы жылы өңір дихандары мол өнім алуды жоспарлауда. Ағымдағы жылы жоспар бойынша 513,5 мың гектарға егін егілуі тиіс болған болса, ауыл шаруашылығы дақылдарының нақты алқабы 515,2 мың гектар болып отыр. Осылайша жоспар 101 пайызға орындалыпты.

Ауыл шаруашылығы техникалары паркі жаңартылып, 4 мыңнан астам трактор, 5 мыңға жуық дән сепкіш, 800 қопсытқыш және 46 егу кешендері егін егу науқанына тартылған. Көктемгі жұмысқа бөлінген 12 мың тонна дизель отынының әр литрінің бағасы 141 теңгеден белгіленген. Биыл өңірімізде ауа райының қолайсыздығына байланысты науқандық жұмыс сәл кештеу басталған болатын. Соған қарамастан жоспарды артығымен орындаған дихандар күзде мол өнім алудан үмітті.