ауған соғысы – TDK-42

33 ЖЫЛ БҰРЫН КЕҢЕС ҮКІМЕТІНІҢ ӘСКЕРІ АУҒАН ЖЕРІНЕН ШЫҒАРЫЛДЫ

Ажар Хамитова — Tue, 15 Feb 2022 12:28:41 +0000

0:00 / 0:00

Осыдан 33 жыл бұрын кеңес үкіметінің әскері ауған жерінен шығарылды. Отыз үш жыл бұрын БҚО-нан 1000 астам жауынгер сұм соғысқа аттанған еді. Олардың 27-сі жат жерде опат болып, бір азамат іс-түссіз жоғалды. Ауған соғысына қатысқан ардагер жауынгерлер ұрыс шебінде жан тапсырған сарбаздардың рухына тағзым жасап, майдандастарын еске алды. Бүгінгі таңда БҚО-да 700-тен астам ауған соғысының ардагері бар. Олардың басым көпшілігі облыс орталығында тұрып жатыр.

ЕР ЕСІМІ - ЕЛ ЕСІНДЕ!

Evgeni St — Mon, 15 Feb 2021 12:54:24 +0000

Тәжікстанда 1992 жылы басталған азаматтық соғыс кезінде тәжік-ауған шекарасындағы қауіпсіздік босаңсыды. Қақтығыстар жиілеп, ауған содырлары шекара арқылы есірткі мен қару-жарақ тасыған. Шекара бұзған қарулы топтарға тосқауыл қою мақсатында 1993-2001 жылдар аралығында бітімгершілік операциясы жүргізіліп, қақтығыс аймағына қазақстандық сарбаздар аттанып, біразы қаза тапты. Міне, биыл қазақ батальонінің тәжік-ауған шекарасынан шығарылғанына 20 жыл толып отыр. Соған орай Тәжік-ауған шекарасында ұрысқа қатысқан ардагерлермен кездесу өткізіліп, оларға құрмет көрсетілді.

Шара барысында ардагерлер марапатталды. Жалпы БҚО-нан Тәжік-ауған шекарасындағы ұрысқа 350 сарбаз қатысқан. Өкінішке орай бір сарбаз туған өлкеге оралмады. Осы кеште жауынгерлерге қала әкімі Абат Шыныбековтің алғыс хаты, сонымен қатар мерекелік төс белгілер табысталды.

Халық ерліктері ерен ер азаматтарын еш ұмытқан емес. Сол соғыста қаза тапқан сержант Радик Қаймулдиевтің Шыңғырлау ауылында өзі тұрған көшеге есімі берілген болатын.

Грек-рим күресінен ашық турнир басталды

admin — Mon, 01 Oct 2018 12:10:21 +0000

0:00 / 0:00

Шаһарымызда Кеңес Одағының батыры, Ресей батыры Қайыргелді Сайынұлы Майдановты еске алуға арналған грек-рим күресінен ашық турнир салтанатты түрде бастауын алды.

Қайыргелді Сайынұлы екі соғыста да асқан батырлық көрсетіп, әуе шайқасының ғаламат қас шебері болған алаштың ақиық азаматы. БҚО Жымпиты ауданына қарасты Тасқұдық ауылының тумасы. Жерлесіміз Ауғанстандағы екі соғыс кезінде 1250 рет жауынгерлік тапсырмаларды орындау үшін әуеге көтеріліп, 85 жараланған солдат пен офицерді құтқарған. 100 тоннадан астам жүк тасып, жүздеген десантшыны соғыс ошағынан қауіпсіз жерге жеткізген.

Еліміздің спортшыларынан басқа көршілес Ресейден жас палуандар боз кілемде бақтарын сынады. Демек, биылғы дәстүрлі түрде 13-ші мәрте өткізіліп отырған турнир халықаралық деңгейге жетіп отыр. Қайыргелді Майдановты еске алуға арналған турнирге олимпиада ойындарының үш дүркін жүлдегері Гюзель Манюрова арнайы келген болатын.

Дерек көздеріне үңілсек, Ауғанстандағы соғыста Кеңес Одағының Батыры атанған 96 адамның қатарында қазақ ұлтынан жалғыз Қайыргелді Майданов қана екендігі мәлім. ТМД елдері ішінде Кеңес Одағының және Ресейдің батыры атанған бір-ақ адам болса, ол-қазақ Қайыргелді Майданов. Грек рим күресінен ашық турнир екі күнге созылмақ.