Оралда «Трамадол королі» ұсталды. Бұл туралы қоғам белсендісі Аслан Өтепов мәлімдеді. Ал облыстық прокуратура өкілдері аталмыш жағдайға қатысты ешқандай мәлімдеме берген жоқ. Қоғам белсендісі Аслан Өтепов, өзінің фейсбук парақшасында Оралдағы трамадол королінің қолына құқық қорғау өкілдерімен кісен салынғаны туралы ақпарат таратты. Қоғам белсендісінің осы мәлімдемесінен кейін оған әлде біреулер хабарласып қорқытыпты. Кейін Аслан Өтепов ПД-не шағым түсірген. ПД баспасөз қызметі Өтеповтың шағым түсіргенін растады. Және Николай Карповтың үстінен ҚР ҚК 296 бабы атап айтқанда есірткі, психотроптық заттармен, сол тектестермен өткізу мақсатынсыз заңсыз жұмыс істеу дерегі бойынша оның үстінен қылмыстық іс қозғалып, сотқа дейінгі тергеп-текеру шаралары басталыпты. Алайда күдікі бостандықта. Ал телеграмм каналындағы @egovpress <https://t.me/egovpress> парақшасында құқық қорғау өкілдерінің қатысуымен болған тінту операциясы 26-шы сәуір күні болыпты.

Кәмелетке толмаған жасөспірімдерге электорнды темекі сатқан дүңгіршек жойылды. Бұл туралы БҚО ПД өкілдері мәлімдеді. Аталмыш проблема туралы қала тұрғыны Аслан Өтепов осыдан екі күн бұрын мәлімдеме жасап, бұл факті бойынша тергеу жұмыстарын басталған еді. Электронды темекіні мектеп оқушыларына сатқан кәсіпкер Ресей азаматы көрінеді. Жасөспірімдер үшін қауіпті саналатын табак өнімдерін тал түсте сатқан азаматтың сату орны толықтай жойылды. Келтірілген дәлелдер оның бұл әрекетінің заңсыз екені анықтап берді. Өйткені бұл психотропты өнімге жасөспірімдердің де қызығушылығы зор болып отыр. Полицейлер аталған факты бойынша шағымдар үстіміздегі жылдың 19-шы қаңтарында түскенін айтса, нақты дәлел екі ай бойы жиналыпты. Соның бірі - Оралдық Аслан Өтеповтың ұялы телефонына түсіріген кадрлар еді. Ювеналды полицейлер дерегінше жыл басынан бері мектеп жасындағы оқушыларға тыйым салынған заттарды сату дерегі бойынша 7 әкімшілік хаттама толтырылыпты. Алдын -алу шаралары бойынша инспекторлардан құралған топпен рейдтік шаралар ұйымдастырылуда. Ал қоғам белсендісі бұл іске араласқан арнамызға алғысын бідірді. Сондай-ақ, Аслан Өтепов мұндай сату дүңіршектерінің бірнешеуін бақылауға алғанын айтты. Бұл өнім соңғы кезде елімізде сұранысқа ие. Нарколог мамандар оның психотропты зат екенін айтады. Сонымен қатар электронды темекені тұтынып, кейін өмірмен қоштасқан ресейдегі қайғылы жағдайды мысалға да келтірді. Тағы да естеріңізге сала кетеміз, ел аумағында кәмелетке толмағандарға темекі және табак өнімдерін сатуға тыйым салынған.

Соңғы кездері қаламызда электронды шылым сататын орындарда кәмелетке толмаған жасөспірімдерге өнімді сату фактілері орын алғаны анықталды. Бұл туралы қоғам белсенділері мәлімдесе, полицейлер аталған факті бойынша тергеу жұмыстарын бастаған. Электронды шылымның сан алуан түрі жастар арасында танымал болғалы қашан? Тіпті қазір табак өнімдері көше бойында ашық түрде сатылуда. Бейресми мәліметтерге сүйенер болсақ, қарапайым шылымнан бас тартып, «зияны аз»,- деп осы бір өнімді қолданушылардың қатары көбейгенін көшеде арнай орын алып кәсібін ұршықша үйіріп отырған жағдайдан аңағаруға болады. Енді бұл психотропты өнімге жасөспірімдердің де қызығушылықтары артуда. Бұл кадарларды қала тұрғыны Аслан Өтепов кездейсоқ түсіріп алған. Байқағандарыңыздай мектеп жасындағы оқушыларға ашықтан-ашық берілуде. Ал осы сатушыларға ел аумағында жасы 18-ге толмаған балаларға шылым сатуға тыйым салынғаны кедергі болмай, өз өнімдерін кімге болсын, мейлі тек өткізсек болды деп тұрғаны қала тұрғындарын алаңдатып-ақ отыр. Бұл туралы іс ҚПБ түскен.Естеріңізге саламыз, заң бойынша темекі өнімдері 18 жасқа толмағандарға сатылмауы тиіс.

Бүгін облыстағы сауда үйлерде жұмыс жасайтын бір топ кәсіпкер сенбі күні жұмыс жасауға рұқсат сұрап, облыстық санитарлық-эпидемиологиялық бақылау департаментіне жиналды. Олармен кездесуде облыстың бас санитары Мұқамғали Арыспаев бұл мәселенің жуық арада облыстық штаб отырысында қаралатынын мәлімдеді.Өңір 16 наурыздан бері ауру таралу көрсеткіші бойынша "қызыл" аймақтар тізімінде. Қазірдің өзінде күн сайын 100-ден аса адам қауіпті вирусты жұқтыруда. Індеттің жаңа мутацияланған штамдары таралып жатқанын қарамастан тұрғындар көпшілік жерлерге барудан бас тартар емес. Сауда нысандарын осы орайда демалыс күндері жабу туралы қаулы күшіне енді. Аптаның 6-шы күнінде жұмыс жасуға рұқсат сұрағандар қатарында 20-дан аса кәсіпкер болды. Жиналғандардың уәжіне облыстың бас санитары Мұқамғали Арыспаев жауап қатып, бұл мәселенің COVID-19-ға қарсы іс-қимыл жөніндегі жедел штабтың отырысында қаралатынын айтты. Батыс Қазақстанда өткен тәулікте 105 адамнан коронавирус инфекциясы анықталды.

БҚО-да демалыс және мереке күндері сауда үйлері мен базарлардың жұмыс жасауына рұқсат берілді. Жаңа қаулы 9 желтоқсаннан бастап күшіне енеді. Естеріңізге сала кетеміз, кәсіпкерлер жексенбі және демалыс күндері сауда үйлерінің жұмысын жандандыруды өтініп, бірнеше мәрте шектеуге наразылық танытқан болатын.Енді жексенбі және мереке күндері де барлық сауда үйлері, жабық базарлар ашық болады. Сондай-ақ осы күндері қоғамдық көліктер де жүреді. Бұрын сағат 23.00-ден бастап таңғы 06.00-ге дейін қозғалысқа шектеу қойылған болатын. Енді бұл уақыт сағат 00.00-ден 06.00-ға дейін болып өзгерді. Сонымен қатар барлық бағыттағы тамақтану орындарына арақашықтықты сақтай отырып, 50 адамға дейін қабылдауға рұқсат берілді.Бұған дейін демалыста сауда орындарының жұмысын жандандыруға бірнеше мәрте рұқсат сұраған кәсіпкерлер жаңа қаулының шыққанына дән риза. Олардың айтуынша сенбі мен жексенбіде және мереке күндерінде ғана сауда жүріп, жұмыс жанданатын көрінеді. Мәселен, "Московский" жабық базарында бүгінде 700-ге жуық адам еңбек етеді. Базар әкімгері наурыз айынан бері жұмыс орындарын сақтап қалу үшін сауда бутиктерін жалға алушыларға барлық жағдайды жасағандарын айтады.Дегенмен ойын-сауық, спорттық іс-шаралар, көрмелер, форумдар, конференциялар, жаппай жаңа жылдық іс-шаралар (соның ішінде ертеңгіліктер, корпоративтер), сондай-ақ үйде және адамдар көп жиналатын жерлерде отбасылық, естелік іс-шараларды (банкеттер, үйлену тойлары, мерейтойлар, еске алу және т. б.) өткізуге тыйым салынады. Басқа да шектеу шаралары өз күшінде қалады. Кинотеатрлар жұмысын бастау бойынша мәселе алдағы аптада облыстық штаб отырысында қаралмақ.Қазіргі таңда өңірде ауырғандар саны 8304-ке жетсе, соның 7422-сі жазылып шықты. 137 адам індеттен көз жұмды. Пневмонияға шалдыққан 110 адам стационарда, 60-ы амбулаторлық ем алуда. Пневмониядан 239 адам қайтты. Күні бүгін өкпені жасанды желдету аппаратына 3, оттегі концентраторына 8 адам қосылған. Жеті жұқпалы аурулар стационарында 135, төрт карантиндік стационарда 70 адам емделуде. 10 адам жансақтау бөлімшесінде жатыр.